Page Text
________________
३२२
चप्पलमहापरितचरिये। एवं च सयलो वि पुरजणवो भणिउं पयत्तो-कुमार ! को हु एवं जियलोयसारभूयं तियं पि असारस्स पणमेचस्स कर परिचयति ?, जो उण महाणुहावो इमं परिश्चइतुं तरइ तस्स ण किंचि दुप्परिचयणीयमस्थि । तं च सोऊण अमयकुमारेण भणिय-"एवमेयं, ण एत्य संदेहो, कह?
जो चयइ चारुचरिओ दुपरिचयणीयमेयमश्वस्य । ण हु णवर सो णराणं देवाण वि होइ णमणिज्जो ॥६२७॥ अच्चंतसत्तिजुत्तो चाई सो धेये णवर लोयम्मि । सो चेय महाभाई जो चयइ तियल्लयं एयं ।। ६२८॥ सो च्चेय भडो सो चिय महोयओ सो हवेज्ज सप्पुरिसो । जो सच्चपइण्णो इय तियल्लयं चयइ लीलाए ।। ६२९॥ इय 'संसारियमुहलालसाण जायइ जयम्मि जंतूण । कम्मवसयाण जायइ दुपरिच्चेयं तिय' ति फुडं ।। ६३०॥
ता भो महापुरजणा ! इमं एरिसं अञ्चंतसत्तिजुत्तेणावि दुपरिश्चयणीय परिच्चइऊण गहिया पन्चज्जा इमिणा महाणुभावेण, ता कीस 'तुम्हे भणह जहा 'दुग्गयस्स पव्वज्जा ण किंचि पुरिसत्यं जणेइ'। ण य तुम्हाणमेसो 'रोरो' चि कलिऊण परिहविउँ जुत्तो ति, जओ
अह एको चिय दोसो गुणसयकलियस्स होइ रोरस्स । जं पसह चिय दिडं 'अत्थि' चि जणो परिकलेइ ॥६३१॥ उव्वेव-भया-ऽहंकारवज्जिओ णिम्ममो णिरासंसो । महलोहसल्लरहिओ जइ ब्व रोरो मुहावेइ ।। ६३२॥ संघासो होइ परोप्परेण संतोस-धणसमिद्धीण । को समहिओ गुणेहि मुद्धाऽसुद्धाइजणिएहि ? ॥ ६३३ ।। मुद्धत्तणेण जायइ समुज्जलो तत्थ णवर संतोसो। धणविहवो उण जायइ 'णिहसे कसणो तमोहो व्व ॥६३४॥ आवज्जण-रक्षण-खय-चयातिउव्विग्गमाणसो अस्थी । अधणो सऽत्थत्तणणिध्वुतीए दूरं समभहिओ ॥ ६३५ ॥ किसि-गोरक्खा-वाणिज्ज-सेवकज्जुज्जओ धणत्थी हु । कालं. गमेइ दुक्खं ण उणाऽणत्यी तहा पुरिसो।। ६३६ ॥ रायउल-तकरा-ऽऽरक्खिय-ऽग्गि-णीरेण अवहियम्मि धणे। जं दुक्खं होइ धणीण तस्स भाई ण णिल्लोहो ॥६३७॥ इय एवं दालिदं णिदिज्जइ दुव्वियड्ढमणुएहिं । अचंतभोयसंपर्यथड्डुद्धय-दुद्दचित्तेहिं ॥ ६३८॥
ता भो ! मज्झत्थभावेण वियारिज्जमाणं दूरेण बहुगुणं रोरत्तणं, जेण ण आसंकइ पत्थिवाणं, ण तकराणं, ण दुज्जणाणं, ण रयणीसु, ण दिणे, ण गेहे, ण पंथे, केवलं जहासंपज्जन्ताहारसंतुट्ठवित्ती जहासेज्जासंपज्जन्तमुहणिद्दो आजम्म पि सुहेण गमेइ, सयत्थसंपायणुज्जयस्स ण कोइ केहिंचि जायइ पडिबंधकारणं" ति। एयं च अभयकुमारजंपियं सोऊण पुरजणवएण भणियं-कुमार ! एवमेयं जहा भणियं तुम्हेहिं, अवणीओ अम्हाण मोहप्पसरो । तओ सो तेण णायरजणेण मुणिवरो भत्तिभरणिब्भरं पूइओ वंदिओ य । खामिउं च तं जहागयं पडिगया णयरणायरजणा। अभयकुमारो वि भावयन्तो जयगुरुणो वयणं णियणिओए लग्गो।
[अभयकुमारकया समणखिसणानिवारणा २३ ]
अण्णया य भयवया 'कोण्डिण्णसगोताणं तावसाणं पण्णरस सयाणि संयुमंति' तितणिमित्तं पेसिओ अट्ठावयसेलं गोयमो गंतुं प्रयचो। दिट्टो य णाइट्टैमिमायसंठिएणं अट्ठावयगिरी। जो य केरिसो?
1-२-३ चैव मे । ४ तुमे में । ५ मिहसइ कस। महणो जे। • यमुपदय । जसक । वह पि ।१. खामिय । "रसंठि स
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |