Page Text
________________
२१८
चउप्पन्नमहापुरिसचरिय । कह कह वि पराहेतो?यत्तो) पयत्तसोक्खाणमिदियत्याण । अप्पायत्तं कयकुसलकारि को मुयइ मोक्खसुई ? ॥ ५९॥ ‘सेविजंतु सदाइणो विसय त्ति जं भणियं तं पिणियच्छपरिभोयमेत्तसंकंतविसविवायं व तक्खणं जंतू । आसीविसो न विसया सेविजंता खयं गति ॥ ६०॥ जं च भणियं 'संतोसिजउ भयवं मयरद्धओ' तं पि सुबउजस्स ण संतोसो वरविलासरसियाहिं सुरपुरंधीहि । सो च्चेय कह णु मयणो माणुसभोगेहिं तिप्पीही?॥ ६१ ॥ जं च भगियं वयपरिणामे पबजं गेण्हमु ' ति तत्थ वि अस्थि कारणंजे अत्थ-काम-धम्मा काउं तरुणतणम्मिकी(ती)रंति। परिणयवयस्स ते चेत्र होति गिरिणो ब्व दुल्लंघा ।। ६२॥ अवि यजलणस्स दारुणिवहेहिं णेय, जह जलगिहिस्स सलिलेहिं । तह संतोसो ण हु होइ जंतुणो कामभोगेहिं ।। ६३॥ अण्णं चजत्तेण सेविया वि हु जायंति पमायलद्धमाहप्पा । भोया भोय व फणीण जंतुणो जीयणासाय ॥ ६४॥ पढम जणंति सोक्खं साउत्तणजणियमणहरं भोया । किंपाकफलासाइयरस व्व पच्छा विणासंति ॥६५॥
आइम्मि सयलरसवंजणेहिं जुत्तं पेयड्ढियपमोयं । पाणहणं परिणामम्मि विसयसोक्खं विसणं व ॥ ६६॥ । इय अत्थिरेहिं पत्थिव ! इमेहिं संसारहेंउभूएहिं । तुझ वि भोएहि ण किंचि कारणं कुगसु जइधम्म" ॥ ६७॥
तो एयमायणिऊण बम्भयत्तेण भणियं-भयवं! मया बहुकिलेसेहिं पाविया इमे भोया, ण सक्कुणोमि परिचइउं । साहुणा भणियं-कहं तुमे दुक्खेहि लद्धा । णरवइणा भणियं-भयवं ! संजोय-विप्पभोयाइयं जमणुभूयं मए, जं दिहं, जं वा णिसुयं, तं जइ वि साहिप्पमाणमप्पणो लाइवमुप्पाएइ तहा वि तुम्हारिसेमु साहिप्पंतं ण जणेइ लाघवं, ण परियट्टए लज्जं, ण कुणइ अववायं, ण संजणइ अयसं ति । अॅवि य- .
णियअणुहूयं जइ नि [हु] साहिप्पंतं जणेइ लहुयत्तं । तुम्हारिसेसु वरमुणि ! तं चिय गुणकारण होइ ।। ६८॥ ता मुंणसु संपयं ति
इहेच कंपिल्लपुरवरे विणियासेससत्तुसंताणो अणिप्फलकोव-परिओसो अम्ह पिया बंभो णाम राया आसि । तस्स अच्चतुत्तिमवंससंभूया महारायाणो चतारि आसि मित्ता, तं जहा-कासीसियाहियो कडओ, गयपुरवती करेणुदत्तो, कोसलविसयौहिबई पुप्फचूलो", चंपाहिवई दीहो त्ति । ते य अच्चंतमित्तत्तणो विमओयभीरुयाए सैमुदयाए चेव परिवाडीए चउसु वि रज्जेसु संवच्छरमेक्केकं विविहकीलाविलासेहिं चिट्ठति । सरइ संसारो। __ तओ अण्णया पंभराइणो धुलणाए महादेवीए चोइसमहासुविणसंसूइयचकवट्टिणामो संभूओ अहं गन्मम्मि। जाओ कालकमेण । वढिओ देहोवचएणं कला-गुणेहिं च । तओ बारससंवच्छरमेत्तस्स कालगओ मे पिया । कयं पिउवयंसएहि मैयकिच्चाइयं । तओ कडयाइणो पिउमित्ता परोप्परं भणिउं पयत्ता एवं-जाव एस बंभयत्तकुमारो सारीरबलोववेओ होइ ताव परिवाडीए अम्हाणमेक्केको इमं रज परिवालउ । ति मंतिऊण सम्मएणं दीहो ठविओ । अण्णे उण सरन्जॉइं गया।
गएमु य तेसु सो दीहराया परिवालेइ सयलसामग्गियं रज्जं । पुनपरिचियत्तणो समुप्पण्णपहुत्तणाहिमाणो य पडियग्गए रह-तुरय-गइंदाइयं, पलोएइ भंडारं, णियच्छए सयलागि ठाणाणि, परिसइ अंतेउरं, मंतेइ समं मह जणपीए । तओ दुणिवारयाए इंदियाणं, बलवत्तणओ मयरकेउणो, दुद्धरत्तणओ. मोहपसरस्स, रमणीयत्तणो जोवणविलासाणं, अगणिऊण मह पिउणो पडिवणयं, अवमण्णिऊण वैयणिजयं, विम्हरिऊग सुकयमणेयमुत्रयारं, उशिऊण
सभोगेण जे । २ सचेय जे । ३ विसया जे । ४ आयम्मि सू । ५ पयट्टइ पंस। ६ 'रकारणिहिजे! . भाविया । ८ तुमए में । ९ साहिप्पमाणं जे। १० इत आरभ्य ६८ गाथापर्यन्तः पाठो जेपुस्तके नास्ति । ११ सुबउ जे । १२ "यहिको जे । १३ 'लो, चउत्थो दीहपट्ठो ति जे । १४ समुइया चेव जे । १५ °सुमिण जे । १६ मयकिन्छ । तसू। १७ समएणं सू। १० सरजंजे। १९ वयणीयं जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |