________________
नवमः सर्गः (१) निरन्तरम् ।(२) अपरिमितमार्ग आकाशमार्गश्च तस्याऽतिक्रमणेन ।(३) जातश्रमः । (४) देवीगमनानन्तरम् ॥३०॥
अनन्तगगनमार्गलङ्घनैः श्रान्त इव चन्द्रः शनैरस्ताचलशिखां श्रयति स्म ॥३०॥ 'गर्भाश्मगर्भचन्द्राश्मकल्पितोत्तंसिकेव सा । अस्ताचलश्री ति स्म 'मौलिलीलायितेन्दुना ॥३१॥
(१) मध्ये मरकतं यस्याः चन्द्रोपलकृता वतंसिका । “विदर्भपुत्रीश्रवणावतंसिका" इति नैषधे । (२) शिरसि लीलायमानचन्द्रेण ॥३१॥
मध्यभागे मरकतरत्नं यस्य तादृशचन्द्रकान्तरत्नघटितमुकुटा इव अस्ताद्रिलक्ष्मीश्चन्द्रेण भाति स्म
॥३१॥
चन्द्राङ्क्रमणक्लान्तं स्वाशनायितरोहितम् । वनाय मोक्तुमस्तादूरध्यास्त किमधित्यकाम् ॥३२॥
(१) भ्रमणेन परिश्रान्तम् । (२) आत्मनो बुभुक्षिताङ्कमृगम् । (३) चरणाय । "वनाय प्रीतिप्रतिबद्धवत्सा" मिति रघुवंशे । (४) मोचनाय । (५) भेजे । (६) अस्तानेरूर्ध्वभूमीम् ॥३२॥
चङ्क्रमणेन श्रान्तं क्षुधितं स्वमृगं वनाय मोक्तुम् । उत्प्रेक्ष्यते - अस्तानेरुपरि गतः ॥३२।। 'विभुना वाक्सुधास्यन्दिवदनेन विधुर्जितः । 'तत्तुलाप्त्यै काक्षीवाऽस्तगह्वरमीयिवान् ॥३३॥★
(१) सूरिण । (२) वचनामृतश्राविवक्त्रेण । (३) प्रभुवदनसादृश्यलाभाय । (४) तपः कर्तुं वाञ्छन् । (५) अस्ताचलगुहां गतः ॥३३॥
विभुः । उत्प्रेक्ष्यते - श्रीहीरविजयसूरिवदनेन जितश्चन्द्रस्तत्सदृशीभवितुमस्ताचलगुहायां गतः ॥३३॥
रथाङ्गव्यथनोद्भूतैः पवित्रमैरिव पाप्मभिः । 'त्रियामापगमे राजा तत्यजे 'वसुभिः क्षणात् ॥३४॥
(१) चक्रवाकानां वियोगपीडनजातैः । (२) परिपाकं प्राप्तैः । (३) पातकैः (४) निशानाशे । (५) चन्द्रो नृपश्च । (६) किरणैर्द्रव्यैश्च ॥३४॥ ।
वसुभिः-किरणैर्द्रव्यैश्च ॥३६॥
1. वागादस्ताद्रिगह्वरे हीमु० । 2. हीमु० हीलप्रतौ चैतेषां ३४-३५-३६-३७-३८-३९ तमश्लोकानामेषोऽनुक्रमः - ३६३९-३५-३४-३८-३७ । 3. इति चन्द्रस्याऽस्ताचलगमनम् । हील. ।
Jain Education International
For Private & Personal Use Only
www.jainelibrary.org
