Page Text
________________
५२ बंभयत्तचकवष्टिचरियं ।
२२३ गओ पंचजोययणप्पमाणं भूमिभायं । दिट्ठो य मए महाकरी । केरिसो य?
गंडसेलसंगलियमुणिज्झरदाणओ, उण्णयग्गभाउब्भडदंतविसाणओ।
वियडयोरसिलकक्खडपायपेइटिओ, महिहरो र मह गोयरए परिसंठिओ ॥ ९५ ॥ वियडकवोलयलागयं, भमरउलं दाणसलिलचमरयं व । अंसावलग्गकिसलयं, वहमाणो कयलियाविलासयं व ॥९॥
एवं च अप्पाणयं व सयलपरिवारविरहियमेकल्लमुभियं पलोएमाणस तं गयवरं वढियं कोउहलं । पयत्ता इच्छा जहा-एएण करिणा समं खेल्लामि । त्ति चिंतिऊण तओ मए गंभीर-तार-महुरविसेसोवसंसी रुंदसदो कओ। आयण्णणाणंतरं च बलिऊण पलोइओ हं करिणा । तओ उम्भडतंडवियकण्णजुयलो दूरसमुण्णमियविसमभग्गवालग्गो करविमुक्कसुंकारणियरो गलगज्जियविणिज्जियसजलजलहरो कयंतो व तमद्धाणमुद्धाइओ सरहसं । सिग्पत्तणओ गतिविसेसस्स संपत्तो ममंतियं । पसारियकरग्गभागो य कह कह वि मं जाव ण पावेइ ताव मया तस्स पुरओ पिंडलीकाऊण पक्खित्तमुत्तरीयं । तेणावि तक्षणं चेव घेत्तूण कोंडैलियसोंडदंडेण वित्तं णहमंडलाहिमुहं । जाव अमरिसड्ढत्तणओ मह कलणाए दसणेहिं किल पडिच्छइ त्ति ताव मया परियंचिऊण गहिओ वालग्गहाए । सतुरियं चलंतस्स य चलणंतरविणीहरिएण भए छिको करेण चलण-करग्गेमुं। तो तस्स रोसपरिवसत्तणविौदण्णसुण्णवेज्झस्स करजुयलसमुक्खयपक्खित्तपंसुपिहियलोयणालोयस्स से बलग्गो है कण्णपएसे । ता(जा)व य करेण संफुसइ ताव य हच्छत्तणो ई एककरकलियवालहिदंडो ज्झ त्ति समागओ धरणियलं । एवं च तेण करिणा समं कीलायमाणस्स सहस चेय सयलं. [पारियं दिसावलयं, पसरन्तणिभरासारोरजलधारारुद्धलोयणवहं तकालालक्खियणियतणुविहायं वासिङ पयचं ।
तओ सो निठुरवासजलप्पवहकरालियसयलदेहो दढपरिस्सममंदायमाणचेटो य विरसमारसिङ पलाणो गयवरो। अहमवि पयट्टो पडिवहेणं गंतुं । पयत्ताओ णिन्भरजलयासारत्तगओ य समागयसलिलपूराओ गिरिणईओ, अलक्खियणिण्णुग्णयविहायं जायं धरणिमंडलं । तओ हं विम्हरियपुन्या-वरदिसाविहाओ इओ तो परिभमन्तो समोइण्णो भरियमेकं गिरिसरियं । वुब्भमाणो य तीए समुत्तिण्णो णवर बीयदियहम्मि पेच्छामि तडनियडसण्णिविढं पुराणपडियभवर्णखंभभित्तिमेत्तोवलक्खियं जिण्णपुरवरं । तइंसणम्मि य हिययभितरवियंभिउब्भडकोउहलविसेसो दिसिदिसिणिहित्तदिटिविच्छोहो समंतओ हं पलोएमाणो पेच्छामि पासपरिमुक्कखेडय-खग्गमेक्कं वियडवंसकुडंगं । तं च दट्टण चिंतियं मए-'अहो! रमणीयया खग्ग-खेडयाणं, ता पेच्छामि ताव केरिसं?' ति घेत्तूण खेलिउं पयत्तो। खेलमाणेण य वाहियं तम्मि वंसकुडंगे। एक्कप्पहारेणेव गिर्वाडिया वंसाण सही, वसंतरालसंठियं च णिवडियं दरफुरंतोहउडमेकं मणोहरायारं सिरकमलं। दिलं च मए ससंभंतेण । 'हा घिरत्थु मे ववसिएणं' ति गिदियमत्तणो बाहुबलं, बहुसो अप्पा उवलदो। पच्छायावपरदेण य पलोयमाणेण दिमुद्धणिबद्धचलणं धूमपाणलालसं कबंध । समहियं च अधिई जाया। पुणो य पलोयमाणेण दंससमेत्तपहयपहपरिस्समप्पसरं पवरपायवाहिटियं मणोहरतरुसंडमंडियं पलोइयं पवरमुजाणं ।
तओ हं रम्मत्तणपलोयणक्खित्तमाणसो पविट्ठो तमुजाणं । तत्थ य समन्तओ असोयपायवपरिक्खित्तं पविरलकयलीहरंतरदरदिट्ठकुसुमविडवं दिटुं दिणयरकरणियरविहडियपुंडरीयप्पहोहसियसोहं सत्तभूमियं पासायभवणं । ठूण य वलम्गो जहकमं सत्तमियासुं भूमियासु । पेच्छामि य सियसिचओच्छाइयं मणहरमणिमयपल्लंकसयणीयं । दिट्ठा य तत्य मुरविलय व सव्यंगसुंदरा एक्का पारमहिला । सा च केरिसा ?-मुहुयहुयासगतेयरासि व दिप्पमाणा, विजाहरसुंदर व्व परिगलियविज्जा, आलेक्खगय च चिंताविणिचलतणुप्पयारा । अवि य
सरयससिबिंब[? पडिबिंब] मुहकमलया, कमलदलकंतकण्णतगयणयणिया।
सरसणवदाडिमीकुसुमसमअहरिया, दसणकरधवलियासेसदिसिणियरिया ॥९७ ॥ परिडिभो जे । २ 'उतड(क)विय सू । ३ कोंडलीय जे। ४ 'सअंधत्तणभो जे। ५ णखडा, जे। णिवडिया सू । • ला । तमो सा तिहुयणतेयरांसि जे। ८ पगलिय सू। ५ हस्तद्वयान्तर्गतः पाठो जेपुस्तके नास्ति ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |