________________
नवमः सर्गः (१) स्वर्णाचलवनभूमीव । (२) श्रीमहावीरपट्टश्रेणिः । (३) प्रकटीभवन्ति । (४) कारणेन । (५) मेरुभूमौ जिनपट्टपङ्क्तौ च ॥२०॥
यस्यां मेरुभूसदृक्षायां सूरयः कल्पवृक्षाः इव जाताः ॥२०।।
अर्हन्मतैकमलयोद्भूतसूरीन्द्रचन्दनैः । 'यशःप्रसृमरामौदैः सुरभीक्रियते जगत् ॥२१॥
(१) जिनशासनमेव मलयाद्रिस्तत्र प्रादुर्भूतैः सूरिभिरेव श्रीखण्डैः । (२) यशांस्येव विस्तरणशीलपरिमलैः । (३) वास्यते ॥२१॥
अर्हः । श्रीजिनशासनोद्भूतभट्टारकैर्यशोभिर्जगद्व्याप्तम् ॥२१॥ 'इत्येन्तरुदयत्प्रीतिक्षिरनीरनिधिप्लवे । निचिखेल चिरं कलिकलहंस इव प्रभुः ॥२२॥
(१) अमुना प्रकारेण । (२) मनसि प्रकटीभवत्प्रमोददुग्धाम्बुधिपयःपूरे । (३) क्रीडति स्म । (४) क्रीडाहंस इव ॥२२॥
इति चित्तोद्भूते प्रीतिनर्मदापूरे गन्धगजवत्स सूरिः क्रीडति स्म ॥२२॥ लोकान्कोकानिवाऽऽह्लादं लम्भयन्भानुमानिव । 'दानलीलायितैलां कल्पयन्कल्पभूरुहाम् ॥२३॥ 'प्रबोधं विदधत्यांतरिवाऽशेषजनुष्मताम् । 'पुष्पकाल इवोल्लासं प्रणयन्सुमनःश्रियाम् ॥२४॥ त्वं चिरं 'नन्द सूरीन्द्रेत्यभिनोनूय निर्जरी । ततस्तैच्चरणाम्भोजं भ्रमरीव चुचुम्ब सा ॥२५॥ त्रिभिर्विशेषकम् ।
(१) चक्रवाकान् । (२) हर्षम् । (३) प्रापयन् । (४) सूर्यः । (५) दानविलासैः । (६) अवगणनाम् । (७) कुर्वन् । (८) कल्पद्रुमाणाम् ॥२३॥
(१) प्रतिबोधं-जागरणम् । (२) प्रभातम् । (३) समस्तजनानाम् । (४) वसन्त इव । (५) विकाशम् । (६) कुर्वन् । (७) सतां कुसुमानां च लक्ष्मीनाम् ॥२४॥
- (१) जीयाः अद्वैतज्ञान-दर्शन-चारित्रादिसमृद्धिं लभस्व वा।(२) इति पूर्वोक्तप्रकारेण । (३) अभिष्ठत्य । (४) देवी । (५) सूरिपदपद्मम् । अथ वा पूर्वोक्तद्वयोक्तानि शत्रन्तानि सम्बोधनान्येव । "गतिस्तयोरेष जनस्तमईयन्नहो विधे ! त्वां करुणा रुणद्धि नः" इति नैषधेऽपि निदर्शनम् ॥२५॥ त्रिभिः ॥
1. ०मेकलाद्रिकनीप्लवे । हीमु० । 2. गन्धसिन्धुरेन्द्र इव प्रभुः । हीमु० ।
Jain Education International
For Private & Personal Use Only
www.jainelibrary.org
