Page Text
________________
२०२
श्री हीरसुन्दर' महाकाव्यम् 'शशंस सूरि कमिता ततः क्षितेः, किमप्युपादाय "कृतार्थ्यतामहम् । न यत्करः पात्रकरोपरि स्म भूत्, स मोघजन्मा 'हि वनप्रसूनवत् ॥१७०॥
(१) कथयति स्म । (२) साहिः । (३) स्तोकं किञ्चित् । (४) गृहीत्वा । (५) कृतार्थः क्रियतां सफलीकार्यः । (६) यस्य पाणिः । (७) साधूनां दानावसरे हस्तोपरि नाऽभूत् । (८) निष्फलावतारः । (९) वनकुसुममिव ॥१७०॥
'नवोद्धृतं दध्न इवोऽम्बुधेः 'सुधां, मृदश्च हेमोपकृत( ति स्तनोरिव । श्रियस्तथा सारमिदं मुनीन्द्र ! य-क्रियेत सा पात्रकराब्जसङ्गिनी ॥१७१॥
(१) नवनीतं म्रक्षणम् । (२) समुद्रस्य । (३) अमृतम् । (४) मृत्तिकायाः । (५) सुवर्णम् । (६) उपकारः । (७) शरीरस्य । (८) फलम् । (९) साधुपाणिपद्मखेलिनी ॥१७१॥
ततो 'बभाण 'प्रभुरैब्धिनन्दना, स्वतन्त्रचारा व्यभिचारिणीव या । श्रयेत को गन्धकलीमलीव तां, वृणोमि किं चाऽन्यदहं महीमणे ! ॥१७२॥
(१) नृपवाक्यानन्तरम् । (२) उवाच ।(३) सूरिः । (४) लक्ष्मीः । (५) स्वेच्छाचारिणी। . (६) असतीव । (७) चम्पककलिका । "न षट्पदो गन्धका फ)लीमजिघ्रत" इति सुभाषिते । (८) भृङ्ग इव । (९) याचे । (१०) किं च-मत्कथितं शृणु । (११) भूमीरत्न ! ॥१७२॥
'निवेशिता ये नरकेषु नारका, इवाऽङ्गिनो 'गुप्तिषु सन्ति ते विभो ! । विमुञ्च तानित्थमुंदीर्य तस्थुषि, व्रतीश्वरेऽभाषत 'भूवृषा पुनः ॥१७३॥
(१) स्थापिताः । (२) बन्दिनः । (३) नारकिनः( णः) । (४) कारागृहेषु । (५) नियन्त्र्य रक्षिता वर्तन्ते । (६) अमुना प्रकारेण । (७) कथयित्वा । (८) स्थिते । (९) सूरीन्द्रे । (१०) नृपतिः ॥१७३॥
'पृषत्सपत्नैरिव वन्यजन्तवः, शकुन्तपोता इव वा शशादनैः । 'विसारवारा इव देव ! धीवरै-रमीभिरुद्वेगमवापिता जनाः ॥१७४॥
(१) सिंहैः । (२) श्वापदा वनचारिणः प्राणिनः । (३) पक्षिबालकाः । (४) श्येनैः । (५) मत्स्यगणाः । (६) चारकचारिभिर्दुर्मतिभिः । (७) सन्तापं-खेदम् ॥१७४॥
अमी 'प्रजाम्भोजरमाहिमागमा, मनीन्द्र ! नीतेः परिपन्थिका इव । पचेलिमेनेव 'निजांहसा मया, 'निगृह्य तच्चारकगोचरीकृताः ॥१७५॥
(१) लोकलक्ष्मीकमलविनाशने हेमन्तसदृशाः । (२) न्यायस्य । (३) वैरिणः । (४) 1. विपिनप्रसूनवत् हीमु० । 2. तां गन्धकलीमलीव को हीमु० ।
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |