Page Text
________________
३०८
चउप्पलमहापरिसरिय। पहरणाहिटियपयट्टन्तरहबरुग्घाओ, एक्कओ सपक्खरापरिगयतुरयखणखणारावगम्भिणुद्धावियारोहो, अण्णओ हणहणासहगम्भिणुब्भडसुहडपडन्तपडिभडो समरवावारपडिथिरो होऊण परबलमसमंजसं पहारेहि करेज्ज ति । कह ?
वियडकवोलयलगलन्तमयजलंधलियलोयणवहं पि । णीहरियसोंडदंडग्गसीयरं वरगयाणीयं ॥ ४८५ ॥ वेउडुरदुद्धरतुरयखंधपज्जुत्तसंदणणिहायं । हिययपडित्थिरवरजोहपहरणावरणकलियं पि ॥ ४८६॥ विसमुद्धाइयसण्णद्धदुद्धरारोहकयहणकारं । रणदक्खपक्खरुक्खित्तखरखुरं तुरयथटं पि ॥ ४८७ ॥ दूरुल्लसंतवावल्ल-सेल्ल-कयखग्गखरखणकारं । समुहोत्थरन्तपसरंतपकपाइकचकं पि॥४८८॥ पतिदिणपयड्ढियण्णण्णवूहविण्णासविरयणपरं पि । ओहरियपहरणं दुसहमोत्थरन्तं पराणीयं ॥ ४८९ ।। भग्गम्मि विणिययबलम्मि हिययपसरन्तसाहससहाओ। एक्को चिय अहयं समरसमहणिकंपथिरचित्तो॥४९॥ णवणिसियमंडलग्गाहियायदेहाविउट(ह)भडदेहो । कोडिं लक्खं च सहस्समेकपुरिसं व मण्णंतो॥ ४९१ ॥ इय जुझंतों हं घडियगयघडद्दाममुहडचक्केण । परसेण्णेण समं समयमुक्कपहरणणिहारण ।। ४९२॥
अण्णं च समोवयंतो मइंदो व्व घुिघडामुं, पलयजलणो व्व संदणधुरासु, दुव्वाउ ब्व समोत्थरन्ततरलतुरयथट्टेखें, कुवियकयंतो व्व सुहडसंघाएमुं" ति । __एवं च णिययमणे चेव तस्स पसण्णचंदमहरिसिणो र्जुज्झन्तस्स वोलीणो तमुद्देसं सेणियणराहिवो। संपत्तो य समोसरणभूमि । दूराओ चिय विमुकजाण-छत्ताइरायचिंधो पयट्टो समोसरणं । तिपयाहिणं वंदिऊण जयगुरुं णिसण्णो गाइद्रप्पएसे । कहावसाणम्मि ये मुणिपसण्णचंदमुद्दिसिय पुच्छिउं पयत्तो जहा-भय ! एवं शाणोवगयस्स का गती मुणिपसण्णचंदस्स ? ति । भयवया भणियं-अहो सत्तमपुढवीए । पुणो वि कहंतरे पुच्छिएण भणियं भगवया-तिरिएसु । पुणो वि कहतरम्मि पुच्छिएण साहियं गुरुणा-मणुएसु । पुणो वि देवेसुं, जाव केवलं समुप्पणं ति ।
एत्यावसरम्मि य सविम्हयपयत्तपुलयपसरेण पणमिऊण सेणियराइणा भणियं-भयवं ! किमेइहमेवमंतरं ? किं वा मह चेय कुस्सुई संजाया? । भयवया भणियं-"ण तुमए कुस्सुयं, किंतु तुज्झ समागयस्स मग्गओ तुहसंतया चेयं दोणि पयाइणो तेणुद्देसेण समागया। ताणं च वयणवइयरुप्पण्णगरुयामरिसवसपयत्तसमरारंभस्स संकप्पणामेतविणिट्ठियसयलस्थस्स गरुयक्खेयपरामुसियसिरत्ताणस्स लग्गं करयलम्मि मुंडमुत्तिमंगं । तओ तप्कंसपञ्चागयसुमरणेण चिंतियं च-कस्थाहं ?, कैत्य वा मह सुओ?, कर्हि वा अचन्तावत्थविरुद्धं मह ववसियं ? । एवं च समुल्लसन्तजीववीरियमुहज्झवसाणो 'हा हा! दुटु मे चिंतियं' ति णिंदण-गरहणाइपयत्तधम्मज्झाणाणतरुप्पण्णमुकज्झाणारोहणुप्पाइयकेवलणाणो संवुत्तो । अओ एयस्स अज्झवसायावत्थाविसेसासु पुच्छिएण तुमए मए एवं संलत्तं ति । ता भो णराहिव! अज्झवसायविसेसमूलो खु जीवाणं सुहाऽमुहकम्माणुबंधो"। मुणिऊणं च भयवओ अंपियं णराहिवो :अन्तोवियम्भिउब्भडविम्हयप्पसरो वंदिऊण जयगुरुं पविठ्ठो पुरवरं ति।
इति वद्धमाणसामिचरिए पसण्णचंदस्स केवलणाणुप्पत्ती [१९]॥
अह पुरमइगयम्मि णराहिवे अभयकुमारो पणमिऊण सैमवणओ पुच्छिउमाढत्तो-भगवं! एसो हु मेहकुमारो सव्वजणणयण-मणहरणरूवो वि अच्चन्तसीलालंकारोववेओ केवलं हस्थिसिक्खावियारणिरओ हत्थिवावारपरायणो य हस्थि
१ पइदिणपट्टिय जे । २ उदभजे । ३तो मंतो घडि सू, तो इंतो घडि जे । ४ जुज्झमाणस्स जे । ५ य पसस । ६ बन्तरं सू । ७-८ चेव जे । ९ 'तविणिच्छिय सू। १. गरुवक्खेवपरासू । कहि सु। १२ साणावत्था जे। १३ समोणोजे।
For Private & Personal Use Only
Jain Education International
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |