Page Text
________________
५२ बँभयप्तचक्कवट्टिचरियं ।
२२९
तओ गएसु तेसु । मया अण्णा विदिण्णा से गुलिया । तयणुहावओ य सुत्तविरुद्ध व्व समुट्ठिया वियंभमाणा । णिवडिओ हैं चलणजुबलए । जाणाविओ अप्पा । पयत्ता रोविडं । मए भणियं ण एस कालो रोवियव्त्रस्स, एहि लहं अवकमामोति । गयाणि य तुरियपयणिक्खेवं उत्तराभिमुहं जोयणमेतं भूमिभायं । पत्ताणि य कच्छा हिहाणं गामं । तत्थ य मह पिउणो वयंसो देवसम्मो णाम बंभणो । तस्स य गेहम्मि ठविऊण समासत्थाए सिट्ठो कुमार ! तुहसंतिओ वुत्तन्तो । सोऊण ये मए णिरंभमाणा वि बहलंसुसलिलपडिरुद्धलोयणप्पसरा पलावबहुलं च परिदेविडं पयत्ता । कह ?–
पप्फुल्लकमलकोमलदलुज्जलालोयललियमु हैबिम्बा ! । अहिणवविसदृकंदोट्टपत्तकंतिलणयणजुया ! ॥ १३२ ॥
मणहरला यण्णाऽऽउण्ण विमलगंड यलमंडलाहरणा ! । चरियाणुद्धय ! मुद्धय ! कुमार ! सुकुमारचलणयला ! ॥ १३३ ॥ hore बाहिविणिग्गयस्स परिदेविरी दढं जाऽऽसि । स च्चिय जणणी मरणस्स कारणं पेच्छ विहिचरियं ॥ १३४ ॥ सुकुमालफंसमणोहरम्मि वसिऊण महरिहे सयणे । कह वौच्छिसि कठिणकुसारसक्करिल्ले महीवट्ठे ? ।। १३५ ॥ कं भणिहिसि तण्हुण्हामिलाण देहो छुहापरिस्संतो । वरधणुविरहे दीहरपवासदुक्खाण मज्झगओ || १३६ ॥ बालम तुह चैलिय - कीलियव्वाई संभरेऊण । सहस त्ति जंण फुट्टइ हिययं तं णूण वज्जमयं ॥ १३७॥ सरिऊण अत्तणो पाणवाडयावासदासभावत्तं । अप्पाणो वि ण रोयइ किं पुण मह भोयणं भोतुं ॥ १३८ ॥ इय चंडालणिवासो धणुणिण्णासो ण मे तहा डहह । जह भरिऊण पवासं कुमार ! बहुसो तुहं हिययं ॥ १३९ ॥ तओ सा एवं विपलावे कुणमाणी कह कह वि समासत्थीकया । भणिओ य मए देवसम्मो - एसा मह जणणी 'तुह णिक्खेवो' त्ति सोहणं दहव्वा, जावाहमागच्छामि । एवं च तेण पडिवण्णं । तओ हं काऊण जणणीए पणामं णिग्गओ तप्पएसाओ । परिब्भमंतो समागओ इहई । जायं च तुमए सह मह दंसणं ति ।
46
एवं च वीसंभणिन्भरं मंतयंताण अइकंता काइ वेला । ताव य समागओ एक्को मणूसो गामार्हितो, भणिउं च पयत्तो'महाभाय ! ण कत्थइ हिंडियव्वं तुम्हेहिं, जेण तुम्हाणं समाणरूव-वओविसेसं पडे लिहिऊण पुरिसजुवलमाणीयं कोसलाहिवइणो निउत्तपुरिसेर्हि । दंसिऊण य भणियं तेहिं - एवंवि हरूविणो एत्थ दोणि पुरिसा समागयति । एवं च पेच्छिऊण समागओ तयंतियाओ अहं । दिट्ठा य तव्विहरूवोवलक्खिया तुम्हे । संपयं जं वो अहिमयं तं कुणह " । त्ति भणिऊण fare तम्मि दो वि अम्हे वणगहणंतरालेण विवलायमाणा समागया कोसंबिं ।
तत्थ य गरवाहिरुज्जाणम्मि दिद्वं दोन्हं सेट्ठिसुयाणं सागरदत्त - बुद्धिलणामाणं पयत्तं कुक्कुडवारं । पणीकाऊण सयसहस्सं संपलग्गं कुक्कुडजुज्झं । पहओ सागरदत्तकुक्कुडेणं बुद्धिलकुक्कुडो । पुणो घुद्धिलकुक्कुडेण सागरदत्तकुक्कुडो पहओ, भग्गो य पराहुत्तं सागरदत्त कुक्कुडो, ण याहिमुहं कीरमाणो वि समहिलसा जुज्झिउं । च पिडिमुहं दट्ठूण भणिओ मए सागरदत्तो भो ! कीस पुण एसो सुजाई विभग्गो कुक्कुडो, ता पेच्छामि णं जइण कुप्पह तुम्हे । तओ सागरदत्तेण भणियं भो महाभाय ! पेच्छ, ण य मह एत्थ दव्बलोहो, किंतु अहिमार्गेमेस्थावरज्झइ । एत्थावसरम्मि य पलोइओ वरघणुणा वुद्धिलकुक्कुडो । दिट्ठा य चलणेसु णिबद्धा लोहसूई । लक्खियं च बुद्धिलेणं णिहुयं । तेण य पडिवण्णं वरघणुणो अद्धलक्खं । अणुवलक्खं च साहिओ एस वइयरों मह वरघणुणा । तओ मया बुद्धिलकुक्कुडस्स कड्ढिऊण सुई भेडिओ सागरदन्तकुक्कुडस्स । पराजिओ तेणं । परितुट्टो सागरदत्तो । पप्फुल्लवयणंकओ 'ऐंह अम्ह गेहं गच्छामो' त्ति भणिऊण अम्हे वलइऊण "संदणवरम्मि पयत्तो णिययघरहुत्तं सायरदत्तो, पविट्ठो" यरिं ।
अम्हे हि कोउहल्लुल्लसन्तदिद्विपसरा पलोएमाणा जयरिवाहिशेब [वण] मणहर परिसरप्प से, नियच्छमाणा पायाल - मूलावलग्गफरिहाविसेसं धवलकर (वि) सीसउवलक्खियं से सप (फ) गामंडलोवमं पायारपरिवेसं, अवहोवासावसंतझुलं तचटुचामरं [पत्ता ] गोरदारं । पविसमाणेहि य गिओ खरमारुयाहयुच्छलियजलणिहिस्स व महंतो जणकलयलावो । पेच्छवयण जे | ४ सोत्थिसि सू । ५ चलणकी जे । ६ तुमं सू । ७ तुम्हे १० तुम्मे जे । ११ णमेव [ए] तथा सू । १२ यं चैब पडि सू । १३ सुई ट्ठो नयरं । नओ निययभवणं । समाइट्ठो य तेण निययपुरिसो जे ।
१ य मे भिमाणा जे । २ हबिंब ! जे । ३ स सु । ८ "तराले विव सू । ९ नगरियाचाहिं सू । भिडिओ जे । १४ एहि जे । १५ सदगम्मि सू ।
१६
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |