Page Text
________________
५४ वबमाणखामिचरित्र।
३२३ कत्थइ मणिमयसिहरुल्लसंतेरविकिरणबिउणियप्पसरो। कत्थइ तवणिज्जुज्जलपहासमोरंजियदियंतो ॥ ६३९॥ फत्यइ कलहोयसिलासमूहधवलियधरायलदंतो। कत्थइ णिसामु ससिकंतसलिलपव्वालियदियन्तो ॥ ६४०॥ कस्थइ कडयुग्गयपवरपायधुप्पण्णपउरफलविहवो । सुर-सिद्ध-जक्खकिण्णरमिहुणयणादिण्णपरिवेढो ॥ ६४१॥ इय सो जोयणजोयणपयविविणिम्माविओ महासेलो । अट्ठावयाहिहाणो गोयमगणहारिणा दिहो ॥ ६४२॥
तहिं च पइट्ठावियं भरहाहिवेण मणि-कंचणमयाणं आइमतित्थगरपडिमाणं रूवं । 'तं च वंदामि' ति कलिऊण आरोढुं पयत्तो पन्चयं । दिहाई च पढमपइयासु अचंतचरतवविसेससोसियतणुतय-ऽहिसेसाई तावसाणं पंच सयाई । पुलइओ तेहिं । दिहो य कणयउज्जलसरिसदेहच्छवी अमाणुससरिसंसरुवो समारुहंतो बीयं पइयं । तर्हि पि तह चेय [सच्चवियाईं] दुकरविविसेसकिसीकयसरीराइं अण्णाई पंच सयाई । तेहिं पि सचविओ तइयपइयमारुहंतो । तत्थ वि पुलइयाई तह चेय पंच सयाई । समीवेणं चेव आरुहिउं पयत्तो । तओ ते तं अच्चम्भुयसरीरसामत्थं पलोएऊण विम्हयं गया तावसगणा चिंतिउं पयत्ता-शृणमेस जइरूवो को वि दिव्यो, कहमण्णहा मणुस्सरूविणा पीणतणुणा एसो समारोहुँ तीरइ, ? एसो खु मुणिवरेहि पि तिब्बतवोवज्जियलदिविसेसेहिं दुक्खमारुहिज्जति, जेण पेच्छ
चिट्ठति हेहिमपइयामु णीलसेवालकप्पियाहारं । आरोदुमणं इह तावसाण तवकिसियपंचसयं ॥ ६४३ ॥ तह चेय बीयपइयासु सुक्कसेवालपिहियपोट्टग्गी । आरोदुकंठमणं दूसहतवतवियतणुभायं ॥ ६४४ ॥ अम्हे उण दुक्करकयतिरत्त-पंचाइरत्तरत्तेहिं । सुसियसेवालकप्पियपाणाहारा परिवसामो ॥ ६४५ ॥ तह वि ण तरामु मणयं पि उवरिभायं सयं समारोढुं । एसो हु समारुहइ त्ति गुण चित्तऽम्ह पडिहाइ॥ ६४६ ।। इय एव विम्हउप्फुल्ललोयणेहि पलोइओ सहसा । रविकिरणकरालम्बणवसेण असणं पत्तो ॥ ६४७॥
एवं च विम्हयवसविसटुंतलोयणेहिं पुलइज्जमाणो 'एसेस वचति' तिजैपिराणमईसणीहूओ । आरूढो य सिहरग्गभायं । पलोइया य पढमजिणाइया भरहे विणिम्मविया मंदिरावली । केरिसा य ?
सच्छफलिहामलुब्भडदढपीढोवरिणिविट्ठभित्तिल्ला। उवणेति चित्तमायासँदेसपरिसंठिय व्व ददं ॥ ६४८ ॥ पवणवमुम्वेल्लियधवलधयवडुद्धंतपल्लवकरहिं । मंभीसइ व्व भवभीयभत्तिसंपत्तभवियजणं ॥ ६४९ ॥ दूरुल्लसंतमणिमुहलकिंकिणीजालकयविरावेण । जिणगुणगहणं कुणइ व्व उवह भुवणस्स चिंधाली ॥ ६५० ।। इय पोमराय-मरगय-णीलमहामणिविणिम्मियसरूवा। जिणभवणमालिया गणहरेण दूाओ सञ्चविया ।। ६५१ ॥
दणं च हिययम्भतरुल्लसंतहरिसपसरो बहलरोमंचुच्चइयतणुविहाओ अइगओ जिणभवणम्भन्तरं । पणमिजणं च विणिज्जियसुरा-ऽसुरमयरद्धयदलणपञ्चलं पढमजिणबिम्बं योउं पयत्तो । कह ?
जय जुयपढमुप्पाइयबहुविहसिप्पप्यारकोसेल्ल ! । जय पढमरायणीईविसेससंपायणसंमत्य ! ॥६५२॥ जय पढमधम्मदुद्धरधुरधरणुद्धन्तधवलकयलील ? । जय पढमदुग्गहाभिग्गैहुग्गसंगहियपरमत्थ !॥ ६५३॥
जय पढमकेवलालोयसयलणिम्मलविलोइयतिलोय ! जय लक्खियदुल्लक्खोरुमोक्खसुहमग्गबहुभंग!॥ ६५४॥ इय पढम ! पत्थिवाणं पढम ! जिर्णिदाणमिहसमासमए । पढमजिणेसर ! णमिमो पुणो पुणो तुम्ह चलणाण॥६५५॥
ततरणि[कर बि सू । २ गाइल(ण) सू। ३ "म्माणिओ जे । ४ 'दुर जे । ५ सम्वो स त वकिलेसकि । .इसू। ८ ते तावसा तं भच सजे। ९ इ सू। १० यतिरत्तेहिं । मुजे । ११ जंपि(प)यन्ताणमई जे । १२ विणिम्मिया जे । १३ सदेव जे । १४ 'प्पयावकों स। १५'कोसल्ला । जे । १६ समत्था । जे । १. लीला । जे । १८ गहग्य ।
For Private & Personal Use Only
Jain Education International
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |