________________
चतुर्थोऽङ्कः ]
सुमुख:- ( सहर्षमुच्चैःस्वरं) वर्धसे देव ! वर्धसे, वन्दारुत्रिदशेन्द्रमौलिविलसन्मन्दारपुष्पोत्करप्रोन्मीलन्मकरन्दबिन्दुनिवहस्त्रातांहिपङ्केरुहः । त्रैलोक्यं समलंकरिष्णुरशुभं जिष्णुर्जिनग्रामणीः श्रीवीरः समवासरत्पुरबहिर्देवाधिदेवः प्रभुः ॥ ३९ ॥
राजा
(सहर्षं) कथं वर्धमानस्वामी भगवान् मनोरमोद्यानभुवमलंकृतवान्? | तगृहाणैतत्पारितोषिकम् । ( इति तस्मै सर्वाङ्गीणाभरण[जात]मुपनयति । कुन्तलं प्रति) कार्यतां पटहप्रदानेन समस्तपुरशोभाः, प्रगुण्यतामगण्या स्नानविधिः आनीयन्तामग्रपूजोपचारसामग्यः । (अभयं प्रति) अमात्य ! सांप्रतप्रतिपन्नेऽर्थे प्रयत्नपरेण भाव्यम् । (वणिजः प्रति) व्रजत यूयं स्वस्वावसथेषु, अस्मिन्नर्थे न काचिच्चिन्ता विधेया । आरक्षक ! त्वमपि स्वनियोगमनुतिष्ठ । वयमपि श्रीवर्धमानस्वामिनं देवाधिदेवमष्टमहाप्रातिहार्य चतुर्विंशत्य (श्चतुस्त्रिंशद) तिशयपरिकलितमाराधयितुं समीहितं साधयामः ।
( इति निष्क्रान्ताः सर्वे 1)
॥ तृतीयोऽङ्कः समाप्तः ॥
,
॥ अथ चतुर्थोऽङ्कः ॥
(ततः प्रविशति वञ्जुलः कपिञ्जलश्च)
Jain Education International
[ १३५
कपिञ्जलः- ततस्तत: ? ।
वञ्जुल:- तदनन्तरं महामात्यः सर्वतस्तं दिनत्रयं यावदवलोकयामास ।
कपिञ्जल:- कुत्र कुत्रावलोकित: ? ।
वञ्जुल:
(सनिर्वेदं) यद्यकस्मिन् कस्मिंश्चित्स्थानेऽवलोकितो भवति
तत्कथ्यते ।
For Private & Personal Use Only.
-
www.jainelibrary.org
