Page Text
________________
૨૨૨
चउप्पलमहापुरिखचरिय। ता धण्णो हं जो जइजणाण सामण्णसंपयं पत्तो। अजं चिय विच्छड्डियसंसारोवासवासंगो॥ ६७६ ॥ अण्णह दुरज्जसंजोयजणियऽवज्जो हु जइ विवज्जेज । ता निवडतो गुरुयोरणिरयपोयालमूलम्मि"॥६७७ ।। इय तस्स कयणिरायारवित्तिणो धम्मझाणणिरयस्स । वच्चइ णिसाए मुहभावणाए जा पच्छिमो नामो ॥ ६७८॥
णवरि य अपडियारत्तणओ वाहिवियारस्स समुन्भूओ तिव्ववियणोदओ। तहा वि तह चिय पवढंतसहपरिणामो कालं काऊण समुप्पण्णो मुरवरेसुं।
ता भो देवाणुप्पिया ! ण एत्य दुब्बलयाए, ण बलिययाए, ण बहुदिणपरियायकरणेणं, ण एकदिणपरियारणं, जेण विसमा कम्मपरिणई, कम्मवसपरिणओ हु जीवो मुह-दुहाणं भायणं होइ त्ति।
एयं च सोऊण जंपियं गणहारिणो 'एवमेयं ति भणमाणो णहयरो वंदिऊण सविणयं पंस्थिओ जहासमीडियं । गोयमसामी वि जहाविहिं पज्जुवासिऊण जुयाइजयगुरुं ओयरिउं पयत्तो अट्ठावयसेलाओ। दिट्ठो य तेहिं तावसगणेहि, केरिसो य?
अह तं अट्ठावयसेलमेहलोयरणविक्कमक्कमिणं । धीरमइंदं व विसालकविणवच्छत्थलाहोयं ॥ ६७९॥ दटुं परोप्परुप्पण्णविम्हयच्चन्तवड्ढियालावा । जपंति कह वि किच्छेण एत्तियऽम्हे भुवं पत्ता ।। ६८०॥ एसो हु को वि दिव्योवलंभिउद्दामसत्तिसंपण्णो । जो आयासेण विणा ओयरइ समारुहेऊण ॥ ६८१॥ 'दुक्खेण कह वि तीरइ आरोहुँ, तह मुहेण ओयरिउं'। अज पसिद्धी एसा पुणो वि एएण पायडिया॥ ६८२ ॥ अहवा मुहेण धीरों उच्चं पयमारुहेइ ववसाई । ओयरइ पुणो दुक्खेण एयमत्यं पयासेउं ।। ६८३॥ ता एयं चिय सरणं वच्चामो 'भुवणकयमहच्छरियं । एस सरण्णो भुवणे अणण्णसत्तो महाभाओ ॥ ६८४॥ . एयस्स चलणपंकयपहावओ गुण तीरए दटुं। तिहुयणणाहस्स मुहं आरोढुं वा इमं सेलं ।। ६८५॥ तं णत्थि जए जं सप्पहावपयसंसिया ण साहति । किं पुण सेलारुहणं जिणिंदपयवंदणथम्मि १ ॥ ६८६ ॥ सम्भावसंसएणं महाणुभावाण जायइ जमिé । आसयवसेण अहवा मुहा-ऽसुहो होइ फललंभो ॥ ६८७॥ इय तेर्सि तस्स महाणुहावयायड्ढिओरुचित्ताण । वच्चइ मज्झेणं चिय परोप्परं मंतैयंताणं ॥ ६८८॥
तओ ते तावसगणा तइंसणुप्पण्णहरिसपसरा भत्तिभरवियंभंतपुलयपडला दट्टण गोयममहरिसिं 'सुसागयं' ति भणमाणा अब्भुट्टिया, उभयकरकमलमलिं सिरम्मि णिवेसिऊण भणिउं पयत्ता-भयवं! अचिन्तसत्ती माणुसवेसधारी को वि दिव्यो तुम, ता कीरउ पसाओ अम्हं सीसत्तणपरिग्गहेणं, उत्तारेसु अम्हे दयं काऊण संसारसायराओ। त्ति भणिउं महियलमिलन्तजाणु-सिरमंडला णिवडिया पायपंकएमुं 'अज्जदिवसाओ तुमं अम्हाण गुरु 'त्ति । एवं भणियावसाणम्मि य भणिया गणहारिणा-अस्थि इहं सुरा-ऽसुरमउलिलालियचलणजॅवलो वीरवद्धमाणसामी तुम्हाण अम्हाणं च गुरू ण केवलं तुम्हाण अम्हाणं च सयलस्स वि तिहुयणस्स गुरु त्ति, जारिसो हं तारिसा तस्स बहवे महप्पभावा मुणिणो। तो ते जपिउं पयत्ता-जो तुम्हाण वि गुरू सो विसेसेण अम्हाण वंदणिज्जो । भणिया य पुणो गोयमसामिणामह प्पहावओ इमं सेलं समारुहिऊण वंदिऊण जुवा(या)दिजयगुरुं समागच्छह, जेण अम्ह गुरुणो वंदणत्थं बच्चह । तो ते तावसगणा तप्पहावओ समारूढा अट्ठावयगिरिवरं । वंदिऊण भत्तिभरणिभरमाणसा उसभसामि समागया गणहारिणो समीवं । 'सफलो अम्ह एस परिस्समो जं तुमेहिं समं दंसणं जायं' ति भणमाणा णिवडिया पुणो पयजुवलम्मि। भणिया गोयमेण-एह, अम्ह गुरुं वंदह त्ति । पयट्टा सरहसं । ओइण्णा गिरिवराओ। गंतुं पयत्ता।
पायारमूले। २ एवं सू। ३ अइच्छिओ जे । ४ वीर जे। ५ वीरों जे । ६ भुयण जे । ७ मुयणे जे । ८ गुणण्ण सू। ९ मतमागाणं सु। १. अथिहि मुसु । ११ जुयलो जे । १२ तुम्ह अंजे। १३ एतदस्तचिहादारभ्य ७५४ गायोत्तरार्धस्थितहस्तचिहचपर्यन्तः पाठसन्दो जेपुस्तके नास्ति।
-
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |