Page Text
________________
१ रिसहसामि- २ भरहचक्वट्टिचरियं ।। एकत्थ कह वि परिमोइया वि अण्णत्थ लग्गइ खणेणं । दरेण होउ मुहिया महिला कॅथारिसाह व्व ॥ २३ ॥ बंधुयणुव्वेवकरी सयलदुहावायकारणमणज्जा । मरणरयणि व्य महिला चिंतिज्जती भयं देइ" ॥ २४ ॥
तो एयमायण्णिऊण सासंकेण भणियं सायरचंदेणं-पयडियं कीए वि महिलाए महिलत्तणं मित्तस्स, का उण सा? विसेसओ जाणिउमिच्छामि । तओ 'तुज्झ बीयहिययभूयस्स एरिसं पि साहिज्जई' ति असोयदत्तो भणिउमाढत्तो-“वयंस ! सुणसु, अत्थि गणियाणि दियहाणि असमंजसाइं भासन्तीए पियदसणाए, मए पुण तुज्झ वि असाहंतेणमवहीरिया 'कयाइ लज्जिऊण सयमेव दुरज्झवसाया उवसमं करिस्सइ'त्ति, णवरंण केवलं ण कओ चैवसमो, सुटुयरं पयहा। अवि य
णरसीहेणं सीहो मंतेण फणी तहकुसेण करी । महिलामणो ण तीरइ केणावि णिरंकुसो धरिउं ।। २५ ।। अज्ज पुण तुंह अण्णेसणत्थं घरं गयस्स तं कयमिमीये जं साहिउँ पि ण तीरइ त्ति । तओ महया किलेसेणमप्पाणं मोयावेउं णिग्गओ गेहाओ । तओ चिंतिउमारदो-'किमप्पाणं वावाएमि ?, अहवा ण वावाएमि?, जो सा दुरायारिणी मह मित्तमण्णहा बुग्गाहिस्सइ । किं जहटिय मुद्धमित्तस्स साहेमि ? एयं पि ण जुत्तं, जओ ण पूरिओ मणोरहो तीए, कहमवरं कीरइ खए खारणिवडणं ? ' ति । एवं च एयाणि य अण्णाणि य अट्टदुहट्टाई चिंतयंतो तुमए दिहो । तं एयं मे उव्वेवकारणं" ति । तओ वज्जवडणाइरित्तं एयमायष्णिऊण णसण्णो व्य थंभिओ व्व किंचि कालं भविऊण सायरचंदो भणिउमाढत्तो-" पियवयंस ! सव्वं पि एयं जुज्जइ महिलाणं, जओ
बिब्बोयसलिलभरियं कवडमहावत्तवंचणामयरं । महिलामणमयरहरं अज्ज वि पुरिसा ण याति ॥ २६॥
उवहिस्स मुहं रेवा सेययं विझस्स ओप्पइ णियंबं । सचमणायारघुराण मित्त ! महिलाण सम्माइ ॥२७॥ तो" मुंचसु विसीयं, अंगीकरेसु सुहज्झवसायं, कित्तियं च एवं संसारविलसितस्स ?, किं वा सा दुरायारा अम्हाणं करिस्सइ ? त्ति । केवलं तुंह मज्झ वा मणो मा देसिज्ज" । इति भणिऊण सैठेविओ पियमित्तो । वियलिओ य पियदंसणाए उवरि पेमाबंधो. णियत्तो सम्भावपसरो. अवगओय पणयबहमाणो। तहा वि महापरिसयाए अलंघेतेण धुव्वत्थिई उवरोहमेत्तकयकज्जेणं पालिया पियदंसणा। ताए विण एस वृत्तंतो साहिओ पइणो, 'मा मह णिमित्तो चित्तभेदो होउ' त्ति मण्णंतीए पुव्वकमेणेव ववहरियं ।
सायरचंदो वि पयतीए दाणरुई, उबिग्गो संसारस्स, परम्मुहो घरवासस्स, णिविष्णो विसयाणं, कालेणमाउयमणुपालिऊण मओ समाणो जंबुद्दीवे दीवे भारहे वासे दाहिणद्धस्स मज्झिमखंडे सुसमदुसमाए पलिऔवमड्ढभागावसेसे काले समकालपरिचत्तजीवियाए पियदंसणाए सह जुगलत्तेणं समुप्पण्णो। संवड्ढिऊण य चउरासीर्ति दियहे उवरयं जणयजुयलं । पत्तो य जोव्वणं । अच्छइ य सहयरीए सह भोए मुंजन्तो। ___ इयरो वि आउयं पालिऊण मओ समाणो तत्थेव धवलदेहो चउविसाणो वरलक्खणोववेओ करिवरत्तणेणं समुप्पण्णो। तेण ये इओ तो परिब्भमंतेणं दिट्ठो सो पुव्वभवमित्तो । जाओ य से पुचभवऽब्भासेणं तस्सोवरि हाणुबंधो । उवट्ठियं च तं आभिओगियफलं मौयासंजणियं कम्मं । आरोविओ य सो तेणमणिच्छमाणो विणिए खंधप्पएसे। समुप्पण्णं च तेसि पैरोप्परं दसणऽब्भासेणं जौइस्सरणं । सो य जाइस्सरणप्पभावेणं अच्चतरूवयाए विमलकरिवरवाहणतणेण य सबपुरिसाहिओ जाओ। __ तो य वच्चंतेसु दियहेसु, परिगलंतेसु सुहाणुहावेसु, वियलिओ तारिसोऽणुभावो कप्परुक्खाणं, तहा हि-मत्तंगा घेवविरसीयमाणमज्जरसा । ण सुहासण-सयणा भिंगा । तुडियंगा य ण तारिसाऽऽउज्जसज्जा । दीवसिहा जोइसणामा य ण सम्ममुज्जोवेति । चित्तंगया वि अवगयसुहमल्लोवयारा । ण देंति पुन्वं पिच सुहभोयण-फलरसं चित्तरसा। ववगयविविहभूसणुकरिसा मणियंगा। णट्टसोहाणि विविहमंदिराणि भवणरुक्खेसु । ण पयच्छंति सुकुमारवत्थाणि
१ पडिमोतिया जे । २ कंथारसाहि व्व जे । ३ उवसामो जे । ४ तुममण्णेस सू । ५ मोयाविउ जे । ६ बुग्गाहइ जे। ७ ट्ठियमेव मित्त जे। ८ साहेति जे । ९ समयं सू । १० घराणि सू । १ ता जे । १२ य. वित्तिय जे । १३ तुज्झ मह वा जे । १४ सियउ त्ति जे। १५ संथविओ जे । १६ पुवठिई जे । १७ दीवे भा जे । १८ दूसमसुसमाए जे, दुसमदूसमाए सू। १९ जुवलय जे । २० वि जे । २१ मायाजणिय सू । २२ परोप्परद जे । २३-२४ जाईसर जे । २५ तओ व जे ।
Jain Education International
For Private & Personal use only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |