________________
(पञ्चमं पर्व
कलिकालसर्वज्ञश्रीहेमचन्द्राचार्यप्रणीतं दशोत्तरं 'देशशतं विभज्य तनुजन्मनां । दत्त्वाऽन्येधुर्मन्दराद्रिं सोऽगात् प्रज्ञप्तिविद्यया ॥४११।। तत्राऽन्तर्नन्दनवनं सिद्धचैत्येऽर्चनं व्यधात् । तदा तत्राऽवतेरुश्च त्रिदशा: कल्पवासिनः ॥४१२।। प्राग्भवभ्रातृसौहार्दादच्युतेन्द्रो विलोक्य तम् । प्राबोधयद्गुरुरिव संसारस्त्यज्यतामिति ॥४१३।। तदाऽमरगुरुर्नाम मुनीन्द्रः समुपाययौ । विद्याधरपतेस्तस्य स्वार्थसिद्धिरिवाऽङ्गभाक् ॥४१४॥ तत्पादमूले जग्राह मेघनादस्ततो व्रतम् । अपालयच्चाऽप्रमत्तस्तपो-नियमपूर्वकम् ॥४१५॥ सोऽपरेधुरथाऽऽरुह्य गिरिं नन्दनपर्वतम् । ध्यानी तस्थौ समालम्ब्य प्रतिमामेकरात्रिकीम् ॥४१६।। तथास्थितं च प्राग्जन्मवैर्यश्वग्रीवनन्दनः । भवं भ्रान्त्वा चिरं दैत्यजन्म प्राप्तो ददर्श तम् ।।४१७॥ प्राग्वैरादुपसर्गान् स क्रुद्धस्तस्य महामुनेः । चक्रे निसर्गधीरस्य महाद्रोरिव कासरः ।।४१८॥ तं च चालयितुं ध्यानान्नाऽशकत् स मनागपि। किं कम्पते क्वचिच्छैलो दन्तघातेन दन्तिन:? ॥४१९।। वीक्षापन्नो जगामाऽथ सोऽसुरो मलिनाननः । ध्यानं च पारयामास मेघनादमहामुनिः ॥४२०।।
उपसर्गपरीषहैरप्रकम्प्र: स तपस्तीव्रतरं चिरं चरित्वा। अन्तेऽनशनं विधाय मृत्वाऽच्युतसामानिकदेवभूयमाप ॥४२१।।
इत्याचार्यश्रीहेमचन्द्रविरचिते त्रिषष्टिशलाकापुरुषचरिते महाकाव्ये पञ्चमे पर्वणि श्रीशान्तिनाथदेवीय
षष्ठसप्तमभववर्णनो नाम द्वितीय: सर्ग:॥
१.पुरशतं पा. ।। २. पुत्राणाम् ।। ३. ०रिवाङ्गवान् मु.।। ४. पूर्वजन्मशत्रुः ।। ५. महावृक्षस्येव महिषः ॥६. विलक्षः ।। ७. देवत्वम् ।। ८. पञ्चमपर्वणि
खंता. पाता. वा.१-२॥ ९.०देवीयषष्ठसप्तमभव: समाप्तः इति वा.१-२॥ १०. सर्गः सम्पूर्ण: मु.॥ Jain Education International For Private & Personal Use Only
www.jainelibrary.org
१परमात । पुत्राणाम्। विनाकाबाल मना । मुहावरोव तिषः ॥६. चित्तक ७ देवल्यम् ॥ ८. पक्षमपर्वनि
