Page Text
________________
५४ दद्यमाणखामचरिय।
३०७ माणो तेयजलणप्पहावं समल्लीणो जयगुरुं । जयगुरुचलणप्पहावपणट्ठोवसग्गपसरो य संबुद्धो पयत्तो चिंतिउं-हा! दुटु मे कयं जं भयवया सह समसीसिमारुहंतेण अचासायणा कया। एवं च पइदिणं र्णिदणाइयं कुणमाणो कालमासे कयपाणेपरिच्चाओ समुप्पण्णो अच्चुए देवलोए त्ति ।
गोसालसंयोहणं [१८]॥
भयवं पि अण्णया जहाविहारेण विहरमाणो संपत्तो रायगिहं पुरवरं । सुरकयसमोसरणाइपुव्वक्कमो णिसण्णो सीहासणे साहिउँ पयत्तो दयाइमूलं धम्मं । एत्थ पत्थावम्मि य सेणियणराहियो भगवंतं समोसरणसंठियं सोऊण विणिग्गओ वंदणत्थं जयगुरुणो । कह ?
अह चलइ चलियसामन्तपहयढक्काणिणायसंयलिओ । बरबंदिसद्दऽमंदुच्छलन्तबहुजयजयासहो ॥ ४८१ ।। दोघट्टपयट्टमरदृथट्टकयकंठगज्जियणिणाओ । गुरुदंसणसम्मद्दुच्छलन्तघणघडियघणसद्दो ॥ ४८२ ॥ तोरवियतरलतुरयुच्छलन्तखुरखयखमायलरओहो । संचल्लपक्कपाइक्कचक्ककयहलहलारावो ॥ ४८३ ।। इय धरियउद्धधवलायवत्तकयमउलिमंडलाहरणो । णीहरइ वारविलयाचलचमरपसामियरओहो ॥ ४८४ ॥
एवं च पत्थिएण सेणियणराहिवेण दिट्ठो एक्कचलणावटंभणिमियसयलंगहारो उद्धसमुक्खित्तोभयभुयार्जुवलो झाणवसणिमियणिच्चललोयणप्पसरो णिप्पयंपत्तणतुलियकुलमहिहरो पडिमासंठिओ रायरिसी पसण्णचंदो । दट्टणं च तं अंतोवियंभिउद्दामहरिसंवसपयदृन्तपुलयपडलो समोइण्णो जाणाओ सेणियणराहिवो । गओ जत्थ भयवं पसण्णचंदो। पणमिओ य सविणयपणामियकरयलंजलिसिरेण राइणा । वंदिऊण पत्थिओ जयगुरुसमोसरणहाणं । एवमण्णे वि महासामन्त-तलबग्गाइणो 'राइणा वंदिय' त्ति कलिऊण कयसविणयोवयारा वंदिऊणं पुणो पत्थिय त्ति ।
ताव य तत्थ संपत्ता तस्स चेय राइणो भिच्चा सुमुह-दुम्मुहाहिहाणा । तत्थेक्केणं भणियं-एसो मुणिपसण्णचंदपत्यिवमहरिसी, तओ एयस्स वंदणेण पक्खालियकलिमलं अत्ताणयं करेमो त्ति। बीएण संलत्तं-किं भे एयस्स वंदिज्जइ ?, अदव्यो खु एसो, कहं ? जेण पेच्छ कमागयं रजं अणहिगयणीइसत्थस्स अदिट्ठसमरारंभविब्भमस्स णिययतणयस्स बालयस्स संमोप्पिऊण पवण्णो पन्धज्ज, इमं च गहियदिक्खाविहाणं वियाणिऊण एयस्स गोत्तिएहिं आगंतूण सयलबलसामग्गिएहिं रुद्ध एयतणयस्स पुरवरं, पडिरुद्धो पुरजणवयाण णिग्गम-पवेसो, भग्गो पज्जोहारो, तओ सो [स]पुरजणवओ पक्खीणप्पायजवसिंधणो परं विसायमावण्णो, तं च तहाविहं दट्टण सो रायकुमारो किंकायव्यमूढमाणसो संजाओ त्ति, अओ भणामो 'किमेएणं वंदिएणं ?' । ति भणमाणा दो वि वौलीणा तयंतिएणं ।
तं च सोऊण मुणिपसण्णचंदमहरिसिणो विम्हरिओ अप्पा, पम्हुहो गुरुजणोवएसो, अइक्वन्तो विवेयावसरो, विमुमरिओ जइत्तणारंभो, पयड्ढिउं पयत्तो मणम्मि कोवाणलो । चिंतिउं पयत्तो-"ण केवलं सो कुमारो सारीरसामत्थयारहिओ पाएण मंतिमंडलप्पमुहपयइपम्मुक्को य, अण्णहा हमेको परं तत्थ ण साहीणो । अण्णं पुण तयवत्थं चेव तस्स समोप्पियं मए । अहवा सव्वं पि तं पहुपरिसेसियं ण किंचि त्ति । ता सो बालसरूवो कुमारो अदिवपरचकविन्भमो अणहिगयसमरारंभो। जइ पुण अहं तत्थ भवेज्ज ता सुसज्जियकव(वि)सीसगगमणिमग्गं अट्टालयावलग्गिज्जतधाणुकपरियम्मं परपुरिसालंघणिज्जं पुरं काऊण, अप्पणा वि एको घणगुडियधैडंतगयघडावीढणिवहो, अण्णओ सव्वावरण
१ णचाओ सू । २ वरबंदिविंदसदुच्छ जे । ३ 'गज्जिणिण्णाओ सू । ५ जुयलो जे। ५ सपर्यसू । ६ अत्ताणं करेमि जे। . समप्पि' जे । ८ सामागीहि सू । ९ वोलिया तस्सति जे । १० धारेक सू । ११ घणंत सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |