________________
१००]
[प्रबुद्ध रौहिणेय नाटक प्रबन्धः रौहिणेयः - (विलोक्य ससंभ्रमं) कथमेतन्मनुजमिथुनमापतति ? । तत्कथं
मच्चिन्तितमापत्स्यते? । किमेतौ कुरुतः ? । अतस्तावत्क्षणमेकं सहकारतरुणा तिरोधाय निरूपयामि ।
(इति सशबरस्तथा करोति ।) (ततः प्रविशति प्रियापितभुजपल्लवः सलीलं नवयौवनः पुरुषः सर्वाङ्गीणाभरणभूषिता यौवनारम्भविशेषोन्मिषितलावण्या च
वनिता।) पुरुषः- (वनितां प्रति) प्रिये मदनवति !,
वैदग्ध्यद्रुममञ्जरीमिव लसल्लावण्यवीचीमिव स्वःसौख्यैकखनीमिव स्मरनृपक्रीडाखलूरीमिव । शृङ्गाराद्भुतदीर्घिकामिव सुधासारप्रणालीमिव
प्रेमोत्पत्तिमहीमिव प्रतिकलं त्वां संस्मरामि प्रिये ! ॥१५॥ वनिता- (क)सव्वुनयाई वनुज्जलाइँ संविहियसुमुहरायाइं ।
नाह ! तुह च्चिय वयणे सुहंति पत्ताइँ वयणाइं ॥१६॥ पुरुषः- अहो ! वक्तृत्वपरिपक्त्रिमत्वमस्मन्मनश्चकोरचन्द्रिकायाः । यदि वा
यः सद्गुणो गुणज्ञः परमप्यगुणं गुणोत्तरं वदति । अतिदन्तुरमपि वदनं ताम्बूलं सुभगयत्येव ॥१७॥ अन्यथाऽन्योऽपि किं कश्चित्स्वगुणैरतिशयमासादयति ? । निष्कृत्रिमप्रेमविसंस्थुलायाः
सर्वाङ्गसौभाग्यतरङ्गितायाः । वक्रप्रभामुद्रितचन्द्रिकायाः
प्रिये ! किमेकं तव वर्णयामि ? ॥१८॥ दृष्टः पीयूषरश्मिः श्रुतममृतमथ स्वादितं स्वादु सीधु
घ्रातः प्रत्यग्रपुष्पप्रकरपरिलसन्मांसलः स्निग्धगन्धः । (क) सर्वोन्नतानि वर्णज्ज्वलानि संविहितसुमुखरागाणि ।
नाथ ! तव खलु वदने शोभन्ते पत्राणि वचनानि ॥
Jain Education International
For Private & Personal Use Only
www.jainelibrary.org
