Page Text
________________
५४ वद्धमाणसामिचरियं ।
२८१ गोसालस्स भोयणं । तओ सो भुत्तुत्तरसमयम्मि ईसि विहसिऊण भयवओ पुरओ सोप्पासं भणिउं पयत्तो-अहो ! मिट्ट मंसभोयण ति । सिद्धत्थेण भणियं-अवितहमेयं, जइ पुण ण सद्दहासि ता उच्चमसु ति । तहेवाणुट्ठियं, दिटुं च तं तारिसं ति । तओ कुविओ तीए उवरि, गओ य तयहुत्तं । एत्थावसरम्मि य सिद्धत्येण परियत्तेऊण अण्णओमुहं कयं तीए मंदिरं । अलहमाणेण य तं महिलं णिययतेयं पक्खिविऊण गामद्धं चेव दीवियं । एवं च भयवओ तिव्वतवोविहाणमभुजयस्स बच्चन्ति वासरा । कहं चिय ?---
तिव्वयरजरढरविकिरणपस[प]सरियपयावपउरम्मि । गिम्हम्मि दिणद्धे संठियस्स आयावणीसग्गं ॥ ९७ ।। अणवरयगज्जिरुब्भडघडन्तघणरवघणोहसमयम्मि । गिरिविवरकंदरन्तरगयस्स सज्झाणणिरयस्स ।। ९८॥ सिसिरम्मि तुहिणकणसबलमारुयुद्दामभरियभुवणम्मि । णेइ णिसं लम्बभुओ काउस्सग्गेण जयणाहो ॥ ९९ ॥ इय णाणाविहपडिमाविसेसपरिहीयमाणकम्मंसो। विहरइ भयवं भूमंडलम्मि भन्वाण कयताणो ॥ १०॥
अण्णया य सिसिरसमयम्मि माहमासरयणीए ठिओ सव्वराइयं पडिमं । पुदि तावसीतवोविहाणेण मरिऊण एका [भगवओ तिविठुभवअंतेउरी] वंतरेसु समुप्पण्णा । भयवन्तं पडिमसंठियं दद्रुण पयत्ता तुहिणाणिलालिद्धेण जलबिंदुवासेण अभिद्दविउं । तओ भयवं णिप्पयंपत्तणओ चित्तस्स, थिरत्तणओ सत्तस्स सोढुं पयत्तो सीओवसग्गं । कहं ?ते तुहिणघणकणुक्केरगब्भिणो वारिबिंदुणो लग्गा । विसहिज्जन्ति सरीरम्मि सीयला सीयपवणेण ॥ १०१॥
पयतीए च्चिय सीयलसरूविणो तुहिणपवल(ण)संवलिया।
सिसिरजलबिंदुणो किं पुणो [य] वन्तरी(रि)परिग्गहिया ॥१०२ ।। वन्तरिसहत्थणिद्धृयचक्कलुग्गारवेयपरिखित्ता । अन्तो जयगुरुतणुणो विसंति बाण व्व णिसियग्गा ॥ १०३॥ इय एवं जयगुरुणो दूसहसिसिरोवसग्गसहिरस्स । आरूढं सविसेसं झाणं कम्मोहणिद्दलणं ॥ १०४॥
तओ सा पूयणा पूयपावं णिप्पयंपं भयवंतं वियाणिऊण रयणीविरामम्मि जहागयं पडिगया। दिणयरकिरणपरिमासपरिसुद्धे धरायलम्मि पयट्ठो भुवणगुरू, संपत्तो सूरसेणजणवयन्तियं । गोसालेणावि तहेव तवोविहाणुज्जएण भयवया सह गच्छमाणेण पलोइओ फुडियग्गजडाजूडमंडलो जूयाणियरपउरुत्तिमंगो जरकप्पडवसणपरिग्गहो विढो णाम बालतवस्सी। दणं च तं तारिसं गोसालेण हसिओ जहा-किमभिहाणं तुम्हाणं लिंगं ?, किमायारं वा ?। एवमाइणा ताव खलीकओ जाव रुसियस्स तस्स तेयमसहमाणो समागओ जयगुरुपायमूलम्मि । भयवओ पहावेणं च णिरत्यीकओ तस्स तेओ। तं च रक्खियं पेच्छिऊण भणिउं पयत्तो विढो-रक्खिओ एसो तुम्हेहिं । ति भणिऊण गओ।
एवं च तस्स गोवा(सा)लस्साणेयदुचरियपरायणस्स वि जयगुरू मज्झत्थभावो । गोसालो वि जयगुरुणो अइसयविसेसे दट्टण समागयपच्छायावो गिदिऊण अत्तणो णियडिसहावं भयवओ चलणजुवलन्तियाओ जहासमीहियं पत्थिओ। वहिं च गंतूण परूवियं सत्यं
पायसथालिविणासो, तिलथम्भो, मंसभोयणादीयं । जह सिहं सिद्धत्थेण तं तह च्वेय संजायं ॥१०५॥ इय भन्ती-समइवियप्पणाए परियप्पिउं तओ रइयं । णियइपरियप्पणाए ‘णियतीवाओ' त्ति सिद्धिगयं ॥१०६॥ आजीवीणं आजीवकारणे कयणिमित्तमञ्चत्थं । तं चियणियतीवादीण दिटिमुप्पायणं जायं ॥१०७॥ इय विणियत्ते गोसालयम्मि कयणियइबायदिहिम्मि । भयवं पि वद्धमाणो हिंडइ लोयं समियपावो ॥१०८॥
भयवओ वद्धमाण[सामिणो] चरिए गोसालाणुगमो णाम [९]॥
भयवं पि सुसमाहियमणो णिरूवयन्तो चरा-ऽचरजंतुचरियं संचरित्रं पयत्तो भावयतो विचित्तभावणाओ हिययम्मि । समसत्तु-मित्तभावत्तणओ य संजणिओ णिययचित्तस्स अण्णहाभावो । कह ?
18 एतद्धस्तचिह्नादारभ्य २९३ गाथानन्तरवर्तिगद्यविभागस्थितहस्तचिह(क)पर्यन्तः पाठसन्दर्भो जेपुस्तके नास्ति । Jain Education Intentional
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |