Page Text
________________
५४ वद्धमाणसामिचरियं । णवरि य एका वि अणेयजंतुजणियाववोहणसमत्या। वित्थरइ भारई भरियजलहरोरल्लिगंभीरा ॥ ४०५ ॥ तीए समायण्णणजणियगरुयपरिओसियाई वियसति । तरणिकिरणप्पहाए ब्व वयणकमलाई परिसाए ॥ ४०५ ॥ अण्णण्णवण्णमणहरणिबाणविणिचलिंदियप्पसरा । परिसा विहाइ तक्खणविणिच्चलालेक्खभित्ति व्व ॥ ४०७॥ एवंविहाए तिहुयणमणहरजणजणियहिययसोहाए । धम्म साहइ वाणीए जयगुरू सुहसरूवाए ॥ ४०८ ॥ अवि यजीवा-ऽजीवाइपयत्थपट्ठियं ठाइ सत्तहा तत्तं । जह पंचणाण चारित्तपंचेया सं(?द)सणमणंतं ॥ ४०९ पंचमहव्यय-समितीविसेससाहिप्पमाणपरमत्थं । तह बज्झ-ऽब्भंतरैसिटबारसं तत्ततिव्वतवं ॥४१०॥ सत्तरसाऽऽसवदारोवलक्खियं विविहभावणाकलियं । दसलक्खणोववेयं तिगुत्तिगुत्ताहिहाणजुयं ॥ ४११ ॥ दूसहपरीसहुग्गाविहाणपरिसिट्ठजइजणायारं । आयरिय-गिलाणाइसु कयवेयावञ्चपत्थाणं ॥ ४१२॥ परिवज्जियव्यतिव्वऽट-रोद्दकयधम्म-मुक्कझाणभरं । मेत्ती-पमोय-कारुण्णविहियमज्झत्यभावगं ॥ ४१३॥ जह णरय-तिरिय-गर-देवसंठिई संठिया जयम्मि भवे । जह मुह-दुहाई जायंति मज्झिमुत्तिम-जहण्णाई ॥ ४१४ ॥ धम्मकहातग्गयमाणमुम्मुही णिप्फुरठियावयवा । लेप्पमइय व टंकुक्खय व परिसा विहाइ दढं ॥ ४१५ ॥ इय सुर-गर-तिरियगणाण जणियणिययाणुहावसुइसोक्खं । धम्मं जहट्टियं जणियगुरुयसग्गा-ऽपवग्गफलं ॥४१६ ॥
एत्यंतरे बहुप्पयारं धम्म साहमाणस्स भयवओ सुरा-सुरसंपाइज्जमाणपूयाइसयं जणरवाओ समायण्णिऊण गोयमगोत्तसंभवो इंदभूई णाम दियवरो बहुदियवरज्झावओपंचसयसिस्सगणाहिडिओ इंदाइपरिसामज्झपरिसंठियं भयवंतं धम्ममाइक्खमाणं पेच्छिऊण 'एस माइंदजालिओ' ति कलिऊण समुप्पण्णतिव्वाहिणिवेसो 'अवणेमि से विउसवाय' ति भणमाणो समागओ समोसरणभूमिं । भयवया वि दण दूराओ चेव तमागच्छमाणं मुणिऊण तस्स हिययाभिप्पायं आहासिओ गोत्तकित्तणा-हिहाणेहिं जहा-“भो इंदभूइ ! सुन्वउ,
णाहमिहमिंदजालोवलक्खिो कोई तं कलेज्जासु । इंदेण भूतिजालं अहव कयं किं ण लक्खेसि ? ॥ ४१७ ॥
तो इंदभूइ सोउं णियगोचाहासणं जणसमक्खं । मुणियमणचितियत्यो विम्हयमसमं समावण्णो ॥४१८॥ जंपइ पुणो विभयवं तुह हियए संसओ समुप्पणो। 'जीवो किं अत्थि ? ण वऽस्थि ?'एत्थ तं सुणसु परमत्यं ॥ ४१९॥.
अत्यि णिरुत्तं जीवो, इमेहिं सो लक्खणेहिं मुणियव्यो। चित्तं-चेयण-सण्णा-विण्णाणादीहिं चिंधेहिं"॥ ४२०॥ तं सोउं जयगुरुणो वयणं परिभाविऊण मतिपुव्वं । वोच्छिण्णसंसओ जणियहिययपरिओसपडहत्यो॥ ४२१॥ इय विच्छड्डियणियजाइगरुयसंजायदप्पमाहप्पो । जयगुरुणो चलणब्भासदेसमुवसप्पिऊण दढं ॥ ४२२॥
महियलमिलंतभालचट्ठो य पणमिण सविणयं भणिउं पयत्तो जहा-भयवं ! अलियजाइत्तणाहिमाणावलेवदूसियं संसारायडणिवडणुप्पण्णभयपज्जाउलमत्ताणयं भयवयाणुग्गहिज्जमाणमिच्छामि, ता कुणह पसायं णियसीसत्तणोर्वसंपायणेणं मज्झं । ति भणिऊण पुणो वि णिवडिओ भयचओ चलणेसु । भयवया वि णाणाइसएण वियाणिऊण 'पढमगणहरो • एसो' ति जहाविहिं दिक्खिओ संजाओ पढमसीसो ति। तओ पञ्चज्जाविहाणाणंतरमेव वेसमणाहिहाणमुरवरेण समोप्पियं पञ्चज्जापरिपालगोवओग्गं धम्मोवगरणं । तं च परिचत्तसयलसंगेणावि अब्भुवगंतूण पुवाऽवराविरोहकारणं परिम्गहिय, चिंतियं च
णिरवजसंजमावजणम्मि उवउज्जए जमिह जइणो । धम्मुवगरणं धम्मुज्जएण सज्जो गहेयव्वं ॥ ४२३॥ अण्णह छउमत्थमतीहि कह मुणिज्जइ जयम्मि पाणिदया । काउं अविइयछज्जीवकायजॅयणेहि अणवज्जा ?॥४२४॥
१ पंचहा संसू । २ 'रदिट्ठ जे । ३ तरम्मि जे । १ मायंद सू। ५ तस्साभि सू।६ को वि जे । ७ एत्य-संसुसू। ८ वयाणेणं जे । ९ समप्पिय जे । १. जइणेहि जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |