Page Text
________________
द्वादशः सर्गः
१०७ (१) आसनैर्दुमैश्च भासनशीलाः । (२) श्रीखण्डतरवस्तद्वत्तेषां वा परिमलोऽस्त्यासु । (३) प्रवालास्तद्वत्त एव वा उल्लसनशीला रसज्ञा यासाम् । (४) पुष्पाणि तद्वत्तान्येव वा विशदं हसितं यासाम् । (५) बिम्बीफलानि पक्कगोलकानि-अतिरक्तत्वात्तद्वत्तान्येव वा औष्ठौ यासाम् । (६) मुचकुन्दानां पुष्पस्रजो यासाम् । श्रेणी वा यासु । (७) कोकिलकान्तास्तद्वत्तासां वा वचनविलासो यासां यासु वा । (८) शरीरवतीर्वनदेवीरिव ॥३८॥
'कञ्चकिप्राञ्चिताः शेषगेहा इवा- रामदेशा इवोत्फुल्लपुष्पाङ्किताः ।
केकिमाला इवाऽलङ्कृताश्चन्द्रकैः, पूर्णचन्द्राननाः पौर्णमासीरिव ॥३९॥
(१) सौविदल्लैर्भुजङ्गैश्च प्रकर्षेण कलिताः । (२) नागेन्द्रसौधा इव । (३) वनभूमय इव। (४) विकचकुसुमकलिताः । (५) मयूरराजीरिव । (६) वृत्ताकारतिलकैः । लोके 'चांदलउ' इति प्रसिद्धैः । पक्षे-मेचकैः । “मेचकश्चन्द्रकसमा"विति हैमनाममालायाम् । (७) सम्पूर्णचन्द्रस्तद्वत्स एव वा मुखं यासाम् ॥३९॥
मञ्जुसिञ्जानमञ्जीरविस्फूर्जितैः, स्पर्द्धमाना ध्वनद्भिर्मरालैरिव । केलिवातायुपोतान्वचित्कुर्वर्ती-र्गीतिभिर्योगिवद्ध्यानलीनानिव ॥४०॥
(१) मनोज्ञानां शब्दायमानानां नूपुराणां स्फूर्तिभिः । (२) स्पर्द्धा कुर्वाणाः । (३) ध्वनि कुर्वद्भिः । (४) राजहंसैरिव । (५) क्रीडामृगबालकान् । (६) मधुरध्वनिगानैः । (७) ध्याने लीनानिव - निश्चलाङ्गानित्यर्थः ॥४०॥
'स्वीयरूपश्रिया 'मानमातन्वतीः, प्रेक्ष्यमाणा मुहुः स्मेरदम्भोरुहम् । "भूषयाऽहं विशिष्ये किमेतद्हा, श्रीरुतेतीव चित्ते विजिज्ञासया ॥४१॥
(१) आत्मीयरूपलक्ष्या । (२) गर्वम् । (३) कुर्वतीः । (४) पश्यन्तीः । (५) वारं वारम् । (६) विकचकमलम् । (७) वपुःशोभया । (८) विशिष्टा भवामि । "कथं च स देशः स्वर्गाद्विशिष्यते ने"ति चम्पूकथायाम् । (९) कमलवासा । एतस्मिन्गृहं यस्याः-अथवा । (१०) ज्ञातुमिच्छया ॥४१॥ 'निर्जितस्त्वंत्सुहृन्मन्मुखेन "हिया, पश्य पाण्डूभवन्भ्राम्यतीन्दुर्दिवि । वीक्ष्यमाणा वपुर्विभ्रमं 'दर्पणे, सूचयन्तीरितीव स्मितं तन्वतीः ॥४२॥
(१) पराभूतः । (२) तव मित्रम् । "जलाच्च तातान्मुकुराच्च मित्राद( त् । अ)भ्यर्थ्य धत्तः खलु पद्मचन्द्रा" विति नैषधे । (३) मदीयवदनेन । (४) लज्जया । (५) विलोकय । (६) वपुषा पाण्डुरा भवन् । (७) शशी । (८) शून्यनभसि । (९) विलोकयन्तीः । (१०) शरीरशोभाम् । (११) आदर्श । (१२) कथयन्तीः । (१३) हसितम् । (१४) कुर्वतीः ॥४२॥ 1. ०तस्त्वत्सखास्मन्मु० हीमु० ।
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |