Page Text
________________
५३ पाससामिचरिय।
व्व वित्थरइ सयलजणलोयणमाला। ___ एवं च कयाइ गयसिक्खाविणोएणं, कयाइ जच्चतुरंगवाहणीए, कयाइ जोयाण खेड्डेणं, कयाइ विविहकलाकोसल्लेणं, कयाइ सत्थत्थवियारेण कीलमाणस्स तस्स मुहसंपयाए व्व जोव्वणाहोओ, जोवणेणं व वम्महवियासो, बम्महेणं व सोहग्गाइसओ, सोहग्गाइसएण [व] रूवसमुदओ, रूवसमुदएणं व कलाकलावो, कलाकलावेणं पिव विवेओ, विएणं पिव कुसलहाणं भूसिज्जइ । सह भयवया भूसिओ सयलो वि जियलोओ ति ।
एत्थावसरम्मि य सयलगुणगणालंकियसविसेसीकयरूवसोहग्गाइसयस्स भयवओ पसेणइणा अञ्चन्तसोहग्गसालिणी पहावती णाम णिययधूया पणामिया । जा च केरिसा ?
सहइ सवणेक्कवासावसंतसियदंतपत्त्याहरणा । उइएंदुमंडलालोयमणहरा पुष्णिमणिसि व्व ॥ १८८ ॥ जच्चतवणिज्जपचत्ततणुकयज्जोयपिंजरावयवा । संचारिम व कलहोयघडियधीउल्लिया सहइ ॥ १८९॥ कसिणुज्जल-ललियच्छिच्छडप्पहावरियभूसणकलावा । सोहइ संझायवभिण्णफुडियणीलुप्पलालि व्व ॥ १९० ॥ पाउससिरि व्व पढमुण्णमन्तपीवरपओहराहरणा । वरपोंडरीयवोसट्टलोयणा सरयलच्छि व्व ॥ १९१ ॥ माहवसिरि व्च णिम्मियकोमलकंकेल्लिपल्लवुत्तंसा । उव्वेल्लसरसकरकमलमणहरा महुमहसिरि व्व ॥ १९२ ॥ णिवत्तरोद्दतिलयावलम्बिणी(2) सिसिरवासरालि व्य । उन्भडसवणारणो[व]लक्खिया रिक्खपंति व्व ॥१९३॥ इय रुइररूवसोहग्गसंगयं उग्गया विसालच्छी। णिद्द व(व्य) तरुणजणम(ग)णमउलावियलोयणप्पसरा ॥१९४॥ अण्णं चजीए पवालारुणविष्फुरंतकमलोवमम्मि चलणजुए । लायण्णणिज्जियाए व सिरीए कुसुमच्चणं जणियं ॥ १९५ ॥ वित्थिण्णत्तणनिज्जियसुरसरियापुलिणवियडरमणाहिं । उल्लसइ वयवमुव्वेल्लजयपडाय ब्व रोमलया ॥ १९६॥ गरुयणियंबयडुब्भिण्णसिहिणवठ्ठन्तरालमल्लीणो । मज्झो पीडितो व्व जीए खामत्तर्ण पत्तो ॥१९७ ॥ लायण्णोययसंपुण्णमणहरं सहइ थोरथणवढं । वम्मइणरिंदरायाहिसेयकयकलसजुयलं व ॥ १९८ ॥ सहइ दुहावियवम्महधणुसोहाविन्भमं भुयावलयं । अण्णोण्णणिव्वडन्तोवमाणगुणलद्धमाहप्पं ॥ १९९ ।। बिंबायंबो बहलुल्लसंतसियदसणकिरणसंवलिओ । जीए फुडकुसुमगम्भिणपल्लवसोहाहरो अहरो ।। २०० ॥ इय तीए समं पत्थिवसुयस्स सुररिद्धिविन्भमविलासं । वत्तं पाणिग्गहणं मुहतिहि-णक्खत्त-जीयम्मिः ॥ २०१॥ एवं च णिव्वत्ते पाणिग्गहणे सयलमुहसमिद्धिसंभोयणिब्भरं विसयमुहमुव जमाणस्स गच्छति दियहा।
अण्णया य पासायस्स उवरिप्रूमिभाए णिसण्णेण पासयंदेण वायायणंतरालेण पलोइयं णयरीए सम्मुई जाव विट्रो सयलो वि पुरीजणवओ पवरकुसुम-बलिपडलयविहत्थो बार्हि णिग्गच्छन्तो। तओ पुच्छियं भयवया जहा-कि पुण कारणं एस जणवओ पत्थिओ?, कि कोइ छणो ?, किं वा ओवाइयं ? ति । तओ सिर्ट एक्कण पासवत्तिणा पुरिसेण
एवंविहं एत्थ किं पि कारणं, किंतु कोइ महातवस्सी कढो णाम किल एत्थ महापुरीए बार्हि समागओ, तस्स बंदणस्थं पत्थिओ इमो जणवओ त्ति । तो तमायण्णिऊण जणियकोऊहलविसेसो भय पि पत्थिओ । गओ जत्थ सो कंटो। दिट्टो य पंचग्गितवं तप्पमाणो । तओ तिण्णाणसंपण्णतणओ मुणियं भयवया एक्कम्मि अग्गिकुंडे पक्खित्ताए महल्लरुक्खखोडीए उज्झमाणं णायकुलं । तं च तहाविहं कलिऊण अच्चन्तकारुण्णोचवण्णहियएण भणियं भयवया-अहो! कट्ठमण्णाणं ति, जेण सुव्वउ
जह लहइ पायवो णेय अप्पयं मूलपसरवइरित्तो । तह धम्मो धम्मत्थीण होइ ण विणा दयाए फुडं ॥२०२॥
१ वाहयालीए जे । २ चोयाण सू । ३ हस्तद्वयान्तर्गतः पाठो जेपुस्तके नास्ति । ४ उव्वसइ सू । ५ दुहाविजे। ६ गतटुमा स। . भूमियाणि जे । ८ 'टो संपत्तीपुरओ जण जे । ९-१० कमढो सू । ११ कारुण्णावण जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |