Page Text
________________
चउप्पन्नमहापुरिसचरियं ।
मुणिऊण जाइया पियदसणा । दिग्णा य पुण्णभद्देणं । गणियं लग्गं । उवकयं विवाहोवगरणं । सज्जीकया वेइममी । कयाई कोउयाइं । महया रिद्धीए वत्तो विवाहो । जाया य अतिणिभरा पीती परोप्परं । एवं च विसयमुहमणुहवंताणं वच्चंति दियहा, सरइ कालो। ____ अण्णया य परिहासपुव्वं भणिया पियदसणा असोयदत्तेणं विचित्ते-किं कारणमेस ते दइओ धणदत्तमुण्डाए सह पतिदिणं मन्तेइ ? । पियदंसणाए वि विसुद्धचित्ताए भणियं-एयं तुह मित्तो णिच्छएणं जाणइ तुमं च बीयहिययभूयो, अम्हारिसाणं पुण को साहेइ रहस्सकज्जाइं? । तेण भणियं-अहं जाणामि किं तं, अत्थि पओयणं, किंतु तुह ण साहिज्जति । अवि य
णेइ चिसमं पि भूमि मिच्छा वो पियाणि सिक्खेइ । भिंदइ गरुई लज्जं पयोयणं किं ण कारेति ? ॥ १४ ॥
पुण वि तीए भणियं-किं तं पयोयणं ? । तेण भणियं-जं मज्झ तुमए । सुद्धहिययाए जंपियं पियदंसणाए-मए वि किं तुज्झ पओयणमत्थि ? । [ ? तेण भणियं-अत्थि] मुंदरि !,
जो जियइ जीवलोए जम्स य तं सुयणु ! गोयरे पडिया। तम्स तए सति कज्जं मोत्तूर्ण गवरि तह दइयं ॥१५॥
तो असंभावियपुव्वं कयाइ असंकणीयं दुव्यवसियपिसुणं अइक्कंतमज्जायं वयणमायण्णिऊण किंचि कालमहोमुही ठोऊया पियदंसणा भणिउमाढत्ता
"रे रे निल्लज्ज ! अकज्जसज्ज ! किं तुज्झ जुज्जए एयं । हियएण वि चिंतेउं किं पुण भणिउं मह समक्खं ? ॥१६॥ पुरिसाहमेण तुमए अकज्जववसायमलिणमित्तेण । लजिहिइ महं दइओ एयं मेइ मह हिययं ॥१७॥ किं जुत्तं विमलकुलुब्भवस्स वीसम्भणेहगहियस्स । थेवस्स सुहस्स कए कुलम्मि मसिकुच्चयं दाउं ? ॥१८॥ मुंजेइ जत्थ तं चिय णवरं भिंदेइ मायणमणच्चो( ? जो)। णियचेट्टाए सइ दीवउ व्व णेहक्खयं कुणइ" ॥ १९ ।।
तओ ईसीसिलज्जोणयवयणेणं भणियं असोगदत्तेणं-किमेवमाउलीभूया ? सच्चं चेव मं अण्णहा संभावेसि ?, मए एस परिहासो परिकावाणिमित्तं तुह को । तओ ईसद्धसियं काऊण भणियं पियदंसणाए
गच्छमु जत्थ च्चलिओ णियवावारं करेमु रे मूढ ! । मह उण कया परिक्रवा जेण सुमित्तो तुमं वरिओ॥२०॥
तो सुण्णदेउलं पिव विवित्ती णिग्गओ मंदिराओ। दिट्ठो य किं पि कि पि चिंतयंतो भग्गमच्छरुच्छाहो सायरचंदेणं, पुच्छिओ य-किमुन्विग्गो विव लक्विज सि ? । तेण भणियं-आमं । केण कारणेणं ? । तओ मायाकूडकवडभरियहियएण दीहं णीससिऊण भणियं-" संसारे वि वसंताणं उव्वेवकारणाणि पुच्छसि ? अह णिब्बंधो, साहेमि किं तं संसारविलसियं, अवि य
संसारमावसन्तस्स किं पि तं पडइ माणिणो कज्ज । जं छाइयु ण युजइ ण य कहियु णेय मरिसेउ" ।। २१ ।।
एवं मणिऊण वाहोल्ललोयणो अहोमुहो ठिओ । तओ चिंतियं सायरचंदेणं-अहो ! दोण्णिवारया संसारविलसियाणं, जेण एवंविहा वि महापुरिसा संतावस्स गोयरे पडंति, तं महंतं किं पि उव्वेवकारणं मह मित्तस्स, जेण गरुओ दुक्रवावेओ बाहगम्भिणेहिं नीसासेहिं लक्खिजइ, " हि अप्पेणं णिहाएणं चलइ वसुहा, ता पुच्छामि उम्वेवकारणं । ति चिंतऊण पुणरवि भणिओ-वयंस ! साहेहि मे जइ अकहणिज्जंण होइ । तओ भणियं सगग्गयऽक्खरं असोगदत्तेणं-"कि तहाविहं किं पि अस्थि जं तुज्झ वि ण साहिज्जइ ? विसेसेण एस वइयरो त्ति । तत्थ जाणइ चेव पियवयंसो जैहा-सव्वेसिमणत्थाण कारणं महिलाओ, जओ महिला णाम अणग्गी चुडुली, अभोयणा विसइया, अणब्भा विज्जू, अणोसहा वाही, अपज्जवसाणा मेोहे णिद्द त्ति, अवि यचवला मइलणसीला सिणेहपडिपूरिया वि तावेइ । दीवयसिह व्य महिला लद्धप्पसरा भयं देइ ॥२२ ।।
१ पुचयं जे । वोत सू । ३ पुणरवि जे! ४ णवर जे। ५ ठाइऊण जे। ६ लज्जेही मम द जे। ७ जत्थ तत्थ यण सू। - धरिओ जे । ९ णिव्वेवकारणाई जे । १० छाइउ जुज्जइ ण य कहिउ जे । ११ एय जे । १२ जह जे । १३ मोहणिद त्ति सू ।
or Privale & Personal Use Only
___www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |