Page Text
________________
दशमः सर्गः (१) श्रीकरीपुर्या । (२) विश्वत्रयीपुरीजयनशीलया । (३) नागलोकम् । (४) इयंस्पर्धाकृतिः । (५) क्वापि न युक्तिमती । (६) विचार्य । (७) ब्रह्मणा । (८) कोपातिशयात् । (९) प्रवेशिता । (१०) पाताले । “बलिसद्म दिवं सतथ्यवागुपरि स्माऽऽह दिवोऽपि नारदः" इति नैषधे । (११) बलिदैत्येन । सहेत्यध्याहारः । बलवता विधिना वा ॥६७॥
गृहशब्दः पुनपुंसकयोः । तथा बलिनाम्ना दैत्येन सार्द्ध वा बलवता पद्मभुवा कोपाधिक्यात् नागलोकोऽध: क्षिप्तः ॥६७॥ 'निर्वर्ण्य वर्ण्यविभवैः स्वभवैः पुरी यां, संस्पर्द्धया 'निजजयाय समुज्जिहानाम् । तद्भूतभूरितमभीतिविहस्तचेताः, किं द्वारिका प्रविशति स्म पयोधिमध्ये ॥६८॥'
(१) दृष्ट्वा । (२) वर्णनार्हश्रीभिः । (३) स्वस्माज्जातैः । (४) आत्मनः पराभवाय। (५) उद्यतां-कृतोद्यमा( मानाम्)।(६) तस्याः स्वजयोत्सुकायाः पर्याभूता उत्पन्ना या अतिशायिनी भीतिस्तया व्याकुलहृदया । (७) समुद्रजलदुर्गे ॥६८॥
वर्णनीयस्वशोभाभिः स्पर्द्धमानां यां पुरीं दृष्ट्वा तद्भयविह्वलचित्ता द्वारकार्णवान्तःप्रविष्टा ॥६८॥ धात्रीधृतौ फणसहस्रभृताभ्यसूयां, 'बिभ्रद्धजङ्गविभुनाऽम्बरचुम्बिमौलिः । *सालः “स्मयेन कपिशीर्षककोर्टिमुच्चै"धर्तुं मरुद्गृहमिव स्वयमप्यधत्त ॥६९॥
(१) पृथ्वीधारणविधौ । (२) फटादशशतधारिणा । (३) (ईर्ष्याम् । (४) धारयत्। (५) शेषनागेन । (६) अभ्रङ्कषशिखरः । (७) प्राकारः।(८) गर्वेण । (९) अट्टालककोटिम् । (१०) उपरिष्टात् । (११) धारयितुम् । (१२) स्वर्गः ॥६९॥
धराधारणार्थं सहस्रफणधारिणा शेषनागेन सहाऽभ्यसूयां दधानः । पुनरभ्रंलिहशिखरः प्राकारो गर्वेण । उत्प्रेक्ष्यते-देवलोकमुच्चै रक्षितुं कपिशीर्षकाणां कोटि धृतवान् ॥६९॥
यद्वप्रवज्ररुचिसञ्चितशक्रचाप-चक्राभ्रचुम्बिकपिशीर्षकराजिराभात् ।। युद्धं विधातुमहितेन विधुन्तुदेन, मित्रान्तिकं किमु समीयुरमी सगोत्राः ।।७०॥
(१) श्रीकर्याः प्राकारस्य वज्रमणीनां कान्तिभिः पुष्टानि कृतानि इन्द्रधनुर्मण्डलानि यस्यां तादृशी अभ्रंलिहाट्टालकमाला । (२) वैरिणा । (३) राहुणा । (४) सूर्यः सखा च, तस्य समीपम् । (५) समेताः । (६) स्वजनाः ॥७०॥
यन्नगर्या वज्ररत्नरुचिभिः पुष्टीकृतानि इन्द्रचापचक्राणि यस्यां तादृशी अभ्रंलिहा कपिशीर्षकश्रेणी व्यभात् । उत्प्रेक्ष्यते-राहुणा सार्द्ध युद्धं विधातुं-कर्तुं सुहृदः सूर्यस्य चाऽन्तिकं समीपमागता अमी-दृश्या वज्रादयः सगोत्रा:-स्वजना इव । सगोत्रत्वं तु वृत्ताकरत्वेन रत्नमयत्वेन प्रकाशकत्वेन च नभःपान्थत्वेन 1. ०तर० हीमु०12. इति समुदायेन कृत्वा श्रीकरीनगरीवर्णनम् । हील० 13. अथ प्रथग्वर्णनम् । हील०14. इति प्राकारः । हील०।
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |