________________
२७६
श्री हीरसुन्दर' महाकाव्यम् 'अनेकनरनिर्जरोरगपुरन्दरोपासितं,
सदःसदनमुन्नये 'विमलशैलभूमीभृतः । वृषाङ्कजिनवासवौकसि 'विचित्रतौर्यत्रिक
प्रपञ्चपटुमण्डपे श्रियमुवाह गर्भालयः ॥८८॥ (१) बहवो मनुष्या देवा नागास्तेषामिन्द्रास्तैः सेवितम् । (२) सभागृहम् । "नृपस्य नाऽतिप्रमनाः सदोगृहं" इति रघुवंशे ।(३) शत्रुञ्जयराजस्य । ( ४ ) ऋषभप्रासादे ।(५) विचित्राणि नानाप्रकाराण्याश्चर्यकारीणि वा गीतनृत्यवाद्यत्रयाणि, तेषां प्रपञ्चेन-विस्तारेण स्पष्टीभूतो मण्डपो यत्र ॥८८॥ सुरासुरनरेन्दिरादिमसमग्रकामप्रदा,
कृताम्बुजभुवा लता ऋतुभुजामपूर्वा किमु । रसायनमिाऽन्तरामयजुषां च सम्यग्दृशां,
दृशां किममृगाञ्जनं वृषभमूर्तिरत्रीऽऽबभौ ॥८९॥ (१) देवदानवमानवादिसर्वकामितदायिका । (२) विधिना । (३) कल्पवल्ली । (४) असाधारणा । (५) पारदरजतस्वर्णाद्यौषधपाचितं रसायनम् । (६) अन्तरङ्गरोगभाजाम् । (७) सम्यग्दृष्टीनाम् । (८) सुधाञ्जनमिव । (९) जिनमूर्तिः । (१०) अस्मिन्प्रासादे ॥८९॥ युगादिसमये यथा भुवनमुद्धृतं संसृते
स्तथैव पुनरुद्धराम्यहमवद्यकाले कलौ । 'विचिन्त्य किमिदं हृदा वृषभकेतुरंत्रांऽऽत्मना
ऽवतीर्य कुरुते" स्थितिं स्थिरतयाऽऽत्ममूर्तिच्छलात् ॥१०॥ (१) तृतीयारकपर्यन्ते । (२) जगदुद्धतम् । (३) संसारात् । (४) तेनैव प्रकारेण । (५) निकृष्टकाले-कलौ । (६) विमृश्य । (७) ऋषभः । (८) अत्र-शत्रुञ्जये । (९) स्वयम् । (१०) आगत्य । (११) तिष्ठति । (१२) स्वप्रतिमामिषात् ॥१०॥ चतुष्कपृथिवीं ततः परिचरन्स 'विस्मेरिता
रविन्दसवयोविलोचनयुगेन योगीश्वरः । "जगद्विजयिनी 'जिनाधिपतिवेश्मलक्ष्मी पिबन्
हृदा “त्रिजगदिन्दिरां करगतामिवाऽमन्यत ॥११॥ (१) 'चउक'भूमीम् । (२) सेवमानः । (३) विकसितकमलतुल्यनयनद्वन्द्वेन । (४) मुनीन्द्रः । (५) विश्वप्रासादजित्वरीम् । (६) प्रासादशोभाम् । (७) सादरं विलोकयन् । (८) त्रैलोक्यलक्ष्मीम् । (९) हस्ते आगतामिव । (१०) मेने ॥११॥
Jain Education International
For Private & Personal Use Only
www.jainelibrary.org
