Page Text
________________
चउप्पन्नमहापुरिखचरियं । तो समासीणो मणिमयासणम्मि । भणिओ पडिहारो जहा-मेलवेमु घंटारवप्पओएण सयलं पि सुरा-मुरगणं । तब्बयणाणंतरं च समाइया णेण घंटा।
णवरि य मुरकरतालणणिभरपसरन्तभरियदिसिविवरो । हरिमंद(दि )रम्मि पसरइ रणंतघंटाटणकारो ॥ ३८९ ॥ अह तस्स रवायण्णणपयत्तपरिओसपसरिउच्छाहो। संगलइ जाण-परियणसमण्णिओ सयलसुरसत्थो ॥३९०॥ संगलइ णियंबत्थलमिलन्तमणिमेहलाकलाविल्लो। गइवेउत्थल्लियहारमंडलो तियसतरुणियणो॥३९१॥ इय सव्वायरविरइयणियविहवसरिच्छविविहणेवच्छो। सुरसत्थो सहसञ्चिय पचो सुरपस्थिवत्थाणं ॥३९२॥
आगयम्मि सुरसमूहे तक्खणविणिम्मियकलहोयसेलप्पमाणतणुविहायम्मि पडि(रि)वियडकुंभस्थलालीणबहलसिंदूररायम्मि अणवरयपयलंतदाणसलिलपव्वालियकवोलमूलम्मि कण्णमूलावलग्गअल्लन्तचारुचमरचूलम्मि थिर-थोर-दीहरव्व(द)न्तकोडलियसोडदंडम्मि समारूढो सुरकरिम्मि सुराहियो । सुरकिंकरकरप्फालियविविहाउज्जवज्जिरुच्छलन्तपडिरवो य गंतुं पयट्टो । पयर्ट च सयलं सुरवलं, कह ?
मुरकरपहराहण - तवज्जन्तवज्जाउलं, वयणपवणपूरियाऽसंखसंखोरुकोलाहलं । गयणगमणदच्छविज्जाहरुग्गीयसोहायरं, पसरियपरिदच्छगंधव-सिद्धंगणासायरं ।। ३९३॥ पवणपसरपेल्लणुव्वेल्लचिंधावलीसोहयं, सुरकरिकयकंठगज्जारखुत्तासियाऽऽसोहयं । तरलतुरयवेयपम्मुक्कवित्थारियावाहणं, पसरियगुरुसीहणायं पयर्ट मुराण(णं) बलं ।। ३९४ ॥ ति ।
एवं चजहाविहववित्थरुप्पाइयाणेयणेवच्छवेससुरगणसमण्णिओ सुराहिवो समागंतूण जहक्कम भयवओ णिवत्ते(न्ने)ऊण गाणमहिमं सुरगणे भणिउं पयत्तो जहा-भो ! सज्जीकरेह समोसरणभूमि । तओ मुराहिवाणत्तिसमणंतरमेव विरइउं पयत्ता सुरा, कहं ?
णवरि य सव्वत्तो चिय जोयणपरिमंडलं धरावीढं । संठाइ समत्तणविमलसुंदरदायसारिच्छं ।। ३९५ ॥ वित्थरइ सुरहिपरिमलमासलमिलियालिमुहलियदियंतो। परिमंदं दूरोहयसुरतरुगुणगारवो पवणो ॥३९६॥
ओवडइ दलउडंतरविणेन्तमयरंद[२]जियदियंतो । पंचप्पयारसुरतरुपस्यपयरो णहाहिन्तो ।। ३९७ ।। णिम्मलयरदहभित्तित्थलुच्छलंतुद्धकंतिवित्थारो । अहिहरइ पररवी(खी)रोयहि व्च कलहोयपायारो ॥ ३९८ ॥ अच्चंतपिंजरुज्जलपज्जुत्तामलपहापरिक्खेवो । णिव्वडइ विज्जुपुंजो व्व कणयपायारपरिवेढो ॥ ३९९ ॥ अण्णण्णवण्णमणहरमयूहमासलमिलंतकंतिल्लो । मणिपायारो संठाइ रुइरसुरचावसारिच्छो ॥ ४००॥ उम्मिल्लइ सरसुम्मिल्लपल्लवुव्वेल्लमाणराहिल्लो । कंकेल्लिपायवो सुहपस्यगोत्थुच्छलन्तसिहो ।। ४०१ ॥ ठंति णहंगणमग्गम्मि विमलससिदप्पणावहासाइं। छत्ततियाई संछण्णतरणिकरणियरपसराइं ॥ ४०२ ॥ चाउद्दिसि वियंभंतसीहमुहकंदराहिरामाई । सीहासणाई संठंति विविहमणिबद्धपेढाई ॥ ४०३ ॥ इय चउगोउरदारोवलक्खियं तक्खणं समोसरणं । विरइज्जइ सुरसत्येहिं हरिमुहाणत्तितुटेहिं ॥ ४०४ ॥
एवं च सयलाइसयसण्णिहाणजणियजणमणाइसओ पवरपंकयपरिवाडिणिहिप्पन्तपयणिक्खेवो सुरपत्थिवससंभमणिवारिज्जमाणसुरसम्मदो किण्णरगणसमुग्गीयथुइमंगलहलहलारावो सुर-णरजणभत्तिणिभरकउच्छलन्तजयजयासमुहलो समल्लीणो जयगुरू पुन्बदुवारदेसेण समोसरणभूमि गओ। सिद्धिबहूविवाहवेइयाभवणस्स व कयत्थो वि काऊण पयाहिणं सबस्स वि समुहत्तणोवलक्खिओ छ णिसण्णो चउसु वि सीहासणेसु । णिसण्णस्स य समुग्गयं णिययदेहप्पहापरिक्खेवसुंदरं भामंडलवियाणं । समुट्ठिओ सदक्खजक्खपाणिपक्खित्तो चटुलचामरसमीरो । एत्थावसरम्मि य णमो तित्थस्स' ति भणिऊण सयलजंतुसंताणसाहारणाए वाणीए पत्थुया धम्मदेसण ति।
दृश्यता २९७ गाथादिस्थितहस्तचिहोपरिवर्तिनी टिप्पणी।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |