________________
पञ्चदशः सर्गः
२४७ (१) कान्त्या दीप्यमानप्रद्मरागप्रधानम् । (२) नीलरत्नैर्मनोज्ञोच्चशिखरम् । (३) रेजे (४) शत्रुञ्जयस्वामिना ऋषभदेवेन । (५) उदारमधुरध्वनिभिः । (६) ऋषभजिनस्वरसाम्यप्राप्त्यै पाठः॥६॥ चपलशफरनेत्रा बन्धुरावर्तनाभी,
मधुपपटलकैश्या मानसावासहासाः । • कनककमलगौर्यो 'वीचिमालावलीकाः,
स्त्रिय इव रसभाजो भूभृतापो ध्रियन्ते ॥६१॥ (१) चञ्चलमीना एव तत्तुल्यानि च नेत्राणि यासाम् । (२) मनोज्ञावर्तरूपा नाभिर्यासाम् । रम्यावर्त्तयुक्ता नाभिर्यासाम् । (३) भृङ्गमालेव तत्तुल्यं कैश्य-केशानां समूहो यासाम् । (४) हंसा एव तत्तुल्यं वा श्वेतं हास्यं यासाम् । (५) स्वर्णपद्यैस्तद्वद्वा गौराङ्गयः । (६) तरङ्गश्रेण्य एव तद्वद्वा वल्यः उदरे मांससङ्कोचलक्षणा यासाम् । (७) रसं-जलं शृङ्गारादिश्च भजन्ते इति ॥६१॥ वचन जिनगृहान्तर्दह्यमानागुरुभ्यः,
'प्रसरदमरमार्गप्रस्फुरद्वायुवाहम् । 'सजलजलदबुद्ध्या वीक्ष्य बप्पीहबालाः,
*कृतपटुचटुवाचो यत्र धावन्ति मुग्धाः ॥६२॥ (१) कुत्रापि । (२) जिनप्रासादमध्ये । (३) उत्क्षिप्यमानकृष्णागुरुभ्यः । (४) विस्तरन्तं गगने इतस्ततश्चलन्तं धूमम् । (५) सपयोमेघधिया । (६) चातकबालकाः । (७) निर्मिताः पटवः स्पष्टाः प्रियप्राया वाण्यो यैः ॥६२॥ स्वकरनिकरसङ्गश्चोतदिन्दूपलाम्भो
भरेमिदमचलोच्चैरत्नशृङ्गाद्वहीत्वा । स्वयममृतमरीचिमैत्र्यतः कैरवाणां,
किमु “दिशति तमेव प्रश्निपीयूषदम्भात् ॥६३॥ (१) निजकिरणसम्पर्काद्गलच्चन्द्रकान्तपयःसमूहम् । (२) अस्य गिरेरुच्चैः शिखरात् । (३) आदाय । (४) आत्मना । (५) विधुः । (६) सख्यात् । (७) कुमुदानाम् । (८) ददाति । (९) चन्द्रकान्तामृतमेव । (१०) किरणरूपं कान्तिद्वारा वाऽमृतस्य कपटेन ॥६३॥ यस्मिन्नुरोद्वयसनिःसृतसिन्धुरङ्क- .
क्रीडत्सुरासुरपुरन्ध्रिपयोधराणाम् । 'कस्तूरिकामलयजद्रवसान्द्रपूरा,
रेजे 'यमीसलिलसंवलितेव गङ्गा ॥६४॥
Jain Education International
For Private & Personal Use Only
www.jainelibrary.org
