Page Text
________________
५२ बंभयत्तचक्कवहिचरियं ।
२१७ तत्तो य णिययाउयक्खएणं चुओ समाणो हं पुरिमतालणयरे गुणपुंजयाहिहाणस्स सेविणो णंदाए परिणीए समुप्पण्णो कुच्छिम्मि, जाओ कालकमेण, संवढिओ देहोवचएण, संपत्तो जोवणं । तओ अहं अणहेमु वि सयलिदियस्थेसु, साहीणेमु वि विसओवभोगेसु, असज्जमाणो सोऊण धम्मं साहुसमीवम्मि पन्चज्जमभुवगओ। विहरमाणो य इहइं संपत्तो। एस्थढिएण य उज्जाणवालवयणाओ पाढविसेसं सुणिऊण जातीसरणमुप्पणं । ता ण याणामि 'छट्ठीए जातीए विओओ कहमम्ह जाओ?" ति।। ___ बंभयप्तेग भणियं-"भयवं ! अहं जाणामि । तम्मि अबसरे साहुणो सयासाओ भरहाहिवईणं चकहराण रिद्धिवष्णणमायण्णिऊण सुणंदासणारं अंतेउरं पुलोइऊण धीदुब्बलयाए 'सलाहणीओ चक्कवट्टिविहवो ममं पि एस संपज्जउ चि जइ इमस्स तवस्स किंचि सामत्थमत्यि' [त्ति] हियएण चिंतिऊण कयं णियाणं ति । तओ ण पडिकतो तयज्झवसायाओ, ण गिदिओ णिययाहिप्पाओ, ण गरहियं हियएण, णियाणबलवत्तणो कालं काऊण इहइं समुप्पण्णो । परिणयं छक्खंडभरहा हिवत्तणं । संपत्ता सुरवरसमाणा रिद्धी । ता तुम्हाणं पि अज्ज वि अहिणवं जोवणं, कालो रइविलासाणं, कीरन्तु सकामा कामा । ते य संजणियसयलिदियत्या संपर्जति संपय साँहीणे ममम्मि सेहोयरे । घेत्तूण रह-तुरय-गईदाइयमद्धं पुहइरजस्स विलसिज्जउ जहिच्छं, लालिज्जउ तवविसेससोसियं सरीरमण्ण-पाणाईहिं, पीणिज्जंतु सयलिदियस्था, सेविजंतु सद्दाइणो विसया, संतोसिजउ भयवं मयरद्धओ । पच्छा वयपरिणामम्मि पुणो वि पध्वज गेण्हसु ति । अण्णं च
को तीए गुणो मणुयाण मणहराए वि रायरिदीए ? । जत्थ परमत्थबंधवजणस्स सोक्खं ण संजणियं" ॥४८॥
तओ एयमायण्णिऊण साहुणा भणियं-"भो णराहिव ! संझारायजलबुब्बुओवमे जीवियम्मि कस्स विवेइणो भोयणं पि रोयउ ?, रमियब्वयं तु मणहरभोएहिं दूरे चिय ताव चिट्ठउ त्ति । अण्णं च
तणसिहरलग्गसिण्हातुसारतरला इम च्चिय जणेइ । लच्छी पवरवियप्पाण शृणमसइ व्च वेरग्गं ॥ ४९॥ घणघडियविहडियण्णण्णवण्णरायाण तणुइजुबईण । सुरघणुरेहाणं पिच पडिबंधं कुँणउ को व बुहो? ॥५०॥ अणभिप्पेयम्मि वि संघडंति विहडंति सम्मए विजणे । चलविज्जुविलसियाई व णेय पेम्माइं वि थिराई ॥५१॥ इय मुणिऊणेवंविहमसारसंसारविलसियं सहसा । अथिरम्मि विसयसोक्खम्मि भणह कह कीरउ थिरासा ? ॥५२॥ तहा जं भणियं 'अज्ज वि अहिणवं जोव्वणं' ति तं णियच्छमजिणवयणमुणियतत्ताण सयलकिरियाकलावसंजत्तिं । संजणइ जोवणे चेव संजमो बलसमत्याण ॥५३॥ 'कालो रइविलासाणं' तिजं भणियं तं पि सुबउबहुसुक्कपंकरुहिरालयम्मि बीभच्छदंसणिजम्मि । पमुहरसिए रइमुहे विरामविरसम्मि को राओ ? ॥ ५४॥ जं भणियं 'कीरंतु सकामा कामा' तत्थ वि सुणसु कारणं तिखणसंघडंत-विहडंतकयपरायत्तकारणसुहासा । बहुजणियविप्पलंभा छलंति कामा पिसाय व्व ॥ ५५ ॥ जं च भणियं 'ते य मैंमम्मि सहोयरे साहीणरज्जे संपज्जन्ति' तिरजं पि चलं जइ कह वि जणइ जणियाहिमाणसोक्खाई । एकम्मि चेव जम्मम्मि णेइ णिहणं भवसयाई ।। ५६ ॥ जंच भणियं 'विलसिज्जउ जहिच्छं' तिके व विलासा पसरियसहावदुग्गंधगंधदेहाणं । मणुयाण कारिमाणियसरीरसोहाण मणुयत्ते ? ॥ ५७ ॥ जं च भणियं 'लालिज्जउ सरीरयं' तं पि सुबउदेहेण णिसण्णासण्णवाहिवियणाकयंतकलिएण । धुवमधुवेण लब्भइ मोक्खसुई कि ण पज्जतं? ॥ ५८ ॥ 'पीणिज्जतु सयलिंदिय' त्ति जमुल्लवियं तं पि सुण
जमुवगओ सू। २ छट्टियाए जे। ३ मम्हाण जाओ जे। ४ सुभद्दास सू । ५ पलोएरण घिदुच जे । तस्सऽज्यवसू। . साहीणं जे । ८ मम पि सूजे । सहोयर जे। १० तणुतणसिहागसिहा जे । ११ तयणु(णुयोजुसू । १२ कुणइ जे। १३ 'ति ण पंडति संजे। १४ ममं पि सूजे ।
Jain Education Interfonal
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |