Page Text
________________
५१ वद्धमाणसामिचरिय ।
३२१ भोया तणं व सयलं पि परिषइऊण पध्वज पवज्जति, मह पुणकिण बंधणो एत्थ थिरक्षणाहिमाणो ? जेण पेच्छ एए सयलजणलोहणिज्जं तं सयलं मोतूण णियसुंदरीयणं पवरमणि-कणय-स्यण-मुत्ताहलाइयं उझिजण णियरिद्धिसमुदयं पन्वज्ज पवज्जति, मह उण दारिहोवदवपीडियस्स मणोरहाणं पि असंभावणिज्जमुहलेसस्स विहलो चेय मणुयजम्मो। जेण
अइजजरजरमंदिरदरिविबरुग्गयअयंगमफणाओ। दीसंति रुंददालिद्दकंदलीओ ब्व णिक्खंता ।। ६११॥ दियहं चिय वच्चइ धाविरस्स जरजरदपूरणपरस्स । धम्म-ऽस्थ-कामअमुणियविसेससंपायणरयस्स ।। ६१२॥ एत्य जरकप्पडोमलिणतणुसमोवडियडंडिखंडस्स । दुक्खं परकयघरहिंडणेण संपडइ पोहूं पि॥ ६१३ ॥ इय जेत्तियं घरासायलंभणडियस्स होइ मज्झ दुई। विसहिज्जइ जइभावम्मि तेत्तियं ताण किं लटुं" ॥६१४॥
चिंतिऊण पुणरुत्तं पयट्टो जगगुरुसमीवं । विणिक्खंतो सममण्णजणवएणं । उज्जमिउं पयत्तो जहासचीए। अणुदिणं च साहुजणस्स भत्त-पाणसंपायणुज्जओ णयरमज्झम्मि परिहिंडतो लोएहि दिहो। दट्टणमवण्णाए भणिउं पयत्तो-"किं पुणाइ दुकरमेइणा काऊण दिक्खा गहिया ?, भणियं च
जो णिग्गच्छइ मणि-रयण-कणयकलियं पि उज्मिऊण सिरिं । अस्थित्तपरिचाई सो पव्वतिओ फुडं भणिओ ॥६१५॥ जो उण अकिंचणो चिय गिण्हति दिक्खा णिरत्यया तस्स । धणसंपत्ती गेहं तेण विणा होइ वणवासो।। ६१६ ॥ पव्वज्जा किल णिकिंचणाइया जस्स तं चिय परेकं । वणवाससमाणणिहेलणस्स कि तस्स दिक्खाए ॥६१७॥ इय निचं चिय णमुणियधणाइचासंगवाउलमतीओ । परजणजणियावण्णो जती दरिदो ति ण विसेसो" ॥ ६१८॥
एवं च कयावण्णवायं सहवासपरिचएणं तस्स जतिणो कलिऊण पुरजणं अभयकुमारेण तस्स पञ्चायणत्यं कया णियभवणंगणुदेसे णाणाविहरयण-कणयसमण्णिया तिण्णि कोडिप्यमाणा तिणे उक्कुरुडा, घोसावियं च णयरे-जो महिलं अग्गि पाणिं च परिचयइ जावज्जीवं तस्साहं एयाओ तिण्णि धणकोडीओ पयच्छामि । तं च सोऊण समागओ बहुओ पुरजणवओ । भणिओ य अभयकुमारेण-गेण्हह इमं दविणजायं एइणा वियारेण-सव्वहा सव्वया महिलं अग्गि पाणियं च परिचइऊण । एयं च समायण्णेऊण पढमं अवियारिऊण घेतुं पयत्ता केइ, पच्छा सई चेव वियारिलं पयत्ता,
महिलं जला-ऽणले उज्झिऊण परिगेण्हिऊण धणणिवई। किं व कुणताण हवेज अम्ह सोक्खाण संभोओ१॥६१९॥ मुरहंगराय-तंबोल-वसण-कुसुमाइओ वि परिभोगो । जलमजणं विणा हो ! निरत्यओ होइ कीरंतो ।। ६२०॥ मज्जियविलित्ततंबोलमुरहिकयकुसुमकेसवासस्स । सयलरसजुत्तभोयणरहियस्स णिरत्ययं सव्वं ॥ ६२१ ॥ तं पि ण विणा हुयासणसंगणं कह वि भोयणं घडइ । सयलिंदिओबिहणकरणं बहुसो वि कीरंतं ॥ ६२२॥ अह एसो मज्जणकयविलेवणालिद्धकुसुमपरिभोओ। महिलासंभोयपरम्मुहाण सव्वो वि हु णिरत्थो ॥ ६२३॥ सेविज्जइ णरणाहो, लंपिज्जइ सायरो धणणिमित्तं । तं होति जुवइसंभोयकज्जरसियस्स सकयत्यं ।। ६२४ ॥ वररमणिविलासालसपलोयणुप्पण्णरमणरसियस्स । उवउज्जइ विहयो, ण उण महिलसंभोयरहियस्स ॥ ६२५॥ इय दुप्परियल्लमिमं तियल्लयं उज्झिउं जए गिहिणो। कं वच्चइ उवओय धणं तियल्लयविहीणस्स १॥६२६॥ १ हस्तद्वमान्तर्गतः पाठो जेपुस्तके नास्ति । २ असंभव सू । ३ सई जे । ४ समाव स्। ५ "णि कूड़ा, जे।। मुरयंग . 'वहीरणकं स्।
जे Jain Education Interional
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |