Page Text
________________
५९
दशमः सर्गः स्वःस्त्रैणजैत्रमणिकल्पितशिल्पचञ्च-त्पाञ्चालिकापहृतलोचनचित्तवृत्तिः । पूर्वापराम्बुनिधिसीममहीमघोनो, या संसोप सुषमां बलभित्सभेव ॥८६॥
दशभिः कुलकम् । इत्यकब्बर सभा । (१) स्वर्गवनिताव्रजजयनशीलाभिः रत्नैर्निर्मितं विज्ञानं यासां तथा शोभमानाभिः पुत्रिकाभिः स्वायत्तीकृता । अर्थाद्विलोकलोकानां नयनानां चित्तानां व्यापारा यत्र सा । (२) प्राचीप्रतीचीसमुद्रौ मर्यादा यस्यास्तादृश्या भूमेः शक्रस्य । (३) सभा । (४) सतिशायिनी शोभाम् । (५) प्राप । (६) इन्द्रसभेव । सुधर्मा ॥८६॥
देवाङ्गनाक्षेत्राभिः रत्नरचितविज्ञानदीप्यमानाभिः पुत्रिकाभिरपहता लोचनचित्रवृत्तिर्यया तादृशी आसमुद्रान्तपृथ्वीन्द्रसभा सातिशायिनी शोभामाप । यथा सुधर्मा नाम्नी सभाऽभात् ॥१३॥
'गोष्ठी सृजन्क्षितिसितांशुरैशेषशास्त्रा-धीतीव तत्सदसि कोविदमेदुरायाम् । धर्मं विशिष्य परिचेतुमना इति स्म, सामाजिकानँनुयुनक्ति कदाचिदेषः ॥८७॥
(१) विनोदवार्ताम् । (२) कुर्वाणः । (३) समस्तेषु शास्त्रेषु अधीतमध्ययनमस्याऽस्तीति सर्वशास्त्राध्येतेव । (४) तस्यां पूर्वव्याख्यातायां सभायाम् । (५) पण्डितमण्डलीमण्डितायाम् । (६) विशेषपरिचयं कर्तुकामः । (७) सभ्यान् । (८) पृच्छति स्म । (९) कस्मिंश्चित्प्रस्तावे । (१०) साहिः ॥८७॥
समग्रशास्त्रज्ञ इव गोष्ठी कुर्वन् एषः -क्षितीन्द्रः कदाचित्समये विशेषेण धर्म परिचितिगोचरीकर्तुमनाः सभ्यान् प्रश्नयति स्म ॥१४॥ 'भास्वानिव प्रकटयत्यनवद्यमार्ग, 'प्राणान्निजानिव पिपति समग्रसत्वान् । धत्ते स्पृहामिह न सिद्ध इव क्वचिद्यो-ऽनुक्रोशशालिपदवीमिव योजनौघः ॥८८॥ 'विश्वासुमत्सु समदृक्परमेशितेव, सङ्गं कुसङ्गमिव शान्तमना जहाति । यः पोतवत्तरति तारयते परांश्च, संसृत्युदन्वति से कश्चिदिहाऽस्ति साधुः ॥८९॥
युग्मम् ॥ (१) सूर्य इव । (२) निष्पापं पन्थानम् । (३) असून् । (४) पालयति । (५) समस्तान जङ्गमस्थावरान् प्राणिनः । (६) वाञ्छाम् । (७) मुक्तात्मेव । (८) कुत्राऽपि वस्तुनि ।(९) दयया शोभनशीलमार्ग धत्ते । तथा अनुगतैः- परस्परसम्बद्धैः क्रोशैर्गव्यूतैः शोभते इत्येवंशीलं मार्गम् । (१०) चतुःक्रोशात्मकानि योजनानि तेषां गणः ॥८८॥
(१) सर्वप्राणिषु जगज्जन्तुषु वा । (२) समा-स्वपरव्यवसायविमुक्ता दृष्टिर्यस्य । (३) परमेश्वर इव । (४) प्रमदाप्रमुखसंयोगं सम्बन्धं वा । (५) कुत्सितसङ्गमं पाप्मभिर्वा सम्बन्धम् । (६) यानपात्र इव । (७) संसारसमुद्रे । (८) इह-मदाज्ञावर्तिनि महीमण्डले । (९) ससर्वदर्शनेषु भूमौ वा प्रसिद्धः। (१०) महात्मा ॥८९॥ 1. सभावर्णनम् । हील० ।
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |