Page Text
________________
२६०
चउप्पलमहापुरिसचरियं। उमुकतडुज्झरपडणपवणपडिपेल्लिया विहुन्वन्ति । कणयरसारुणभुयइंदकन्तिकविला जलप्पवहा ।। १७२ ।। इय सव्वायरपसरन्ततियसणिवत्तियाहिसेयस्स । कीरइ णेवच्छ-विलेवणाइओ पूयसकारो ॥ १७३ ।।
तओ हक्खुत्तसुरसुंदरीयणसुरहिकालायरुप्पंककप्पूरधूवपसरेणं सन्भूयगुणगणुकित्तणुच्छलियबहलपुलयपडहत्येण चलणयलमयूहावलिमिलंतमउडरयणकिरणेण महियलरंखोलमाणतरलहारेण पणमिओ हिययन्भिन्तरवियंभमाणभावपसरं मुराहिवेण । णेऊण विमुक्को जणणिसयणीयुच्छंगम्मि । जहागयं पडिगया मुरसमूहा ।
ताव य पहाया रयणी । पडिबुद्धा कमलिणि व्च भयवती बम्माएवी । पेच्छइ य सरसचंदणालिद्धमुद्धदेहच्छवि वोसट्टमुरपायवुबिडिममणिकुसुमजणिउत्तंसं अणण्णसरिसं बालयं । एस्थावसरम्मि य समुप्पण्णतणयं देवि जाणिऊण सरहससंचरणपक्खलियमणिणेउररणंतझंकारमुहलो इओ तओ कंचुईसंचरणसम्मणिद्दलियणिवडन्तखंजय-किरातवामणो मैंयपहोलिरविलासिणीयणपुण्णवत्तहरणविलुप्पन्तपुरजणवओ मंदरसंखुद्धजलहिगंभीरणंदिसद्दसंवलियकलकाहलो पसरिओं मंगलज्झुणी रायभवणम्मि, पयत्तं वद्धावणयं, केरिसं च?
वीसत्थसुरकराहयदुंदुहिगंभीरविब्भमुन्भेयं । परिमंदमद्दलुद्दामकाहलासंखसंवलियं ॥ १७४ ।। मंगलगेयुभासियघडन्तपडपडहलयगमाणुगयं । मयविहलविलासिणिणञ्चमाणजणिउन्भडविलासं ॥ १७५ ॥ पुरसुंदरिगुरुसम्मददलियमणिमेहलाकलाविल्लं । छणणेवच्छपसाहियमल्हन्तकिराय-वामणयं ॥ १७६ ॥ इय संगलन्तसामन्त-मन्ति-पुरवुड्ढवड्ढियामोयं । परिवढियं समन्ता बद्धावणयं णरिंदघरे ॥ १७७ ॥
तओ सम्माणियासेससामन्तलोयं विदिण्णवद्धावयजणपारिओसियं पूइयदेवयाइयं णिवत्तं वद्धावणयं । गच्छन्ति दियहा । पासो त्ति गुरुयणेण पइटावियं णामं । णवरि य सरयसमओ व्व पडिबुद्धपंकयमुहो, कमलसरो व्व कुवलयदलजलो, जह जह वड्ढिउं पयत्तो तह तह ससहरस्सेत्र बढइ कलापयरिसो, तरणिमंडलस्सेव पणट्ठो तिमिरणियरो। अवि य
दिपंतपंचमीचंदचारुणा ललियभालमग्गेणं । रेहइ कसणुव्वेल्लंतघडियकुडिलालयग्गेण ॥ १७८ ॥ वोसटेंसरसतामरसधवलचलकसणपम्हलिल्लेहिं । णयणेहि णियंतो धवलइ व भवणंगणाऽऽहोयं ॥ १७९ ॥ क्यणेण सरसवियसंतकमलपम्हउँडपरिमलिल्लेग । वेलवइ भमिरपरिलतमालियं मुद्धभमराण ॥ १८० ॥ चलणेहि संख-कुलियं(सं)-5कुसाइकयलक्खणेहि भणइ व्य । अभणंतो वि भविस्सं तिलोयणाहत्तणपहुत्तं ॥१८१।। इय संयलसुरिंदुद्दाममउलिमालच्चणं पि चलणाण । साहइ दुंदुहिघणसद्दविन्भमिल्लेहि भणिएहिं ॥ १८२ ॥
एवं च सिरिवच्छलंछणग्यवियवियडवच्छत्थलस्स अच्चन्तसोमदसणत्तणजणियजणमणाणंदस्स भयवओ पासयंदस्स वियम्भिओ जोवणारंभो । केरिसो य?
तेल्लोकजणमणोहरणपक्कलुम्मिल्लणिययमाहप्पो । लहइ परभायसोहं सरियावइणोऽमयरसो च ॥ १८३ ।। सयलजणणयणजुवलय-मणकुमुयाणंदणे सुहालोओ । सयलकलासंपण्णो पोससमयस्स व मियंको ।। १८४ ॥ कुसुमप्पसवो वरकप्पपायवस्सेव पयरिसुप्पण्णो । सँरोदओ व वियसंतसरसतामरससंडस्स ॥ १८५ ॥ बहुलास-विलासट्ठाणमणहरो बरहिणो कलावो व्य । सुरधणुरामओ.व्य समुण्णमन्तणवजलयवडलस्स ॥ १८६ ।। इय अइसंघियमुररूव भुयबलुत्तप्पदप्पमाहप्पो । पवियंभिओ समुन्भडमणोहरो जोवणारंभो ॥ १८७ ।।
तओ पसरिए सयलजणलोयणमुहए जोव्वणारंभे, वियम्भिए णीलकुवलयपम्हलुज्जललोयणप्पसरे, विस? सरसविय संतसिरीसकुसुमकेसरप्पहे तणुप्पहापयरिसे जओ जओ लीलासंचरणकमलालंकियं कुणइ महियलं तओ तओ कुवलयावरि
१ तणूसलिय स । २ लिद्धदेह सू । ३ 'कुञ्ज सू । ४ महपहोलिर सू । ५ 'दृसेयताम' जे । ६ व्ध गगणंग सू । " उलप सू। ८ "मउडमा जे । ९ हस्तद्वयान्तर्गतः पाठो जेपुस्तके नास्ति । १. सूरोवओ सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |