Page Text
________________
सप्तदशः सर्गः
३०५ कुर्वन् । ( ४ ) कस्मिन्नपि समये ।(५) कृत्वा । (६) बाह्यानां स्पर्शनघ्राणचक्षुःश्रवणानामिन्द्रियाणां मौनमुद्रां-समस्तव्यापारनिषेधम् । (७) चित्तैकाग्यम् । (८) सूरिः । (९) योगाधिरूढ इव । (१०) चकार ॥८३॥
'नीरन्ध्रपाथःपरिपूर्यमाण-पर्जन्यपुञ्जोर्जितगर्जितं किम् ।
कदापि रुच्यैश्चरणेन्दिरायाः, स्वाध्यायसान्द्रध्वनिर्मादधार ॥८४॥
(१) सान्द्रस्य दृढस्य वा पयोभिभ्रियमाणस्य निर्गतं रन्ध्र परस्थानं यथा स्यात्तथा पयोभि-भ्रियमाणस्य मेघमण्डलस्य प्रोद्दामगर्जारवमिव । (२) कस्मिन्नपि प्रस्तावे । (३) चारित्र-लक्ष्मीवल्लभः । (४) स्वाध्यायस्य बाढस्वरेण सिद्धान्तादिगणनरूपस्य निर्घोषंधीरगम्भीररवम् । (५) चकार ॥८४॥
'तत्र प्रतिष्ठात्रितयीमतुच्छो-त्सवोच्छलच्छेकमनःप्रमोदाम् । चक्रे मुनीन्द्रो 'भुवनत्रयस्याँ-ऽधिपत्यलक्ष्मीः स्पृहयनिर्वाऽन्तः ॥८५॥
(१) उन्नतनगरे । (२) बहुलमहोत्सवेन वर्द्धमानः विदग्धानां हृदये हर्षो यस्याम् । (३) त्रैलोक्यस्य । (४) राज्यश्रियम् । (५) वाञ्छन्निव । (६) चित्ते ॥८५॥
'उग्रं तपो धन्य इवोऽनुतिष्ठ-नौद्यं 'चतुर्मासकर्मांततान ।
अपाटवात्किञ्चन काययष्टेः, पुर्नद्वितीयं कुरुते स्म 'तस्मिन् ॥८६॥
(१) अत्युत्कटम् । (२) धन्यानगार इव । (३) कुर्वन् । (४) प्रथमम् । (५) वर्षासमयम् । (६) ज्येष्ठस्थिति व्यधत्त । (७) रोगादिना मन्दत्वादिकारणात् । (८) शरीरस्य । (९) द्वयोः सङ्ख्यापूरकम् । (१०) कृतवान् । (११) उन्नतपुरे ॥८६॥
'अथ व्रतादानदिनात्तपो 'य-त्तीनं व्रतीन्द्रेण विधीयते स्म । 'बभूव यस्तस्य परिच्छदश्च, "श्रीवीरवत्किञ्चिदिहीच्यते "तत् ॥४७॥
(१) अथेति अधिकारान्तरकथनम् । (२) दीक्षाग्रहणवासरादारभ्य । (३) यत्किञ्चित्तप एकाशनादिकम् । (४) तीव्र-घोरं षष्ठाष्टमादि । (५) सूरिणा । (६) कृतम् । (७) पुनर्यः -यावत्सङ्ख्यस्तस्य प्रभोः । (८) परिवारः । (९) आसीत् । (१०) श्रीमहावीरस्येव । (११) तत्पूर्वोक्ततपोऽनुष्ठानादि ।(१२) किञ्चिद्-देशमात्रम् (१३) इह ग्रन्थे मया यथाश्रुतं कथ्यते ॥८७॥
सूरीन्दुरेकाशनकं 'न याव-ज्जीवं जहौ न्यायमिव 'क्षितीन्द्रः । पञ्चाऽपि चासौ 'विकृतीहासी-गुणांन्स्मरस्येव पराबुभूषुः ॥४८॥
(१) दीक्षाग्रहणदिनादेकाशनकम् । (२) आजन्म । (३) न तत्याज । (४) नयम् । (५) नृपः । (६) दधिदुग्धप्रमुखाः पञ्चसङ्ख्याकाः । (७) जहाति स्म । (८) शब्दरूपगन्धरसस्पर्शाख्यानपञ्च कामगुणान् । (९) पराभवितुमिच्छुः ॥८८॥
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |