Page Text
________________
५४ बद्धमाणवामिचरियं ।
रुइरं व कणयकिंकिणिकलावसं सद्दभरियणहविवरं । णियठाणन्संसुप्पण्णदुसहगुरुदुक्खसंदोहं ॥ २३६ ॥ इय तियसभवे च्चिय तस्स एरिसं माणमलणमइदुसहं । जायं जयगुरुणो जणियदुसह गरुओवसग्गफलं ॥ २३७ ॥
इति महापुरिसचरिए बद्धमाणसामिणो संगमयामरजणिओवसग्गाहियारो समत्तो [१०] ॥
२८९
भयवया वि तप्पएसाओ पत्थिष्ण णिच्छि (स्थि)ष्ण संगमयामरमहोवसग्गेण एवंविहो अभिग्गहो पडिवष्णो जहाजति परं णियलाबद्धचलणजुवला अवणियउत्तिमंगसिरोरुहा मण्णुभराबद्धगग्यं रुयमाणा रायकण्णया वि होइऊण पेसतणमुवगया घरब्भन्तरणिहित्तेक्कचलणा बीयचलणकन्तबहिघरदुवारा सुप्पेक्ककोणेण कुम्मासे पणामेइ ता परं पारेमि ति । एवं च जणेण अणोवलक्खिज्जमाणाभिग्गहविसेसो गामाणुगामं विहरमाणो संपत्तो उत्तुंग गोउरुस्सेहचुंबियंबरं कोलंबिणयति । तर्हि च पविस जहुत्तवेलाए चरियाणिमित्तं जाहे दिज्जमाणं अणेयप्पयारं पयप्पियं ण पडिच्छर जयगुरू ता अच्चन्ताउलीकयमाणसो चिंतिउं पयत्तो [लोओ] | कहं ? -
एस अपुण्णो सव्वो वि जणवओ जेण जयगुरू पेच्छ । णाणुग्गहेइ ववएसवि[[वि]हदिष्ण[ऽष्ण]-पाणेहिं ॥ २३८ ॥ जस्स जइणो ण गेहंति कह वि जंते (जत्ते)ण जोइयं दाणं । सो किं गिही ?, मुद्दा होइ तस्स घरवासवासंगो ॥ २३९ ॥
ह ह य ण गेह बहुप्पियारं पणामियं पुरओ । तह तह किलम्मइ जणो जयगुरु चिंतालसविओलो ॥ २४०॥ इयर्णिदियणियविहवोवहोयसंपत्तिविहलजियलोओ । अकयत्थं पित्र मण्णइ सयलं धण-परियणसमिद्धिं ॥ २४९ ॥
एवं च कहंचि असंपज्जज्झा (मा)णभोयणविही वि अमिलायन्तलायण्णदेहच्छवी अण्णेसमाणो जहासमीहियं पिण्डमुद्धिं संठिओ तीए चेव पुरवती (री) ए कइवयवासरे ।
इओ य तेण राइणा सयाणिएण पुर्वि वेरकारणा चंपाहिवई दहिवाहणो णाम राया अवक्खंद दाऊण विणिवा - ओसि । लूडाविया पुरी, भणियं च-जो जं अण्णिसंतो पावइ तं तस्स च्चेय । तओ एक्केण कुलउत्तएण दहिवाहणस्स पणइणी धारिणी णाम वसुमईणामा य दुहिया समष्णिया पलायमाणा उवलद्धा, गहिया य । पयट्टो सह साहणं वित्तं । अद्धवहे चैव गच्छमाणस्स सोयाइरेएण विवण्णा धारिणी । सा य बालिया वसुमती कोलंबि आऊण विकीया धणसेद्विणो हत्थे । तेणावि ' मह एसा धूय ' त्ति भणिऊण समप्पिया पियभज्जाए मूलाहिहाणाए । गच्छति दिया । गच्छंतेसु दिणेसु वियम्भिओ वसुमईए जोव्वणारम्भो, समुम्मिल्लो लायण्णपयरिसो । चंदणसारिच्छ - सिसिरचंदसहावत्तणओ य तीए चंदणा चेव णामं कयं ।
अण्णया य सो धणसेट्ठी गिम्हायवकिलिन्तगत्तो आगओ णिययमंदिरं । आगएणं च अपेच्छमाणेण णियघरिणी भणिया चंदा जहा - पुत्त ! मह चलणे पक्खाल ति । तीए वि सविणयं दाऊणासणं चलणसोयं काउमादत्तं । तओ णीसहत्तणओ कुमार भावस्स, वियलत्तणओ अवयवाणं सिढिलीहोऊण णिवडिओ कोन्तलकलावो । दरणिवडिओ घरिओ घणसेट्ठिा लीलालट्ठीए । एत्थावसरम्मि घरंतरपरिसंठियाए दिट्ठो मूलाए लीलालट्ठीए विहारिज्जमाणो केसपासी । तं च पलोएऊण थी सहावत्तणओ सुलहयाए ईसाधम्मस्स, अमुद्धसहावयाए चित्तस्स, रूव-लायण्णुक्कु (क) डयाए वसुमईए, चलिओ हिययभावो सेट्टिणीए । चिंतिउं पयत्ता, कई ? -
For Private Personal Use Only
Jain Education national
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |