Page Text
________________
चतुर्दशः सर्गः
१८९ 'महीमरुत्वानेथ 'शेखशेखरं, 'प्रतापदेवीतनयं "ताऽऽह्वयत् । ततः “सुजन्तौ प्रणतिं प्रभो भौ, ग्रहाविवाऽर्कस्य समीपमीयतुः ॥१०२॥
युग्मम् ॥ (१) पूर्वोक्तम् । (२) विचारम् । (३) कृत्वा । (४) चित्तेन । (५) शोभां नयन् । (६) प्रदेशम् । (७) सूरिसमीपात् । (८) भूमेः । (९) अन्यम् । (१०) चन्द्रस्य । (११) गतिविशेषस्याऽऽयत्तत्वात् । (१२) समीपगामी । (१३) भौमादिः । (१४) मार्गस्य । (१५) देवानाम् । यथा चन्द्रस्य समीपगो ग्रहश्चारवशाद्गगनस्याऽन्यं प्रदेशं श्रयते इत्यर्थः ॥१०१॥
(१) भूमीन्द्रः । (२) अपरप्रदेश आगमनानन्तरम् । (३) शेखेषु-यवनगुरुषु मुकुटम् । ( ४) थानसिंहम् । (५) पुनः । (६) आकारयामास । (७) आकारणानन्तरम् । (८) कुर्वन्तौ। (९) प्रणामम् । (१०) साहेः । (११) शेख-थानसिंहौ । (१२) भौमादिकौ । (१३) सूर्यस्य । (१४) पार्श्वम् । (१५) आगतौ ॥१०२॥
'अमी न गृह्णन्ति मदीयपुस्तकं, 'निरीहभावेन बहूदिता अपि । ततो युवां ग्राहयतां कथञ्चना-ऽप्यंमून्यशो 'मूर्तमिवेन्दुसुन्दरम् ॥१०३॥
(१) सूरयः । (२) पद्मसुन्दरसम्बन्धि मद्दत्तपुस्तकम् । (३) निःस्पृहत्वेन । (४) वारं वारं विज्ञप्ता अपि । (५) ततः कारणात् । (६) भवन्तौ । (७) स्वायत्तीकारयतः । (८) केनापि प्रकारेण । (९) सूरीन् । (१०) शरीरवत् । (११) चन्द्रवदुज्ज्वलम् ॥१०३॥
'इदं गदित्वाऽन्तरिते स्थिते नृपें-शुमालिनीवाऽभ्रकशालिनि क्षणात् ।
उपेत्य तावूचतुरित्य मून्प्रति, प्रणीततत्पत्कजरेणुचित्रकौ ॥१०४॥
(१) इदं-पूर्वप्रोक्तम् । (२) कथयित्वा । (३) व्यवहिते । (४) सूर्य इव । (५) मेघमध्ये भासमाने । अभ्रकेणाऽदृश्ये वा (६) आगत्य । (७) शेख-थानसिंहौ । (८) कथयतः स्म । (९) इत्यग्रे वक्ष्यमाणम् । (१०) सूरीन्प्रति । (११) कृतं सूरिचरणकमलरजसा तिलकं याभ्यां-तौ ॥१०४॥
इदं व्रतीन्द्राः 'क्षितिशीतदीधिते-गृहीतवत्तिष्ठति धाम्नि पुस्तकं । दधाति खेदं पतितं यतः 'क्षिते, रजःस्थितं रत्नमिवाऽत्र गृह्यताम् ॥१०५॥
(१) अकब्बरसाहेः । (२) नियन्त्र्य रक्षितवत् । (३) गृहे । (४) विषवादम् । (५) भूमेः । (६) धूलीमध्यगतम् । (७) मणिमिव ॥१०५॥
हमांउसूः सोमयशोऽङ्गजन्मव-द्ददाति पात्रं 'गुरवो युगादिवत् । रसो यथेक्षोरपि वस्तु पुस्तकं, कथं न गृह्णीथ तदहात्मनः ॥१०६॥
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |