Page Text
________________
१२
चउप्पन्नमहापुरिसचरिय। तचिंताए व झिजिउमाढत्ता स्यणी। तओ सयडिया पेच्छिऊणं रत्तिं झिज्जमाणिं परिओसेणेव वड्ढिउमाढत्ता वासरा, अणुदियहं च कठोरीहोइ धरणिमंडलं, मुम्मरोयमाणधूलीरएण मणोरहाणं पि दुल्लंघणिज्जा जाया पहिययणस्स पहा, उच्छलइ झल्लियाझंकारो गयणबहे, अणुदियहं च मूसंति कमलायरा, सीयंति महाणईसोत्ता(?ता), उत्तम्मति महाकरिणो, जायंति सासाउला मयारिणो । अवि य
अवणेतो वि हु दोस देंतो वि जणस्स सइ सुहालोयं । करचंडयाए मित्तो बियणिज्जो जए जाओ ॥३०॥ तवइ महिमंडलमलं सोसइ कमलायरे भयं देइ । णासेइ सरसभावे गिम्हो दुसमाए सेसो व्ब ॥ ३१॥ उत्तरदिसाहिजुत्तं अइभूमिमलंबिओ उ गंतूणं । सुरगिरिसकावलिओ मूरो तेहिं चिय पएहि ॥ ३२ ॥ दियहा उर्बुधुलया, रयबहुलाओ दिसाओ, खरफरुसो । ओवाइमारुओ माउयाओ मारेइ पहियजणं ॥ ३३॥ इय ताविऊण अँवणं कमेण परिवड्ढिऊण य पयावं । कुणरिंदो इच गिम्हो पाउसरायागमे गट्ठो ॥ ३४ ॥
तो वहंति कालंबिणीओ, उच्छलिओ पंमयमहुरकंठमयूरकेयारवो काणणंतरेसु, भग्गो ये पहियसंचारो कयंबामोएणं, महमहइ दिसामुहेसु कुडयकुसुमपरिमलो, णिववियं च गिम्हसंतावतावियं पढमासारेण धरैणियलं । अवि य
कालम्बिणीहि समिओ झेलसंतावो समागया दियहा । कयपुग्णाणं ते च्चिय अगणियहाण मिहुणाणं ॥ ३५॥ अंतोगरुयावेयं पिमुणंतं मुयइ पाउसौरंभो। उक्कुइयलोयणं पिव ऐकल्ल पुडिंगयं गयणं ॥३६॥ कालाइक्कमतोरवियपवणपिंडारचालियाइद्धं । झल्लज्झलेइ अहियं मेहउलं मैहिसवंद च ॥३७॥ भेसंतो पहिययणं जलधारासरणिवायपहरेहिं । पसमेइ महीए रयं आसारो गिम्हतचियाए ॥ ३८॥
ओसरइ कालमेहो पडइ व खुडिऊण णहयलाहुत्तं । गजियरवेण फुट्टइ सहसा संघरं धरावलयं ॥३९॥ घणवडलेहिं छज्जतयं पि ओगलइ अंबरं उँयह । धोइज्जतं पि जलेण तह वि कलुसत्तणमुवेइ ॥४०॥ कवलणमणस्स अँयणं पाउसवेयालकालकायस्स । अब्भउडदलंतमुहम्मि फरइ जीह ब्व विज्जुलया ॥४१॥ धारासारं वरिसइ अंतो च्चिय गरुयमंथरं रसैइ । ण तरइ मणयं पि जणो कज्जे वि घरंतरं गंतुं ॥४२॥ इय वरिसिउं पैयत्तो णिच्चलधारातहट्ठियणिवायं । जेण जयैम्मि ण णज्जइ कुओ वि वियरंति धाराओ ? ।। ४३॥
एवं च णिन्भरे पत्ते पाउसे माणिणीहिययं व धाराहि मउईकयं धरणिवढे । पहिययणजायालोयणजुयलं व जलेण पॅव्वालिया वसुहा । ताव य सत्थो वि अणवरयपयाणेहिं पाविऊण महाडवि तीए मज्झयारदेसम्मि दुम्गमत्तणओ मग्गाणं भण्डविणासणभएण य तस्थेव काऊण उडवाइयं वासारत्तणिचहणत्थं ठिओ। तओ जणपडिपुण्णयाए सत्थस्स, अवारियसत्तपयाणेण य सत्थवाहस्स, अइदीहरयाए कालस्स, समत्थसत्थमज्झयारे खीणं जवसं, वगयं पाहेयं, विमूरिउमाढत्ता सत्थिया, पयत्ता य कंद-मूल-फलमण्णेसिउं। णिवेइयं च रयणीए वरपल्लंकगयस्स सत्यवाहस्स माणिभद्देणं जहा-“समाउली ओ सत्यो, खीणसंबलत्तणेण य दीणभावमुँवागया सत्थिया, छुहावेयणापरिगया य कंद-मूलाइयमणुचियमाहारमाहारेंति, किंच
छडैइ लज्ज परिहरइ पोरुसं ण हु धरेइ मजायं । दीणतणं पवज्जइ उज्झइ मित्तं कलत्तं च ॥ ४४ ॥ णीयघरेसु वि भिक्ख भैमेइ लंघेइ उइयमायारं । कं कं ण करेइ नरो लोए उयरम्गिणा तविओ?" ॥ ४५ ॥
एयमायण्णिऊण चिंताभरकिलंतदेहो विमूरिउमाढत्तो सत्यवाहो। तओ ईसाएं व समागंतूण णिदाए णोल्लिया चिन्ता । एत्यंतरम्मि रयणीए पच्छिमे जामे बंदुराजामइल्लेणं पढियं दुवैइखंडं
१ रायमाणा धूली सू । २ सुसंति जे। ३ तो बहुदोस जे। ४ उव्वयणिज्जो सू। ५ ओवादि जे। ६ मृज्जाताः, मृदादिकर्करिकाः। ७ भुरण जे । ८-९ व्व सू । १० °णिमंडलं जे । ११ कलसंतायो जे । १२ ति जे । १३ °सारंभे जे । १४ °ओकुइय जे । १५ एकल सू । १६ महिसिबंदु ध्व सू । १७ यलद्धंतं जे । १८ सर्वतम् । १९ उवह जे । २० सुयणं जे। २१ फुरुइ सू । २२ चसइ सू । २३ पत्तो जे । २४ जय पि ण जे । २५ पच्चालिया सू । २६ विणासभ सू। २७ ओ जे । २८ मुवगया जे । २९ छइ जे। ३० नेइ सू । ३१ "ए विव ग जे । ३२ 'दुवई' द्विपदी-छन्दोविशेषः, तस्य खण्डम् ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |