Trishashtishalakapurushcharitammahakavyam Parva 5 6 7

SR No.: 001457
Original Sutra Author: Hemchandracharya
Author: Ramnikvijay Gani
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad
Publication Year: 2001
Total Pages: 338
Language: Sanskrit
Classification: Book_Devnagari & Story
File Size: 9 MB

Page 18

॥अर्हम्॥ ॥ॐ भगवतेऽर्हते शान्तिजिनाय नमो नमः।।
॥नम: प्रथमानुयोगप्रणेतृभ्यः श्रीकालकार्येभ्यः।। कलिकालसर्वज्ञश्रीहेमचन्द्राचार्यविनिर्मितं
त्रिषष्टिशलाकापुरुषचरितम्
॥श्रीशान्तिनाथचरितप्रतिबद्धं पञ्चमं पर्व ॥
॥प्रथम: सर्गः॥
नमः श्रीशान्तिनाथाय कृतविश्वाघशान्तये। षोडशाय जिनेन्द्राय पञ्चमाय च चक्रिणे॥१॥ मोहान्धकारसन्दोहकर्तनकविकर्तनम् । कीर्तयिष्यामि तस्याहं चरित्रमतिपावनम् ॥२॥ अस्यैव जम्बूद्वीपस्य मण्डलाकारधारिणे । इन्दोरिव सप्तमोऽश: क्षेत्रं भरतमस्त्यदः ॥३॥ अर्धे च दक्षिणे तस्य मध्यखण्डविभूषणम् । अस्ति रत्नपुरं नाम पुरं सुरपुरोपमम् ॥४॥ तत्र श्रीषेण इत्यासीद्राजा राजीवलोचनः । राजीवमिव वासाय श्रियो देव्या विकस्वरम् ॥५॥ ज्येष्ठं बन्धुमिवाऽजस्रं स धर्मं बह्वपूजयत् । अर्थ-कामौ कनीयांसाविवाबाधमपालयत् ॥६॥ प्रार्थनामर्थिलोकस्य पूरयामास सोऽनिशम् । स्मरातुरपरस्त्रीणां न पुनर्धर्मकर्मठः ॥७॥ तथा रूपमभूत् तस्य सर्वोपम्यविलक्षणम् । आलेख्यस्याऽप्यविषयो यथा ह्यालेख्यकारिणाम् ॥८॥ दण्डप्रधानं साम्राज्यमपि स प्रतिपालयन् । दयामाराधयामास देवतामिव कामदाम् ॥९॥ पविशुद्धशीला तद्भार्या नाम्नाऽभूदभिनन्दिता। हृदयानन्दिनी वाचा नेत्रकैरवचन्द्रिका ॥१०॥ मनसाऽपि न सा शीलं खण्डयामास जातुचित् । मण्डयामास तेन स्वं फल्गु बाह्यं हि मण्डनम् ॥११॥ भूषणान्यप्यऽभूष्यन्त निवेश्य स्वतनौ तया । तस्या निसर्गसुन्दर्या भारभूतानि तानि तु ॥१२॥ तरङ्गायितलावण्यपुण्यावयवशालिनः । तद्रूपस्य प्रतिच्छन्दो दर्पणेष्वेव नान्यतः॥१३॥ माता-पितृ-श्वशुराणां युगपत् सा कुलत्रयम् । एकाऽप्यनेकरूपैवाऽभूषयद् गुणभूषणा ॥१४॥ द्वितीयाऽप्यभवत् तस्य राज्ञो हँच्छिखिनन्दिका । मेघमालेव दयिता नामत: शिखिनन्दिता ॥१५॥ सुखं वैषयिकं पत्याऽनुभवन्त्या अखण्डितम् । जज्ञेऽभिनन्दितादेव्या गर्भ: कालेन गच्छता ॥१६॥ सूर्या-चन्द्रमसौ स्वप्ने स्वोत्सङ्गस्थौ ददर्श सा। पुत्रद्वयं तवोत्कृष्टं भावीत्याख्यच्च तत्पतिः॥१७॥ सम्पूर्णे समये सूनुयुग्मं देव्यभिनन्दिता। असूत तेजसाऽनूनं रवेश्चन्द्रमसोऽपि च ॥१८॥ इन्दुषेणो बिन्दुषेणश्चेत्याख्ये पुत्रयोर्द्वयोः । श्रीषेणपार्थिवोऽकार्षीदुत्सवेन महीयसा ॥१९॥ धात्रीभिर्लाल्यमानौ तावतियत्नेन पुष्पवत् । ववृधाते क्रमादन्यौ भुजाविव महीभुजः ॥२०॥ १.* वा.१-२॥२. सूर्यः ।। ३. तस्यैव खंता.॥४.०त्तमम् वा. १-२॥५. राजीवं-कमलम् ॥ ६. निरन्तरम् ।। ७. धर्मकुशलः ॥ ८.०मभूदस्य मु.प्र॥ ९. चित्रस्य ।। १०. चित्रकाराणाम् ॥ ११. प्रधानसाम्राज्य० खंता. पाता.॥ १२. कुमुद ॥ १३. शीलेन ॥ १४. तुच्छम् ।। १५. हि खंता. ॥ १६. तरजवदाचरितं लावण्यं तेन पुण्यैः पवित्रैः अवयवै: शालते इत्येवंशीलस्य ।। १७. प्रतिबिम्बम् ।। १८. हृदयरूपमयूरस्य आनन्ददायिनी॥१९. अन्यूनम् ।।