Page Text
________________
द्वितीयः सर्गः)
त्रिषष्टिशलाकापुरुषचरितम्। तत् प्रसद्याऽनुमन्येथां प्रव्रज्याग्रहणाय माम्। ईदृक्छलपरादस्माद्रीताऽस्मि भवराक्षसात् ।।३१५।। विस्मयस्मेरनयनौ ततस्तावित्यवोचताम् । भवत्विदमविघ्नं ते गुरुपादप्रसादतः ॥३१६।। किन्त्विदानीं शुभां यामो नगरी धीगरीयसि! । यथा तत्र महद्धर्चा ते कुर्मो निष्क्रमणोत्सवम् ।।३१७।। स्वयम्प्रभजिनेद्रान्ते गृह्णीयास्तत्र चाऽनघे! । संसारवारितरणे तरकाण्डोपमं व्रतम् ॥३१८।। तथेति प्रतिपेदानां तामादायाऽथ भक्तित: । तं च नत्वा महर्षि तौ जग्मतुर्नगरी शुभाम् ॥३१९॥
तत्राऽऽदौ प्रेषितैर्वीर रणाय दमितारिणा। अनन्तसेनं पुत्रं तं युध्यमानमपश्यताम् ॥३२०॥ अनन्तवीर्यपुत्रं तं क्रोडं श्वभिरिवाऽऽवृतम् । निरीक्ष्य भ्रमयन् सीरं सीरी कोपादधावत ॥३२१।। दमितारिभटास्तेऽपि बलवातासहिष्णवः । तूलपूला इव ययुः कान्दिशीका दिशोदिशम् ।।३२२॥ प्राविशत् सपरीवार: स्वपुरी तां जनार्दनः । शुभेऽहन्यर्धचक्रित्वेऽभ्यषिच्यत नरेश्वरैः ॥३२३।। इमां धरित्री विहरन् स्वामी तत्राऽपरे दिने । उपेत्य समवासार्षीत् स्वयम्प्रभजिनेश्वरः ॥३२४॥ श्रीस्वयम्प्रभनाथस्याऽऽगत्या दिष्ट्याऽद्य वर्धसे । इत्यूचिरेऽनन्तवीर्यं ततश्च द्वारपालकाः ॥३२५॥ सार्धा द्वादश रूंप्यस्य कोटीस्तेभ्य: प्रदाय सः। साग्रज: सकनकश्री: स्वामिनं वन्दितुं ययौ॥३२६।। स्वयम्प्रभोऽपि भगवान् भव्यानुग्रहकाम्यया। सर्वभाषानुगामिन्या विदधे देशनां गिरा ॥३२७|| कनकश्रीजगादैवं वेश्मन्याऽऽपृच्छय शाङ्गिणम् । आगमिष्यामि दीक्षार्थं कृपां कुरु जगद्रो! ॥३२८॥ न प्रमादो विधातव्य इति तीर्थकृतोदिता। कनकश्रीहरिः सीरी जग्मुर्निजनिकेतनम् ॥३२९।। साऽनुज्ञाप्य हरिं तेन कृतनिष्क्रमणोत्सवा। ऋद्धया महत्या तत्रैत्य प्रावाजीदन्तिके प्रभोः ॥३३०॥ तप एकावलिं मुक्तावलिं च कनकावलिम् । भद्रं च सर्वतोभद्रमित्याद्याचरति स्म सा॥३३१।। शुक्लध्यानाग्निनिर्दग्धघातिकर्मेधसोऽन्यदा। अम्लानं केवलज्ञानं तस्या: समुदपद्यत ॥३३२॥ भेवोपग्राहिकर्माणि क्षपयित्वा क्रमेण च । कनकश्रीराससाद पदं तदपुनर्भवम् ॥३३३॥ भुञ्जानौ विविधान् भोगान् शार्ङ्गसीरधरावपि । गमयामासतुः कालं सुखमग्नौ सुराविव ॥३३४।। आसीच्च बेलदेवस्य दयिता विरताऽऽह्वया। तस्याः कुक्षौ समुत्पेदे सुमति म कन्यका ॥३३५।। बाल्यतोऽपि हि सर्वज्ञोपज्ञधर्मानुरागिणी। जीवा-ऽजीवादितत्त्वज्ञा तपोनुष्ठानशालिनी ॥३३६|| अखण्डद्वादशविधश्रावकव्रतधारिणी। अर्हत्पूजा-गुरूपास्तितत्परा सा सदाऽप्यभूत ॥३३७/युग्मम।
अन्यदा तूपवासान्ते पारणाय निषेदुषी। सा यावद् द्वारमैक्षिष्ट कोऽप्यषिस्तावदागमत् ॥३३८॥ त्रिगुप्तिं पञ्चसमितिं धर्मं साक्षादिवाऽऽगतम् । तं स्थालस्थापितान्नेन प्रतिलाभयति स्म सा ॥३३९।। तत्राऽभूच्च तदा दिव्यं वसुधारादिपञ्चकम् । महात्मभ्य: प्रदत्तं हि कोटिकोटिगुणं भवेत् ॥३४०॥ तत: स्थानादृषिरपि विहरन्नन्यतो ययौ। स्थानं नैकत्र साधूनां नि:सङ्गानां समीरवत् ॥३४१।। आकर्ण्य रत्नवृष्टिं तामेयतुर्बल-शाङ्गिणौ । दृष्ट्वा च विस्मयोत्कर्णौ बभूवतुरुभावपि ॥३४२।। आश्चर्यभूतमेतस्याश्चरित्रमिति वादिनौ। कोऽनुरूपो वरोऽमुष्या? इत्यचिन्तयतां च तौ ॥३४३।। ततश्च मन्त्रयित्वा तावीहानन्देन मन्त्रिणा । द्रढयामासतुस्तस्याः स्वयंवरमहोत्सवम् ॥३४४।। पावासुदेवाज्ञया विद्याधरेन्द्रा भूभुजोऽपि च । तत्र स्वयंवरायेयुर्विजयानिवासिनः ॥३४५।। १. इक्बलपराद० ला. पा. ॥ २. किन्त्वद्य सुभगाम् खंता. ता. पा. ।। ३. धिया-बुद्ध्या गरीयसि! । ०धीगरीयसीम् खंता. ॥४. नौसदृशम् ॥५. स्वीकुर्वन्तीम् ।। ६. धीर खंता. पाता. ॥७.रणादौ ता.॥८.योध्यमान० खंता. पाता. वा.१-२।। ८. शूकरम् ।। १०. अपराजितः ।। ११. बल: अपराजित एव वातः, तस्य असहिष्णवः; बलवातोऽसहिष्णव: पा. ॥ १२. तूलपुञ्जा इव ता. दे. ॥१३. अनन्तवीर्यः ॥ १४. वासुदेवत्वे ।। १५. आगत्याआगमनेन ॥ १६. भाग्येन ।। १७. सार्घद्वादश मु.॥ १८.रौप्यस्य सं. ला.॥१९. अनन्तवीर्येण ।। २०. शुक्लध्यानामिना निर्दग्धानि घातिकर्माणि - ज्ञानावरणीय-दर्शनावरणीय-मोहनीया-ऽन्तरायकर्माणि एव एधांसि काष्ठानि यया तस्याः ॥२१. नाम-गोत्र-वेदनीया-ऽऽयुष्यकर्माणि ।। २२. मोक्षम् ।।२३. अपराजितस्य ।। २४. अन्येारुपवासान्ते ला. ।। २५. कोऽपि ऋषिरित्यर्थः ।। २६.वायुवत् ।। २७. आजग्मतुः॥
Jain Education International
For Private & Personal Use Only
www.jainelibrary.org
| SR No. | 001457 |
| Book Title | Trishashtishalakapurushcharitammahakavyam Parva 5 6 7 |
| Original Sutra Author | Hemchandracharya |
| Author | Ramnikvijay Gani |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2001 |
| Total Pages | 338 |
| Language | Sanskrit |
| Classification | Book_Devnagari & Story |
| File Size | 9 MB |