________________
प्रथमोऽङ्कः]
किं चात्र
अन्यच्च
क
केचिद्वेल्लितवल्लभाभुजलताश्लेषोल्लसन्मन्मथाः केचित्प्रीतिरसप्ररूढपुलकाः कुर्वन्ति गीतध्वनिम् ।
केचित्कामितनायिकाधरदलं प्रेम्णा पिबन्त्यादरात् किञ्चित्कूणितलोललोचनपुटाः पद्मं द्विरेफा इव ॥१०॥
उत्कृत्तदन्तिदशनद्युतिमत्प्ररोहगन्धाश्रितभ्रमरराजिविराजिमध्यम् ।
आभाति केतकदलं त्रिजगद्विचिन्त्य ( जित्य ) प्रोत्तम्भितं विजयपत्रमिव स्मरेण ॥ ११ ॥
( सर्वतोऽवलोक्य शबरं प्रति ) अहो ! महत्कौतुकम्, मया निरन्तरमपहृतधना अपि ध्वस्तसमस्तशोकाः सततविहितबिब्बोका: सफलीकृतजीवलोकाः क्रीडन्त्यमी लोकाः । यदि वा नहि नह्येतत्,
यदेते पूर्लोकाः प्रकटविभवापास्तधनदा गतव्रीडाः क्रीडारसमनुसरन्ति प्रियसखाः ।
[ee
मदोन्मादज्ञातस्वपरजनभावव्यतिकरा
स्तदेतन्मन्येऽहं मम सुकृतराशेर्विलसितम् ॥१२॥ तदेतन्मध्याद्यदि किमप्यपह्रियते मनस्तोषणं भूषणं रौद्रं दारिद्रास्त्रं वस्त्रं भुवनजनमनःकेकिकादम्बिनी काचिन्नितम्बिनी तदद्यतनं दिनमवन्ध्यं भवति । यतः -
Jain Education International
वणिग् वेश्या कविर्भट्टस्तस्करः कितवो द्विजः । यत्रापूर्वोऽर्थलाभो न मन्यते तदहर्वृथा ॥१३॥ (नेपथ्ये)
(क) वल्लहसंगसुहियाण सुहय ! सुहओ स एस महुमासो । पुण तव्विओअविहुराण नूणं मरणं विसेसेइ ॥ १४ ॥
वल्लभासङ्गसुखितानां सुभग ! सुखदः स एष मधुमासः । पुनस्तद्वियोगविधुराणां नूनं मरणं विशेषयति ॥
For Private & Personal Use Only
www.jainelibrary.org
