________________
१४८
श्री हीरसुन्दर' महाकाव्यम् स 'श्रेणिकायाऽभयवन्मुंगारि-ध्वजस्य शेखोऽपि सभा समेत्य । अकब्बरोर्वीरमणाय राज-द्वारे विभोरागमनं जगाद ॥१२१॥
(१) श्रेणिकराजाय । (२) अभयकुमारः । (३) श्रीमहावीरदेवस्य । (४) आगत्य । (५) सूरेः ॥१२१॥
'अर्घ्य मुदस्राम्बुभिसैल्लसद्भि-स्तनूरुहै!रवादधानः । 'पैञ्जूषयोः प्राघुणकी प्रणीय, वाणी बभाणे पुनरेष शेखम् ॥१२२॥
(१) पादजं धावनजलम् । (२) हर्षबाष्पसलिलैः । (३) उच्छसद्भिर्लोमभिः । (४) अतिथिसत्कारम् । (५) कुर्वाणः । (६) कर्णयोः । "श्रवणप्राघुणकीकृता ममे"ति नैषधे । (७) कृत्वा । (८) साहिः ॥१२२॥
ऋतौ वसन्तेऽवनिजन्मनेव, समीयुषि श्रीश्रमणावतंसे । मनोरथेनाऽद्य मम प्रवीण-चूडामणे ! पल्लवयांबभूवे ॥१२३॥
(१) वृक्षेण । (२) समागते । (३) सूरिचन्द्रे । (४) अभिलाषेण । (५) शास्त्रेषु चतुराणां मध्ये शिरोमणिः(णे!) - मुकुट ! । (६) पल्लवितं - सफलीभूतमित्यर्थः ॥१२३॥
द्रक्ष्यामि दिष्ट्याऽद्य मनीन्द्रचन्द्र-मिवाऽनुबिम्बं परमेश्वरस्य । शेखोधुनाऽहं नियतेवंशेन, किं चाऽस्मि कार्यान्तरचुम्बिचेताः ॥१२४॥
(१) दर्शनं करिष्यामि । (२) भाग्येन । (३) सर्वेषु सूरिषु चन्द्रतुल्यः । अथवा स्वस्वसङ्घाटकानां स्वामिनो मुनीन्द्रास्तेषु अधिकं दीप्यमानः स्वामितया चन्द्र इव इति वा । (४) प्रतिबिम्बम् । “संसारसिन्धावनुबिम्बमत्र( मात्रं ) जागर्ति जाने तव वैरसेनि" रिति नैषधे । (५) इदानीम् । (६) दैवस्य । (७) आयत्तत्वेन । (८) अपरकार्येषु - भोजनादिषु व्यग्रमनाः ॥१२४॥
अमन्तुजन्तुव्ययपातकेना-ऽस्पृश्यां प्रणीतां धरणी 'स्वधाम्नः । शेख ! क्षणं तेन पवित्रय त्वं, गुरोः पदाम्भोजरजोऽमृतेन ॥१२५॥
(१) निरपराधप्राणिघातनपातकेन । (२) स्प्रष्टुमयोग्याम् । (३) कृताम् । (४) भूमीम् । (५) तव गृहस्य । (६) मुहूर्तम् । (७) पावनीकुरु । (८) चरणकमलरेणुसुधया। "त्वत्पादपङ्कजरजोऽमृतदिग्धदेहा" इति भक्तामरस्तवे ॥१२५॥
इदं 'निगद्योऽब्धिगभीरघोषं, 'जोषं मुखे भूमिधवो विधाय । जगाम गेहं गृहिणीसनाथं, विद्युद्विलासीव गभस्तिरभ्रम् ॥१२६॥
1. मुदास्त्र. हीमु० ।
Jain Education International
For Private & Personal Use Only
www.jainelibrary.org
