Page Text
________________
११४
श्री हीरसुन्दर' महाकाव्यम् 'आरुरुक्षुर्मुमुक्षुक्षितीन्द्रस्ततो-उलङ्करोति स्म देशं "सवेशं गिरेः ।
गौरवेणाऽधिकोऽहं गिरिर्वाऽस्त्यसौ, चेतसीतीव हल्लेखवान्वीक्षितुम् ॥७३॥
(१) अध्यारोढुमिच्छुः । (२) सूरिराजः । (३) भूषयामास । (४) पार्श्वप्रदेशम् । (५) गुरुतया-माहात्म्येन, अहं वा गिरिर्वा । (६) चित्ते । (७) उत्कण्ठाङ्कितः । परमशमरससुधापयोनिधिमध्यमग्नमनसां कदाचिदप्यनुत्सेकभाजां तेषां सूरीणां स्वप्नेऽपि नाऽभिप्रायः । किन्तु, कवेरियं कल्पितोत्प्रेक्षा ॥७३॥
अर्बुदाधित्यकामभ्रविभ्राजिनी, सूरिसिंहः समारोढुमारब्धवान् । किं व्यवस्यन् जगन्मूर्द्धसंस्थायिनी-मुद्विवक्षुर्महाँनन्दसीमन्तिनीम् ॥७४॥
(१) अर्बुदाचलोपरिभूमिः (मिम्) । (२) आकाशं स्पृशन्तीम् । (३) प्रारभत । (४) उद्यमं कुर्वन् । (५) त्रिभुवनमस्तके तिष्ठतीत्येवंशीलाम् । (६) परिणेतुमिच्छुः । (७) मुक्तिकामिनीम् ॥७४॥
'तद्गुणश्रेणिनिर्वर्णनानन्दितो, वातपूर्णीभवत्कीचकानां कृणैः । अरिभ्यागतस्येव तस्याऽन्तिका-गामिनः प्रीतिमान्पृच्छति स्वागतम् ॥७५॥
(१) सूरिगुणावलीविलोकनेन हृष्टः । (२) पवनैरन्तर्भरितीभवतां सच्छिद्रवंशानाम् । (३) शब्दैः । (४) प्राघुणस्येव । (५) स्वसमीपे आगमशीलस्य । (६) सुखागमनादिवार्ताम् ॥७५॥
लोलरोलम्बकोलाहलप्रस्तुत-स्फीतकीर्तिस्तवाऽऽमोदमेदस्विनी । यत्र सस्यैर्नताङ्गी लताविग्रहा-ऽवाकिरत्कुञ्जदेवी प्रसूनैः प्रभुम् ॥७६॥
(१) चपलमधुकरगुञ्जाकलकलैः प्रारब्धा वर्द्धमानयशसां स्तुतिर्यया । (२) परिमलेन प्रमोदेन च पुष्टा । (३) अर्बुदाचले । (४) फलभारैरानततनुयष्टिः । (५) वल्लयेव शरीरं यस्याः । (६) वर्धापयति स्म । (७) वनदेवी । (८) पुष्पैः ॥७६॥
यत्र कलोलयनैककल्लोलिनी-मन्दान्दोलयन्स्मेरदुर्वीरुहान् । स्वर्णदीपद्मपौष्पैः करम्बीकृतः, गन्धवाहोऽनुंगामीव तं "भेजिवान् ॥७७॥
(१) तरङ्गयुक्ताः कुर्वन् । (२) बढ्यस्तरङ्गिणीः । (३) शनैः । (४) तरलीकुर्वन् । (५) विकसदृक्षान् । “स्मेरदम्भोरुहारामेति पाण्डवचरित्रे । (६) गगनसरित्कमलमकरन्दैः । (७) मिश्रितः । शीतो मन्दः सुरभिस्त्रिधाऽपि वर्णितः । (८) पवनः । (९) सेवक इव । (१०) सेवे ॥७७॥
कुत्रचित्तोरणस्रग्विलासश्रियं, बिभ्रति व्योमसञ्चारिणः सारसाः । 'सिद्धिपुर्यां 'यियासोः पुरस्तात्प्रभों-विश्वकāव माङ्गल्यमाला कृता ॥७८॥
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |