Page Text
________________
२२२
चउप्पन्नमहापुरिसचरियं । साणसमयम्मि दिट्ठो मए दूरदेसत्यो जमभडेहिं व दीहरोइणो पुरिसेहिं पहम्ममाणो य । तेहिं चालक्खिओ 'पलायह त्ति मह सणं काउं पयत्तो, कह ?
फुलंति वसंते सयलविडविणो चूय ! तं पि फुल्लेहि । तुह कुसुमपरिमलं णेय मुद्धभमरा वियाणंति ॥८५॥
तो अहं वियाणिऊण वरधणुकयपलायणसण्णं हिययभितरवियंभमाणभयपसरो सहसा समुट्ठिऊण णग्गोइतरूतलाओ तुरियपयणिक्खेवं पलाइउं पयत्तो । पडिओ सुदुग्गमं कंतारं । केरिसंच?
वियडगिरिकूडसंकडतडणियडघडंतणिबिडविडवोहं । भीसणभमन्तसावयविमुक्कपुकारलल्लकं ॥ ८६ ।। करिकुलकरकड्ढियभग्गपडियतरुणियररुद्धसंचारं । तरुसाहणिहसणुग्गयदवम्गिडझंतकतारं ॥ ८७ ॥ दप्पियवराहतुंगुग्गघायविकिण्णणिण्णयातीरं । वणमहिसरवायण्णणमइंदरवभेसियेकुरंगं ।। ८८॥ इय णिन्भरवीरीगहियपसरिउद्दामणिठुरारावं । णियकम्मपरिणई पिव भमामि भीमं महारणं ॥ ८९ ॥
अवि यरसंतमत्तघूययं, धमध(द)मेन्तवाययं । कणंतखुल्लसाक्यं, जलंतघोरपावयं ॥ ९० ॥ करकमालमालियं, खगावलीकरालियं । गोहकूरसहयं, तरच्छसत्थरोदयं ॥९१॥ भमंतभीमसंबरं, मइंदभिण्णकुंजरं । भमंततत्थरोज्झयं, सियालबद्धजुज्झयं ॥ ९२ ॥ करेणुदारियासयं, सुभीमभक्खिघोसयं । वहंतलोहियारुणं, किरायरावदारुणं ॥ ९३ ॥ इय भीसणं वणं जणियमणभयं देव-दाणवाणं पि । पेच्छामि हच्छसच्छं बीभत्सं(च्छं) तं महावच्छं ।।९४॥छ
एवं च णिम्भरभयभरुभंतविच्छुब्भमाणपयविच्छोहो, छुहा-तण्हुण्हणीसहत्तणओ पंकखुत्तं व दुक्खेणुक्खिवंतो चलणजुवलयं, दंडढदब्भसूइतिक्खलग्गसंगलियबहलरुहिरधारो कह कह वि गंतुं पयत्तो। आहारयंतो तित्त-कसायतणविरसे कंद-मूल-फलविसेसे, अणेयपण्णूरकसायकलुसियं पियंतो गिरिणदीसलिलं, णिवसंतो विसमगिरिगुहाकंदरेसुं, दीहरपरिस्समिंधणसंधुक्कियसोयजलणजालाझुलुकिओ परिभमंतो पेच्छामि तंतियदियहम्मि तावसमेगं । दसणमेत्तेणेव तत्तेयमसहमाणं व पण8 मे परिस्समाइयं भयं । समासत्यो चित्तेणं । जाया जीवियम्मि पञ्चासा । उवसप्पिऊण सविणयमभिवायणं कयं । पुच्छिओ य-भयवं ! कत्थ तुम्हाण आसमपय ? ति । यवयणाणतरं च णीओ औसमपदं । दंसिओ कुलवती । धरणियललुलन्तकुंतलत्तिमंगेणं सविणयं पणमिओ कुलवती । तेणावि जणियतिवलीभंगविसमियभालवद्वेष समुण्णमंतभूलयं पलोइऊण भणिओ हं-वच्छ ! कैहितो आगमणं !, बहुपच्चवायमरणं, पयतिकूरा सावयगणा, विसमत्तणओ दुल्लंघा पंथा, सुकुमालसिणिद्धच्छवी य देहाहोओ लैंक्खिज्जसि, ता 'कहमिणं ? ति साहिज्जउ फुडं। तो मए सव्वं जहावत्थियमवितहं साहियं । तव्वयणाणतरं च 'सागयं सागयं' ति भणमाणेण पडिरदो हं कुलवइणा । भणिओ य जहा-हं तुह जणयस्स बम्भराइणो चुल्लभाउ ति, णिययं चेव आसमपयं भवओ, जहामुहं चिन ति । मुणिऊण तस्स चित्तासयमच्छिउं पयत्तो । ताव य समागओ जलयकालो । तत्याहमज्जएण सयलाओ धणुव्वेयाइयाओ महत्थविज्जाओ गुणाविओ।
अण्णया य सेंमागयम्मि सरयकाले ते तावसरिसओ फल-कुसुम-समिधियणिमित्तं गच्छति रणपरिसरेसुं। तो अहं पि कोउहल्लेण एकम्मि दिवसे "णिरुम्भमाणो वि कुलवइणा गओ तावसेहि सैंममरणं । सरसफल-कुसुमसमिदाई च कापणाई चक्खुलोलत्तणओ पलोएमाणो विहरि पयचो । दिद्वं च मया तत्थेक्कपएसम्मि तक्खणं विमुकं चिय करिणा मुत्त-पुरीसाइयं । दळूण य चिंतियं मए-अवस्सासण्णेण करिणा होयव्वं । तो तरलत्तणओ सहावस्स, सुलहचणो जोवणकीलियवाणं णिवारिज्जमाणो वि तावसेहि लग्गो गयवरमग्गओ। अह 'एसो इमो' ति पलोयणक्खिचमाणसो
१ राइणा गिउत्तपुरि जे । २ पलायहि जे । ३ करयढिय जे। ४ 'यविक्खिण्मजे। ५ गइंदं स्। ६ हस्तद्वयान्तर्गतः पाठो जे. पुस्तके नास्ति । ७ दव(द)ड्ढसूइयग्गलाग सू । ८ आहारंतो सू । ९ मुलुकिओ जे । १. तइयदिवसम्मि जे । ११ तुम आस स्। १२ आसमं । देंजे। १३ कहिं ते आ सू । १४ लक्खिज्जइ जे । १५ समागए जे । १६ मसामिषेणुणिमित्तं सू । १७ मिन्मभाणो जे । १८ सहम जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |