________________
અંક ૫]
[ ૬૫
સાથે, રાજસભામાં આવી પહોંચે છે.)
(રાજાને પ્રણામ કરીને કીનાશ આસન પર બેસે છે.) રાજા : કીનાશ ! આ ચોરની જેમ કોને બાંધી લાવ્યો છે ? કીનાશ : દેવ ! નગરજનોને વળગેલા અસાધ્ય વ્યાધિ જેવો આ પેલો ચોર
છે. ગઈકાલે જ તેને પકડી લીધો છે. રાજા : ઓહુ, જેણે મારા પ્રજાજનોના નિર્ભયતા, ધન અને સુખ હણીને
તેમને ભયવિહ્વળ, નિર્ધન અને શોકસત્તત બનાવ્યા એ જ આ
ચોર કે ? કીનાશ : (નમીને) હા પ્રભુ ! એ જ. રાજા : પણ એ પકડાયો કેવી રીતે ? કિનાશ : દેવ ! મહાઅમાત્યે રચેલી માયાજાળમાં ફસાયો ! સિંહલ : (હસીને) દેવ! મંત્રીશ્વર વિના કોનું સામર્થ્ય છે કે આવા ભયાનક
ચોરને પરાસ્ત કરે ?
દેખાયે નહિ, ના તપે, પણ બધી આપત્તિઓને દહે એવી આગ; મંત્રો ના, નહિ યંત્ર-તંત્ર-વિધિ ના, ના ચૂર્ણ કે ઔષધોયોજે, તો પણ સિદ્ધ-તુલ્ય; ખેલે ના કંઈ યુદ્ધ, શસ્ત્ર પણ ના, કે સૈન્યનો સાથ ના તોયે જે રિપને હણે;
મંત્રીનું અણચિંતવ્યું અતિતણું માહાત્મ એ જાણજો ! (2) રાજા : મંત્રીને આટલો બધો વિલંબ કેમ થયો હશે, વાર?
(તે જ ક્ષણો કુન્તલ અને તેની પાછળ પાછળ અભયકુમાર પ્રવેશે
કુલ : દેવ ! મંત્રીશ્વર આપને પ્રણામ કરે છે.
(અભયકુમાર રાજાને નમીને બેસે છે.) રાજા : મંત્રીશ્વર ! તમે ખરેખર પ્રતિજ્ઞા પાળી બતાવી ! ધન્ય છે તમારા
બુદ્ધિકૌશલ્યને !
Jain Education International
For Private & Personal Use Only
www.jainelibrary.org
