________________
चतुर्थोऽङ्क]
[१४१ यद्यपास्तभयातङ्कास्तं बद्ध्वाद्य मलिम्लुचम् ।
अर्पयामस्तव स्वामिन् ! तन्नूनं त्वत्पदातयः ॥१६॥ कीनाश:- (पश्चिमाशासंमुखमवलोक्य)
भीत इवार्को भूत्या आदाय वसु स्वमस्तगिरिमगमत् । क्षयसमयक्षुभितोदधिसमतमसा पूर्यते च मही ॥१७॥ (पूर्वाशामवलोक्य सविस्मयं) अये ! कथमयं प्राचीपुरन्ध्या रोचनाचन्द्रक इव जगन्मनोरोचनश्चन्द्रोऽप्युद्ययौ । तथाहिस्वर्लक्ष्याः किमु कन्दुकः ? किसु रतिप्रीत्योः परोऽष्टापदः ? किं वा पञ्चशरस्य सीधुचषकं ? किं वात्मदर्शो भुवः ? । किं पीयूषमहीरुहस्य कुसुमं ? नायं न चासौ न वा
ऽप्येतन्नैव न चैतदभ्रमुकुटः किन्त्वेष शीतद्युतिः ॥१८॥ किञ्च
परागरेणूत्करपिञ्जराङ्गं हंसं समीक्ष्य स्मितकैरवस्थम् । मदीयभायमिति प्रहृष्टा चन्द्रोदये नृत्यति चक्रवाकी ॥१९॥ (व्याघ्रमुखं प्रति) स्थाप्यतां सज्जीकृत्य सेनां चतुर्दिक्षु प्राकारस्य बाह्याभ्यन्तरम् । तन्मध्ये एकस्यां दिशि वयं स्थास्यामः । अन्यासु भवद्भिरप्रमत्तैः स्थेयम् ।
(सर्वेऽपि यथास्थित्या तिष्ठन्ति ।) कीनाश:- (विमृश्य) अरे पिङ्गल ! समादिशास्मदाज्ञया श्वपाकं कर्कटाक्षम् ।
यथाऽद्य रात्रौ संचरन् रक्षणीयो नागरिकलोकः । प्राक्प्रहरादूर्ध्वं तस्करः शीघ्रं ज्ञाप्यः । (पिङ्गलो निष्क्रम्य यथादिष्टमाधाय च प्रविशति ।)
(नेपथ्ये उच्चैःस्वरम्) (क) भो भो लायगिहलोया ! सव्वे वि सुनेध । जे के वि (क) भोः भोः राजगृहलोकाः ! सर्वेऽपि शृणुत । यः कोऽपि युष्माकमद्य रजन्यां
प्रथमप्रहरादूर्ध्वं भ्रमिष्यति तस्य तस्करदण्डं राजा करिष्यति ।
Jain Education International
For Private & Personal Use Only
www.jainelibrary.org
