Page Text
________________
चप्पन्न महापुरिखचरियं ।
उययायलन्तरद्वियतरणिफुरंतुद्धपउरकरणियरो | णहमंडलस्स णूमइ विवरसमूहं व गहयकं ।। २१९ ।।
ता सिंदुरियमणिदप्पणे व्त्र दिट्ठो तिलोयलच्छीए । अप्पाणो समुहपरिद्वियम्मि सहसा दिणयरम्मि ॥ २२० ॥ इय रवियरपरिमज्जियसयलदियम्बरधरायलद्धन्ते । जाए विसट्टतामरसपरिमलिल्लम्मि जियलोए ॥ २२१ ॥ तओ एवं च तरणिकिरणपरिमासवोसट्टसर रुहामोय संजणियहरिसकलहंसकलयलारावमणहरे पच्चूससमयम्मि अमरमायासंजणियपच्चस संकाविष्णोवओओ भयवं वद्धमाणसामी ओहिण्णाणेण वियाणियगोससमओ णिव्वाहियगरुयाभिग्गहणिव्वडियपडिमाविसेसो पयट्टो पोलासजिण (? पण ) हराओ । तिव्वाहिणिवेसवित्थरंतामरिसेणं व अमराहमेणासंधिज्ज माणमग्गाणुमग्गो पत्तो ए (व) यगामाहिहाणं सण्णिवेसं । अलद्धपसरेणं च पउत्तोहिणा मुणिऊण भयवओ पित्तणं समावज्जियपाव पडलुब्बहणपवड्ढमाणपरिस्समो णिविष्णो उवसग्गकरणाओ । णिष्फलपइण्णं च जूरिऊण अत्ताणयं पडिभग्गमच्छर प्पसरो चिंतियमेत्तविमागरयणं समारूढो । पडिहयदिव्त्राणुहावं च तं पलोइयं । केरिसं च ?अमरविलासिणिजणिओवयारपव्त्रायविविहमणिकुसुमं । धूमसिहाकलुसालंबमाणमोत्ताहलोऊलं ॥ २२२ ॥ जलवाविकमलमउलायमाणभसलउलवलय रुइरं व । पडिबद्धधूमघणवडलमलिणमणिमंगलपदीवं ॥ २२३ ॥ घरदीहियमउलायन्तकणयकमलायरोय रुद्धतं । उव्वचचित्तभित्तित्थलुच्छलं तारुणच्छायं ॥ २२४ ॥ इय तं वियलियदिव्वाणुहावसोहं पि पेच्छिउं तियसो । उप्पइओ पसउप्पइयपावपुंजो व्व पच्चक्खो ॥ २२५ ॥ गंतुं च पयतो वेयवससमोसारियगहगणो णहंगणम्मि । भग्गपइण्णोऽणुसयविच्छायमुहमंडलो य संपत्ती तियसायं । पयट्टो सुराहित्थाणिमंडवाभिमुहं गंतुं । पलोइओ समुहमहंतो रोसारुणिज्जंतणयणुल्लसन्तरायरंजियसहामंडवेण आहित्थपलोइयामरणियरमज्झट्ठिएण सुराहिवेण । कह ? -
२८८
अचयंतेण पुलइउं बहुपात्रसमूहसंठियाऽऽवसहिं । अणमिसउव्वाया णिमिसियाई हरिणा णियच्छीणि ॥ २२६ ॥ सहसा वियम्भिउभडघडन्त भूभंगभिउडिभालयलो । जाओ सुराहिवो पलयजलियजलगो व्व दुप्पेच्छो ॥२२७॥ तर तक्खण मेट्ठन्तजलणजालासमुज्जलं वज्जं । अमरिसवस्ससंतोरुद लियकडयं करम्मि ठियं ॥ २२८ ॥ वरि य गरुयक्खेवुल्लसन्तरयणासणाहिचलिएण । उप्पयणमपुचलणदलियमणिपायवीढेण ॥ २२९ ॥ मुणिऊण 'सायरोवमसेसाउठिह' ति णिययचित्तेण । विणियत्तामरणिहणणत्रिमणद्वियवज्जदेवेण ॥ २३० ॥ तह तियसपत्थवेणं समाहयं गुरुणिबद्धरोसेणं । संगमयविमाणं णिययवामचलणप्पहारेणं ॥ २३१ ॥ जह पडियं पडणाहित्थतियससुंदरिसिलिट्ठमणिखंमं । णिद्दलियविमलमणिवेइयाउलं सासयथिरं पि ॥ २३२ ॥ तओ
वियलियदढपीढसंठाणभज्जंतखंभुब्भडालग्ग देवंगवित्थारि
उल्लोयहल्लन्तमुत्ताहलोऊलपज्जन्तमाणिक्कगोच्छुच्छलन्तालिमालाउलं, विउडियर यणग्गलादंडचंडोरुसंसदफुट्टंतभिष्णिंदणीलत्थलालग्ग
Jain Education International
दारुद्धसाहाविसट्टन्तछिप्पन्त सेज्जाअणाउज्जभज्जंतणिज्जूहयं । गुरुयरमणिभित्तिपब्भारसंभेडभिज्जंतविक्खित्तसोवाणपंती
समायड्ढियालिंदयाबद्धघंटाटणक्कारयं किंकिणीमालसुव्वन्तचंकारयं,
विहडियमणिमेहलाबद्धसंबद्धसच्छंऽमुट्ठ (? घ) तपल्लत्थदीसन्त
थोरत्थणावेढपाणिप्पहाराउरक्कंदभीयच्छरादीसमाणं विमाणं धुयं ॥ २३३ ॥ वि ।
पडियं च पडणवेयाणिलुच्छलंतुद्धचिंधधयमालं । घुयकणयरेणुकविले जलणे व्व सुमेरुसिहरम्मि ॥ २३४ ॥ दारट्टिएहिं वियलन्तसलिलभरवारयप्पुयमुहेहिं । मंगलकलसेहिं अहोमुहेहिं सोइज्जमाणं व ॥ २३५ ॥
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |