Page Text
________________
१२४
श्री' हीरसुन्दर' महाकाव्यम्
'यच्चान्द्रचै त्योपरि शातकौम्भः, कुम्भो विभूषां बिभरांबभूव । 'सुधासरः सम्भ्रमतः "समेतो, रथाङ्गनामा किमु 'रन्तुकामः ॥ १२३॥
( १ ) यदेव शुभ( भ्रत्वेनोपमानीकृतं चन्द्रकान्तमयं चैत्यं, तस्योपरि । ( २ ) सुवर्णसम्बन्धी कलशः । ( ३ ) शोभाम् । ( ४ ) धत्ते स्म । (५) अमृतभृततटाकभ्रान्त्या । ( ६ ) समागत: । (७) चक्रवाकः । (८) क्रीडां कर्त्तुमिच्छुः ॥ १२३॥
'यद्वैजयन्त्या 'सितिमश्रियाः स्व:- पाथोधिपत्त्री गमिता "विगानम् । 'निम्नं "व्रजन्ती 'त्रपयऽसिताब्जैः, श्यामीकृतास्येव जडाशयऽऽसीत् ॥ १२४॥
( १ ) प्रासादध्वजेन । ( २ ) शुभ्रत्वस्य लक्ष्म्या । ( ३) गगनगङ्गा । ( ४ ) प्रापिता । (५) अवहेलनाम् । (६) नीचैः । (७) यान्ती सती । ( ८ ) लज्जया । ( ९ ) नीलोत्पलमालाभिः कृत्वा । (१०) कृष्णं कृतं वक्त्रं यया सा । ( ११ ) किंकर्त्तव्यतायां मूढचित्ता । ( १२ ) जज्ञे
॥ १२४ ॥
'तं रैवतोर्वीधरवत्पैवित्री - चिकीर्षयेवाऽर्बुदमभ्युपेतम् । "निरीक्ष्य तस्मिन्नयनाभिरामं, ननाम शे( शै ) वेयजिनं यतीन्द्रः ॥ १२५॥
१०
(१) अर्बुदाचलम् । (२) गिरिनारिगिरिमिव । (३) पावनं कर्त्तुमिच्छया । ( ४ ) हिमाद्रिपुत्रं प्रति । (५) समागतम् । (६) विलोक्य । ( ७ ) वस्तुपालप्रासादे । ( ८ ) लोचनयोर्मनोहरम् । यां जिनप्रतिमामालोक्य तद्दर्शनातृप्ततया न पश्चादागच्छतो नेत्रे । अतो नयनाभिरामम् । (९) नमति स्म । (१०) नेमिनाथम् । ( ११ ) सूरिचन्द्रः ॥ १२५ ॥
'नमनेन मुनीशिता 'परे - ष्वपि चैत्येषु 'जिनेन्द्रसन्ततेः ।
" धनकामयितेव सम्पदं, 'दधते स्माऽधिगमेन " सेवधेः ॥१२६ ॥
( १ ) प्रणामेन कृत्वा । ( २ ) सूरिः । ( ३ ) अन्येषु । ( ४ ) प्रासादेष्वपि । (५) भागवत्प्रतिमापङ्क्तेः । ( ६ ) द्रव्याभिलाषुक इव । ( ७ ) हर्षम् । ( ८ ) 'दधि धारणे' केवलमात्मनेपदी । (९) प्राप्त्या । (१०) निधानस्य ॥ १२६ ॥
'चौलुक्यचैत्यं विधृतामृतश्रि, 'धर्मप्रपास्थानमिवैष मार्गे । "नत्वा मुनीन्द्रोऽचलदुर्गमध्ये, चतुर्मुखे नाभिसुतं व्यनंसीत् ॥१२७॥
(१) अचलदुर्गस्य मार्गे गच्छन्नर्वाग्मार्गे कुमारविहारम् । (२) आकलिता-आश्रिता वा मोक्षलक्ष्मीर्येन । पक्षे - धृता पानीयानां शोभा येन तादृशम् । (३) धर्मस्य पुण्यस्य पानीयशालागृहम् । लौकिकधर्मेणोपलक्षितं पानीयशालासदनमिव । ( ४ ) प्रणम्य । अर्थात्तत्र श्रीजिनं नत्वा ।
1. शेवधेः हीमु० !
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |