Page Text
________________
५२ बंभयत्तचक्कवट्टिचरियं ।
२१९ य चारित्तयं, अवलंबिऊण जिल्लज्जयं, मइलिऊण णियकुलक्कम, बहुमण्णिऊण कुलकलंकाववायं, खंडिऊण निम्मलसीलप्पसरं, संपलग्गो समं मह जणणीए । अहवा
एस श्चिय णेहगती किं कीरउ जं कुलुग्गयाणं पि?।महिलासंगो मइलेइ साडयं तेल्लघडउ च ।। ६९।। तिलसंबद्धत्तणकयसणेहपसरा खलत्तपरिणामा। महिला चक्कियसाल ब्व कस्स णो मइलणं कुणइ ? ॥ ७० ॥ परपेरिया सलोहा अगणियणिययाववायसंदोहा । तेल्लियकुसि व्व महिला खलस्स वयणं पणामेइ ।। ७१ ॥ इय अगणियणिययकुलकमाण पम्मुक्कलज्जियव्वाण । खलमहिलाणं ण हुणवर कुबुरिसाणं पि अहमग्गो ।। ७२ ।।
एवं च पवड्ढमाणसणेहं पसरन्तविसयमुहरसाणं गच्छंति वासरा । एवं च अम्ह पिउणो समाणवओवदिएण बीयहिययभूएण धणुणामण मंतिणा अवितहं मुणिय चिंतियं च णेण जहा-अविवेयबाहुल्लत्तणो महिलियाणं मोहपरब्वसत्तणो य घडउ णाम, जं पुण पडिवण्णमंगीकरेऊण अयसमसिमुहमक्खणं दाहेणावि एयमणुचिट्ठियं तमेस्व चोज, अहवा दुण्णिवारया कलिविलसियाणं ति, ता जो एवंविहं पि अकज्जमायरह तस्स किमण्णमकायब्वमस्थि । ति चिंतिऊण मंतिणा वरधणू णाम णिययसुओ महमच्चतसिणेहाणुरायरत्तो एकंतम्मि णिवेसिऊणमेवं भणिओ जहापुत्त ! एसो कुमारो बालसहावो ण मुणेइ पयइकुडिलाई महिलाविलसियाई, ता एयववएसेण पडिबोहणत्यं गेव्हिऊण कोइलाए सह कायं गच्छ कुमारसमी, भणमु य तं जहा 'एसो विजाइसमुन्मवो दुरायारो वायसो परपुट्ठाए सह मया पाविओ, ता एयस्स णिग्गहो कीरउ, ण य वण्णसंकरो पभुणा उवेक्खियन्यो । चि भणिऊण पेसिओ वरघण । गओ सो । संपाडियं जमाइटें । तओ कुमारो कोऊहलेण सहत्थेण दढबद्धपरहुत्तपक्खपेरन्तं घेत्तूण परहुयाहिट्ठियमरिठं बालचणमुहकेलित्तणओ रायउत्ततरलत्तणओ य अंतेउरमझेणं पयट्टो गंतुं, भणिउं च पयत्तो जहा-अण्णो वि जइ विजातीए एवंविहं करिस्सइ सो वि एयारिसिं अवत्थं पांविहि ति, मुणंतु असुयपुव्वा जंतुणो । तओ तं मुणिऊण [दीहेण] भणियं-देवि ! अहं काओ, तुमं कोइल त्ति । तीए संलत्तं-बालो कुमारो कीलणयविसेसेहिं कीलइ ति, ण य एयस्स वियप्पो। तओ बीयदियहम्मि भद्दकरिणीए सह संकिण्णगयं गहेऊण एवमेव भणंतो पैमयावणं मज्झेणमइगओ, कहं ?
जा करिणि छंछती पुण रायं बंधइ विजायिहत्थिम्मि। सा एव कीरिही पुण सुणेउ असुणो जणो वयणं ॥७३॥
पुणो वि एयमायण्णिऊण दीहेण भणियं-पिए ! मारिजउ कुमारो, मैमम्मि साहीणे" अण्णे तुह पुत्ता भविस्संति, अहवा जे मम पुत्ता ते किं ण तुह पुत्त ? ति, दोसु वि रज्जेमु तुमं चेय सामिणी । तओ रइणेहपरन्वसत्तणओ एरिसं पि हियएणावि अचिंतणीयं पडिमुयमिमीए । अहवा
हिययाइं हरसियाण कमलदलकोमलाई महिलाणं । ताई चेव विरचाण होन्ति करवत्तकढिणाई ।। ७४ ।।
भणियं च तीए-जइ कह वि तेणोवारण मॉरिजउ जहा जणाववायदोसो रक्खिज्जइ । 'को उण सो उवाओ?' चि चिरं चिंतिऊण 'हुं मुणिय, कुमारस्स विवाहधैम्मो कीरउ त्ति, विवाहसामग्गीए सह वासहपरियप्पणाए पवरजाल -
यंदणिज्जूहयसणाहं अणेयवायायणणिहित्तमचवारणयविहूसियं गूढजणियणिग्गम-पवेसं करेमु जउहरं, तत्य मुहपसुचस्स हुयासणं दाहामो' ति मंतिऊण ममं चिय माउलस्स पुष्फचूलाहिहाणस्स धूया वरिया। पारदा सयलसामग्गी। एवं च कीरमाणं भैइपयरिसत्तणओ लक्खिऊण अमचधणुणा विण्णत्तो दोहराया जहा-एस मह पुत्तो वरघणू सयलकलाकलाबकुसलो रज्जधुरधरण-बट्टावणसमत्थजोगो य वट्टइ, अहं पुण वयपरिणयत्तणो ण सक्कुणोमि खेडफडं काउं, परलोयस्स वि मे कालो वट्टइ, ता तुम्हेहिं अणुण्णाओ इच्छामि णिययहियाणुट्ठाणं काउं । तओ एयमायण्णिऊण दीहराइणा चिंतियंएस महामंती मायामंतप्पओयकुसलो मह सयासाओ णिग्गओ अणत्थाय होहि। ति चिंतिऊण कइयवोवयारविरइय
१ मलिऊण णियकुलकम संपलग्गो सु। २ खलन्तप सू। ३ जणइ जे । ४ तेण जे। ५ महिलाणं जे । ६ दुण्णिवारा सू । ७ पाविस्सइ, जे । ८ असुइपुष्वा सू। १ पमयवणं सू। १. विजायह सू । ११ मम पि सासू जे । १२ णे उण तुह सुया में सू। १३ एरिसयं हिस। १४ मारिज्जा सू । १५ °धम्म करेमो' सि जे । १६ जालंघयंद स्। १७ माउलगस्स जे । १८ मतीए पर्यसू । १९ खडिप्फडं जे । २. तुमए जे । २१ महामई जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |