Page Text
________________
२८२
चउप्पनमहापुरिसचरियं । कत्थइ पूइज्जन्तो सयलमुरा-ऽसुर-णरेहिं सविसेसं । णिदिजंतो कत्थइ पडणियधणजगवओशेण ॥ १०९॥ कत्थइ णिद्दयगुरुओवसग्गवग्गेण खवियसव्वंगो। कत्थइ अणुकूलमुरा-ऽसुरेहिं संजणियपक्सेचो ॥ ११० ॥ अणभिण्यासरूवे सयलजंतुणो अत्तणो गियच्छन्तो । भेयं [ण] गच्छं(च्छ)ति थुइप्पयाण-णिदाइभेएहि ॥ १११ ।। इय सुचरियविविहतवोविसेसपरियड्ढमाणमुहलेसो । विहरइ भयवं णिहलियगस्यविविहोवसग्गभओ ॥ ११२ ॥
एवं च वद्धमाणसामिणो अणेयतवोविहाणणिरयस्स ण पक्खुहइ मणो पहमसमुभिण्यासहयारमंजरीजालपरिमलालग्गभमिरभमरउलझंकारपसरेण मणहरदुमसंडमंडलल्लीणकणिरकोइलालाचमुहलियदियंतरेण मणहरतरुणजणजणियरुइरणेवच्छभिजन्तचच्चरीवण्णउद्दीवियमयरकेउणा महुसमएण, [ण] य तिव्वतरणिकरणियरपसरसंतावतवियभुवणंतरालेण परितवियधरायलुहन्तमारुयपणोलिउल्लसंतखरफरुससकरुक्केरदूसहेण णिव्यरविरसमाणझिल्लियाझंकारझं पियासेससदेण णिदाहसमएण, ण य घणघडतघणमंडलीगहिरगज्जिउप्पिस्थपंथियसमूहेण तरलतडिदंडताडणाहित्थपउत्थजायापणियतणुणा अणवरयणिव्वरासारथोरधाराणिवाउप्पहपयट्टपयभरेण पाउसउउणा, ण य सरसवोसट्टपंकयपरायधूसरियसधराधरणहन्तरालेण कलमगोचियाकलरवुग्गीवा(या)यण्णणुघु(ग्घु)ण्णइयसंठियपंथिओहेण गयदाणसच्छहुच्छलियसत्तच्छयामोयमिलियफुल्लंधुयाबद्धकोलाहलेण सरयकालेण, ण य पामरजणारद्धव(घ)ण्णमलणमणहरारोलियगामसण्णिवेसेण वियसंतपियंगुलयाजडिलमंजरीपुंजपिंजरिज्जतकाणणेण सिप्पीरपडलपाउरणपहियपासुस्तपरियत्तमाणसुन्चन्तखरहरासदेण हेमन्तागमणेण, ण य तुहिणघणकणुक्केरसंवलियवियरन्तदूसहतुसाराणिलेण गामेसजणियधम्मग्गिपासपरिमुत्तपावासुयघोरन्तघुरुघुरारामगहिरेण मुपरिप्फुडविसट्टकंदोट्टहासहसिरपउरारामणियरेण सिसिरसमएणं ति । __एवं च बहूणि तवचरणाणि मन्भसन्तो संपत्तो ढभूमिबाहिपरिसंठियं चिरयालपम्मुकसयोउअपायवसिरि पेढालं णाम जिण्योववणं ति । तओ तस्स जिण्णोववणस्स जिणाणुहावओ साहा वियंभिउं पयत्ता । कह.१
परिगलियपत्तसंचयपउत्थसोहा वि तक्खणं चेव । अणुरायं पायडइ व्व सरसकिसलयदलोहेण ।। ११३॥ . होन्ति परिजुण्णवावीसु कमलिणीसंडमंडियजलाई । अणलक्खियघणसेवालविसय[विय]सन्तकमलाई ।।११४॥ अल्लियइ देसणे च्चिय रहियामोयं पि पढमपडिभिण्णं । महुपाणलालसं कमलमंडल(संड)महियं भमरवलयं ॥११५॥ जयपाहदसणे वणसिरीए दरदिट्ठमउलदसणग्गं । हसियं व हरिसपसराए भमरपरिलेंतमहुरसरं ॥११६॥ विहसइ मुहं व णलिणीए तक्खणुव्वेल्लदलउडं कमलं । जयगुरुदंसणपसरियवियासवड्ढन्ततोसिल्लं ।। ११७॥ सज्जीकयाइं विम्हयगयाए सहसागयम्मि जिणयंदे । उववणलच्छीए लयाहराई सुइरं विमुक्काई ॥११८॥ अहियं वहन्ति उद्दामभत्तिजणियं समोणमंतीओ । कलियुम्भेयं पुलउग्गमं व तणुपायवलयाओ ॥ ११९॥ इय ते तक्खणपसरियपाउससोहं सुपाउसेणं व । जायं जिण्णोववणं जिणचलणगुणाणुहावेणा ।। १२० ॥
तो तम्मि जिणचलणपडिसग्गणुप्पण्ण-पवड्ढमाणसोहासमुदए उववणम्मि अवरदिसामुहोणमंतवरणिमंडले यासरावसाणसमयम्मि पविरलहरियंकुरपरिणए धरायलद्धन्ते काउस्सग्गम्मि ठिओ एगराइयं महापडिमं । कहं ति?
सहसा सबिंदियदुभावपडि]रुद्धदिद्विविच्छोहो । णीसासपसरसरोहमणियणिक्कंपसव्वंगो ।। १२१ ॥ परिसंठियझाणेकग्गचित्तमुज्झन्तहिययमुहलेसो । सुर-गर-तिरिओरयदूसहोवसग्गाणऽदिण्णमणो॥ १२२ ।। सव्वजणिच्छासंजणियमुहफलो लम्बमाणभुयसाहो । सुरपायवो व सोहइ मुरपायवपायपामूलो ॥१२३॥ इय गरुयाभिग्गहवसविसेसवड्ढन्तधम्मसुहझाणो । पडिमाए संठिी बहुभवुत्थदुक्खक्खयणिमित्तं ॥ १२४ ॥
ताव य परिणामवसोवहीयमाणपयावपसरो परवइ ब अत्यन्तरमुबगो सहस्सकिरणो, अवरदिसामुहसरवरे व्व तर णिकरपरिग्गहिया कमलिणि ब पंडिबुद्धा संझा, दुजणकसणवयणविन्भमो मित्तो(? त्ता)वगमम्मि लद्धावयासो पसरिओ
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |