Page Text
________________
२१६
चउप्पन्नमहापुरिसचरियं ।
केम्मकलंकका जाइ-जरा-मरणसोयप्पसररहियं सित्रमयल मैरुयमक्खयं मोक्खं पार्श्वेति । तत्थ य गयाणं ण पहवंति जम्म- जरा मरणाइणो उत्रद्दवा, गण्णहा पाणिणो सुहं ति ।
एवं च धम्मसन्तं साहुं दटठूण संजायामलवेरग्गा पडिबुद्धा अम्हे । अवगओ य भगत्रया पणीओ धम्मो । तओ वि साहुसिद्धाओ सुमरिऊण अद्वपत्रयणमायाओ, उवहारिऊण पन्त्रयासण्णणिवेसाओ रयहरण-पडिग्गहाइयं [? पव्वइया ] | तओ छ- म दुवालसमास-ऽद्धमासखमणाइयं तवोविसेसं कुणमाणा गामाणुगामं विहरिउमादत्ता । सिट्ठी य साहूहिं जगियाणुकंपेर्हि छज्जीवकायरक्खणाइओ समायारो । विहरमाणा य संपत्ता हत्थिणाउरं णयरं । ठिया जिष्णुज्जाणम्मि ।
अण्णा मौसखवणावसाणे पारणयणिमित्तं संभूओ पविट्ठो णयरं ति । उज्झियधम्मियमण्णेसमाणो गेहाणुगेहूं पस्थिओ । दिट्ठो य निययगेहाओ णिग्गएण गामंतरं गंतुकामेण राइणो पुरोहिएण । 'अमंगलं' ति कलिऊण दर्द कसप्पहारेण ताडिओ । तओ तवसोसियत्तणओ सत्तस्स, छुहाकिलामियत्तणओ सरीरयस्स, सीह ( द ) तणओ जंघियाणं, daमाणसरी सत्ति धरणीयले णिवडिओ । तौत्र य 'हा ह' त्ति भणमाणो मिलिओ तहिं जणवओ । 'अहो कह पेच्छ खलीकओ महातवस्सी?, अहवा जइ एयस्स तवसामत्थं होन्तं ता एसो पुरोहिओ तक्खणं चेय विणासं पाउणतो । णिरत्थओ एयस्स दुक्करतैवपरिकिलेसो' त्ति । तओ पडवाएण व ताण वयणेण संपत्तवेयणो कुविओ पुरोहियस्सुवरिं । कोकरालिज्नमाणदुपेच्छच्छेण य विमुक्का तण्णिहणणणिमित्तं तेउलेसा । सो ण दीसइ चि, 'णगरे डज्झमाणे सो वि ज्झिस्सइ' त्ति परियालियं णयरं । बहलधूमपडलए णिरुद्धो जणाण लोयणप्पसरो, वियंभियमंधयारं ।
ओ गौरा मुणिऊण महरिसिणो कोवविलसियं सपरियणा पसाएउं प्रयत्ता । सर्णकुमारराया वि पसायणत्थं तत्थाऽऽओ । जाहे पसाइज्जमाणो वि ण पसज्जइ ताहे जणरवाओ मुणिऊण वइयरं गओ हं तस्स समीवं । जिणधम्मभणिण विहिणा सामपुत्रयं मया भण्णमाणो कह कह वि उवसमं गओ, समासत्यो चित्तेणं, समागया संवेगवासणा । 'अहो दुकयं कयं' ति भणंतो उट्ठओ तप्पएसाओ । गया य तमुज्जाणं । तणिमित्तवेरग्गाइसहि य निव्विष्णजीविरहि विरचसंसारवासेहिं कयं पाओगमणं ।
ताव य सणकुमारचकवट्टिणा मुणिऊण पुरोहियवत्तंतं कयगरुयकोवेण संजमिऊण दददीहरज्जुपासेहिं पेसिओ अम्ह समीवं । 'किमेयस्स कीरउ ?" ति पुच्छियं । तओ पुलोइओ अम्हेहिं पञ्चभिष्णाओ य - 'अए ! एस सो सच्चो अम्ह उवज्झाओ' ति मोयाविओ भणिऊण रायपुरिसे—
पार्क कुणमाणस्स विण कैंया वि कुणन्ति साहुणो कह वि । इहें कीरन्तं पावं पुणो वि समहिहए पुरओ ॥४७॥
तओ अहिययरं संभाविज्जमाणसंसारसहावा पयत्ता धम्मुज्झाणं झाइउं । एत्थावसरम्मि य विहरमाणो समागओ एत्थ एगो साहू । ठिओ तम्मि उज्जाणे । तात्र य साहुसमागमणमुणियवुत्ततो विणिग्गओ सपरियणंतेउरो राया वंदण णिमित्तं । वंदिओ साहू । णिसण्णो पायमूलम्मि । पत्थुया धम्मदेसणा । कहिओ जीवा-जीवाइपयत्थवित्थरो धम्मो ।कहावसम्म पुच्छिओ भरहाईण चकहराणं विश्ववित्थरो । साहिओ साहुणा पवयणाणुसारेणं । वंदिऊणोविट्ठो राया, महिलारयणं सुणंदा, सुभद्दाप मुहं च अंतेउरं । चकहराणुमइणा णियभत्तित्तणओ य णिज्जियसुरविलयाविलासमखिलामलपैओगसंजुयं णट्टविहिमुवदंसिय णमंसिऊण य महामुर्णि गयमंतेउरं । अम्हे वि समाहिणा कालं काऊण सोहम्मे कप्पे णलिणिगुम्मे विमाणे उववण्णा देवत्तणेण । तत्थ य पत्ररविलासिणीकडक्खक्खित्तमाणसानं जहिच्छियदियविसयसुहमणुहवामो ।
कम्ममलकलंका जे । २ स्वम सू । ३ संजाया धम्मुवरि जिष्णासा, परिबुद्धा य भम्हे सू । ४ मासखममा जे । ५ ओ जंधियाणं च खीणयाए देवमा' खू। ६ तभो 'हा सू । ७ खलीओ जे ८ तवस्स साम सू । ९ तवकिलेसो सू । १० डसहित जे । ११ 'धूमबडेण णि' जे । १२ णायरया जे । १३ पलोइओ जे । १४ कमाइ जे । १५ इय सू । १६ सुनंदापमुहं जे सुभद्दाहंसू । १७ ओगयं गट्ट सू । १८ "याणिदियमिदियसुहं अह अह जे ।
Jain Education international
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |