Page Text
________________
११२
श्री हीरसुन्दर' महाकाव्यम् (४) अर्बुदाद्रिः । (५) कामुकेन । (६) भानुना । (७) नित्यम् । (८) संयोगम् । (९) सखा इव । (१०) कारयति स्म ॥६२॥
'सिन्धुशैलोद्भवद्गौरवैर्दुर्वहां, बिभ्रतो भूतधात्री फणामण्डलैः । भोगिनां वासवस्येव विश्रान्तये, निर्मितो नाभिजातेन यः क्ष्माधरः ॥६३॥
(१) समुद्रगिरिभ्यः प्रकटीभवद्भिर्भारैः । (२) दुःखेन वोढुं शक्याम् । (३) भूमीम् । (४) फणगणैः । (५) शेषनागस्य । (६) विश्रान्ति दातुम् । (७) कृतः । (८) विधात्रा ॥६३॥
कण्ठपीठीलुठत्पार्वणश्वेतरुक्-तारकानायकोदात्तमुक्तालता । व्योम निर्भिद्य यातेन येनोच्चकै-र्धार्यते भूभृतेवाऽऽत्मभूषाकृते ॥६४॥
(१) कण्ठपीठरां कन्धरायामुपत्यकायां च लुठन्त-इतस्ततो भवन्तः पूर्णि( पौर्ण )मासीसम्बन्धी शशी तथा च तारका नक्षत्राणि त एव मध्यमणियुक्तो महा? हारो यस्य । पीठशब्दः स्त्रीक्लीबः । तथा - जयत्युदरनिःसरद्वरसरोजपीठीपठच्चतुर्मुखमुखावलीरचितसामनामस्तुति"रिति चम्पूकथायाम् । 'उदात्तनायकोपेता' इति चम्पूकथायाम् । तथा- "उदात्तो महात्मा महाय॑श्चे''ति तट्टिपनके । (२) आकाशम् । (३) गतेन । (४) अत्यूर्ध्वम् । (५) ध्रियते । (६) अर्बुदेन । (७) स्वस्य शोभार्थम् ॥६४॥
अभ्रविभ्राजियन्मेदिनीभृद्भगु-व्रातनिष्पातिपाथःप्रवाहोत्थितैः । उत्पतद्भिः पतद्भिर्नभःपद्धतौ, बिन्दुवृन्दैरिवाउँभावि ताराभरैः ॥६५॥
(१) आकाशे शोभनशीलेभ्योः, अभ्रंलिहैरिभ्या इत्यर्थः; यस्याऽर्बुदस्य शृङ्गसमूहेभ्यो निष्पतनशीलनिर्झरेभ्यः प्रकटीभूतैः । (२) उच्चैरुच्छलद्भिः । (३) अत एव गगनमार्गे पतद्भिः। (४) जलकणनिकरैः (५) जातम् ॥६५॥
'मित्रपुत्र्या सह 'स्थातुमयम्बरे, 'तामुर्मादाय भूमेः पुनः स्वःसरित् । "यद्रेिर्वर्त्मना शालितालीमिल-त्कुन्दमालाच्छलाद्गच्छतीवाऽम्बरम् ॥६६॥
(१) सख्यु नोर्वा पुत्र्या, सख्या-यमुनया च । (२) एकत्र । (३) वस्तुम् । (४) नभसि । (५) यमुनाम् । (६) गृहीत्वा । (७) स्वर्गगङ्गा । (८) अर्बुदमार्गेण । (९) शोभनशीलताडतरुमालाभिर्मिलन्तीकुन्दद्रुमश्रेणीकपटात् ॥६६॥
रोहिणीरागिभावानिजत्यागिनं, 'कान्तमेणाङ्कमुत्सृज्य कोपाकुला । औषधीसन्ततिनिर्मि[मी] तेनिशं, तापसीवत्तपांसीव यस्मिन्गिरौ ॥१७॥
(१) रोहिणीविषयेऽत्यनुरक्तत्त्वेन । ( २ ) आत्मनः-स्वस्य त्यजनशीलम् । (३) भर्तारम्। (४) चन्द्रम् । (५) त्यक्त्वा । (६) रोषकलुषाः । (७) करोति । (८) नित्यम् । (९) परिवाजिकेव । (१०) अर्बुदाद्रौ ॥६७॥
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |