Page Text
________________
५४ वद्धमाणसामिचरियं ।
२८३ बहलतमसंघाओ, उइयं च पु(घु)सिणारुणयणमंडलं पिव पुन्वदिसावहूए ससिषिम्बं, दरहिएणावि दायरमुप्पुसिओ पहापयरिसेण तिमिरणियरो ससिणा, वोसट्टदलउडन्तरल्लीणभसलवलयाई जायाई सरोवरेसु कुमुयसंडाई । एवं च भसलवलयचलचलणपक्खाविक्खित्तचंदुज्जुयपरायपरिधूसरससि(स)हरपवड्ढमाणसोहाए सव्वरीए एक्काया णियसुरभडत्याइयामंडवडिओ सोहम्माहिबई दूरंतरालववहियं पि सइसमासण्णं मणसा समुन्वहंतो जयगुरुं पयत्तो चिंतिउं-कहिं पुण संपयं पएसे णियपयपंकयपरिमासपूयपावं धरायलं कुणंतो वधमाणसामी विहरइ ? त्ति । एवं च चिंतिऊण पउत्तमोहिण्णाणं । दिट्ठो य णयरबाहिरोववणविवित्तभूमिमायम्मि पडिमापरिसंठिओ जयणाहो । केरिसं च तिहुयणगुरुं पडिमापरिसंठियं नियच्छिउं पयत्चो सुरवई?
णिकपतणुपयड्ढियविमलच्छाओवसोंहियधरन्तं । मुरगिरिवरं. व तियसाऽसुरेहि. सेविजमाणपयं ॥ १२५॥ णिदहमाणं झाणाणलेण बहुभवियकम्मसंदोहं । संखवियजलहिणिवहं फुरन्तवडवाणलोहं [व] ॥ १२६॥ । बालायवच्छविहरं आसण्णभविस्सकेवलपहोयं(घ)। उव(य)यन्तरियफुरंतुद्धकिरणवरं व णहमन्गं ।। १२७॥ इय पेच्छइ दिण्णमणो ओहिविहाणेण सयलजयणाहं । सुरणाहो तिहुयणभवणतेयरासि व दिप्पन्तं ॥१२८॥
पेच्छिऊणं च भयवंतं सहसा दूरयरपरिच्छूढसीहासणो उभयकरकयंजलीमिल[न्त]भालवट्ठो धरणियलमिलियजाणुमंडलजुयलो रंखोलन्ततारहारं वसुहायलम्मि णिस्सम्मिऊण मउलिमंडलं पणमिउं सुरणाहो थोउं पयत्तो। कह ?जय जय जिण ! जु(? दु)जयजेयपक्वविक्खोहवड्ढियपयाव !। भवजलहिणिचुड्डन्ताण तं सि सरणं असरणाण ॥१२९॥
जे तुम्ह दंसणे दलियतिमिरपसरम्मि भाणुबिम्बे ब्व । णो पडिबुद्धा ण कयाइ होज ताणं पुण विबोहो॥१३०॥ संसारसायरे ता भमन्ति जीवा अणोरपारम्मि । तुम्ह गयणावलोयम्मि जाव जायन्ति ण य पुरओ ॥१३१॥ विसयापासणिबद्धाण रायवाहोवहम्ममाणाणं । जीवाण कुरंगाणं व णवर मोक्खो तुमाहितो॥ १३२ ॥ तुम्ह वयणामयरसं ण य जे सवणंजलीहिं घोट्टन्ति । ते विसयपिवासायाससोसिया णासिहिति फुडं ॥१३३॥ अण्णाणतिमिरणिद्दलण ! विमलकेवलकउज्जलालोयं । मज्झ कुमुयायरस्स व कुणसु विबोई जणाणंद ! ।।१३४ ॥ णिज्जियरायस्स वि खवियविग्गहुम्भडपयावपसरिल्लं । तुह सासणं पयट्टउ कयकेवलविक्कमग्यवियं ॥१३५॥ इय महियलसंचारिमकमलोयरसंचरन्तमुहयाण । तुम्ह चलणाण णमिमो पुणो पुणो वीर जिणयंद ! ॥ १३६॥ ति।
एवं च सुरिंद-चंद-गह-इंदाई(१ इ)[पूइयं] वंदिऊण जिणयंदं विविहमणिविचित्तम्मि सीहासणे पहरिसुप्फुल्ललोयणसहस्सपलोइयसमासीणमुरभडसमूहो य मुरवई भणिउं पयत्तो-भो सोहम्ममुरलोयणिवासिणो सुरभडा ! पेच्छह भुवणगुरुणों धीरयाइसयं जेण गरुयाभिग्गहविसेसपडिवण्णपडिमाविसेसं ससुरा-ऽसुर-जक्ख-रक्खस-भुयग-भूयसंघ(घा) वि मणयं पि शाणाओ चालिउंण समत्था । अवि य
अवि रेइयणिज्झरणियरसरियसोसुब्भडं पि पायालं । संठाविज्जइ उवरि भुययफणामणिकरारुणियं ॥१३७॥
अवि उच्छलि(? ल्लि)यजलणिहिवलयदलंतुद्धसेलसंभारं । णहमंडलं [--] अहो मुच्चन्तपडन्तगहयक्कं ॥१३८॥ चालिज्जइ [........] विमलकंदरुद्दलियसिहरसंघाओ । अवियं(ध)ससंभवु(? मुत्तत्थतियसमिहुणो सुरगिरी वि ॥१३९॥
ण य चालिज्जति अणुं पि तुलियतेलोकधीरमाहप्पा । झाणाओ जिणवरिंदा सुराऽसुरिंदेहि वि जयम्मि ॥१४०॥
तओ तं सुराहिवामुह]विणिग्गयं वीरजिणयंदधीरयामाहप्पगुणगणुवित्तणं णिसामेऊण परिकुविओ अमरिमुल्लसन्तसंजणियभिउडिभासुरो पुरंदरसमाणविहववित्थरो मिच्छत्ततमोहावरियविवेयपसरो संगमओ णाम मुरवरो, भणिउं च पयतो-सामि ! मुराहिवइ ! कीस एवं विविवाहिवेयणाकिलन्तजरजज्जरत्तणोवहासिरस्साकालमरणपरिभवुन्भडप्पण्णदुक्खबहुलस्स विच्छड्डियकमागयख़त्तियधम्मस्स विरुद्धधम्मायरणनिरयस्स पलहुसत्तस्स माणुसमेत्तस्स कए सह समारूढजोव्व
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |