Page Text
________________
द्वादशः सर्गः
१०९ च यासु । (५) पुत्रैः वनेन च प्रमोदवती: । नन्दनाशब्द आकारान्तोऽपि दृश्यते । “विशेषतीर्थैरिव जह्वनन्दना" इति नैषधे । (६) सतां सङ्गतीरिव ॥४७॥
'आश्मगर्भीयसन्दर्भविभ्राजिनीः, शालभञ्जीरिव स्वैरसञ्चारिणीः । सूरिपादान्प्रेणम्यान्प्रणन्तुं निजा-स्तत्र कान्तां किरातेशिताऽजूहवत् ॥४८॥
चतुर्दशभिरन्त्यकुलकम् । इति भिल्लीवर्णनम् ॥ (१) मरकतमणिसम्बन्धिन्या रचना( न )या शोभनशीलाः । (२) पुत्रिकाः । (३) स्वतन्त्रं दिव्यानुभावात्सञ्चरशीलाः । (४) प्रभोश्चरणान् । (५) प्रणमनयोग्यान् ।(६) आत्मीयाः । (७) अर्जुनः । (८) आकारयामास ॥४८॥ चतुर्दशवृत्तानि ॥
जङ्गमं सार्वभौमं किमुर्वीभृतां, सूरिशीतांशुमायान्तमालोक्य तम् । अर्जुनाम्भोजनेत्रास्तदंहिद्वयं, नेमुराँनन्दसान्द्रीभवन्मानसाः ॥४९॥
(१) वसुधाविहरणशीलम् । (२) चक्रिणम् । (३) गिरीणाम् । मेरुम् । (४) सूरिचन्द्रम् । (५) आगच्छन्तम् । (६) अर्जुनप्रियाः । (७) सूरिपादद्वन्द्वम् । (८) प्रमोदेन नीरन्ध्रीभवनाला[न्नात्मा] यासाम् ॥४९॥
कामिनीभिः 'किराताधिभर्तुस्ततो, मौक्तिकौधेरैवाकीर्यत श्रीप्रभुः । सोऽप्यवैश्वस्त्यलक्ष्मीमिवाउँनश्वरी, स्वेन ताभ्यो ददौ धर्मलाभाशिषम् ॥५०॥
(१) भिल्लपतेरर्जुनस्य । (२) वर्धापितः । (३) अवैधव्यश्रियमिव । “विश्वस्ता विधवा समे" इति हैम्याम् । तथा - "नलात्स्ववैश्वस्त्यमनाप्तुमानता" इति नैषधे । (४) शाश्वताम् । (५) सूरिरात्मना । (६) अर्जुनप्रियाभ्यः ॥५०॥
'देशनाम्भोदधारां सुधाया इव, ज्येष्ठजामि मुनीन्द्रस्य पीत्वाऽऽदरात् । 'भिल्लभर्तुर्जजृम्भे मनःकानने, बोधिफुल्ललताश्लेषिहर्षद्रुमः ॥५१॥
(१) धर्मदेशनामेव मेघवृष्टिम् । (२) अमृतस्य । (३) वृद्धभगिनीम् । (४) सादरं श्रुत्वा । (५) अर्जुनस्य । (६) विकसितः । (७) चित्तारामे । (८) सम्यक्त्वरूपविस्मेरवल्ल्यालिङ्गितः प्रमोदपादपः ॥५२॥
'वर्णयामः किमस्याऽमृतस्त्राविणी, बिभ्रतो भारती वज्रसूरीन्द्रवत् । 'वङ्कचूलो यथा धर्मघोषेन(ण) य-द्येन रौद्रोऽपि भिल्लप्रभुर्बोधितः ॥५२॥
(१) स्तुमः । (२) सूरीन्द्रस्य । (३) सुधावविर र्षि )णीम् । (४) वज्रस्वामीव । (५) वङ्कचूलनामा पल्लीपतिः । (६) यथेत्युपमानार्थः । (७) धर्मघोषनामसूरिणा । (८) चण्डाशयोऽपि (९) अर्जुनः ॥५२॥
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |