Page Text
________________
७६
'श्री हीरसुन्दर' महाकाव्यम् हीसुं० 'कालागुरुद्वकरम्बितगन्धधूली-पत्त्रावलीकलितपाण्डुरगण्डभाजा ।
छायाधर: शरदपास्त पयोदरोधोऽवश्याय दीधितिरह स्यत तन्मुखेन ॥१५॥ (१) कृष्णागुरुद्रवेणमिश्रीकृतकस्तूरीपत्रलताङ्कितपाण्डुरकपोलं भजन्त्या ।(२) लाञ्छनयुतः ।
(३) घनरुन्धनं यस्य । (४) चन्द्रः । (५) हसितम् । (६) नाथीवदनेन ॥१५॥ हील० कृष्णागुरुपङ्केन व्याप्ता कस्तूरी, तस्याः पत्रलतासहितौ धवलौ गल्लौ भजति, तादृङ्मुखेन श्यामताधरः
अभ्रमुक्तस्तुहिनकान्तिर्हसितः ॥१५॥ हीसुं० लीलाचलद्दलगणा 'विगलन्मरन्द-लुभ्यन्निलीनमधुपा सितपद्मपङ्क्तिः ।
प्रस्यन्दमाननयनेन रेसविभ्रमभू-भाजा यदीयवदनेन विडम्ब्यते स्म ॥१६॥ (१) लीलया नातिशयेन मन्दमरुत्प्रेरणया चपलीभवन्तष्प( : पर्णनिवहा यस्याम् । तथा मकरन्दार्थं लोलुपीभवतामत एव निलीनानां कोशान्तर्लयं प्राप्तानां भ्रमराणामासितमवस्थितिर्यस्यां तादृशी कमलमाला । (२) स्वभावचपले लोचने यस्मिन् । (३) विलासकलितभुवं
भजतीति । (४) नाथीमुखेन । (५) अनुक्रियते स्म ॥ १६ ॥ हील० चलन्नेत्रेण विलसद्धूसहितेन यद्वदनेन नातिशयेन चलन् दलानां गणो यत्र । पुनर्भमराञ्चिता
धवलकमलश्रेणिरनुक्रियते स्म ॥१६॥ हीसु० 'नीलारविन्दनयना कलमावदाता बन्धूकदन्तवसना सितकान्ति वक्त्रा । "कासस्मिता कुमुदिनी सुरभिर्मराल-लीलागति: 'शरदिवाजनि सा 'तदानीम्
॥१७॥ (१) नीलोत्पलः । (२) कलमशालिवदुज्ज्वला । (३) बन्धुजीवाधरा । (४) चन्द्रमुखी। (५) कासवद्विशदहसितं यस्याः (६) कुमुद्वत्सुगन्धा । (७) मरालो हंसस्तद्वन्मन्थरा गतिर्यस्याः
(८) शरदर्थे । (९) सर्वं तदेव गर्भाधानसमये ॥ १७ ॥ हील० तदानीं गर्भाधानसमये सा शरत् जातेव । किंभूता सा शरच्च ? । नीले पङ्कजे तद्वत्ते एव वा नेत्रे
यस्याः । कलमाः शालयस्तद्वत्तैश्च गौरी । तथा बन्धूकानि सुमानि तद्वत्तान्येवाधरो यस्याः । सिता कान्तिर्यस्य तादृग् मुखं यस्याः । पक्षे चन्द्र एव मुखं यस्याः कासास्तद्वत्ते एव स्मितं यस्याः । कुमुदिन्यः कैरविण्यस्तद्वत्ताभिर्वा सुगन्धिः । मराला राजहंसास्तद्वत्तेषां च मन्थरतया गतिर्यस्या यस्यां
वा ॥१७|| हीसु० 'माणिक्यभूषणगणैर्न तदा कदाचि-त्खेदोदयाद्वपुरभूष्यत चन्द्रमुख्या ।
क्रीडागतामरकरावचिताम्बुजातां जानेऽनुयातुमनसा सरितं सुराणाम् ॥१८॥
(१) माणिक्यानामुपलक्षणान्मणी अलङ्कारनिकरैः । (२) गर्भधरणनिर्वेदात् । (३) जलक्रीडार्थ 1. सरसि हीमु० ।
Jain Education International
For Private & Personal Use Only
www.jainelibrary.org
| SR No. | 001448 |
| Book Title | Hirsundaramahakavyam Part 1 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 1996 |
| Total Pages | 350 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 17 MB |