Page Text
________________
२२०
चउप्पन्नमहापुरिसचरियं । सामपुच्चयं भणिओ-तुमए विणा किमम्हाणेमे एण रज्जेग पोयणं ?, का वा हिययस्स णेव्वुती ?, को वा सपत्थो ? चि, ता अलं कत्थइ पउत्थेणं, किंतु इहइं ठिओ चेव पवा-सययन्नपयागाइणा धैम्ममावजसु त्ति । इमं चाऽऽयण्णिऊण धणुणा गंगाणदीतीरम्मि महती पवा कारिया। तत्थ पंथिय-परिवायादीण पयागमण्णपाणं दिजिउं पयत्तं । दाण-माणोवयारगहिएहि य पञ्चइयपुरिसेहि दुगाउयपमाणा सुरंगा खाणिया जाव जउहरं । इओ य सा बहू रंभा(भ)ब्भहियरुवा णियपरियणसमेया संपत्ता अम्ह पुरवरं ।
अह विरइयणववहुवेसरुइरणेवच्छलंछणुच्छुरिया। दिट्ठा वड्ढियकोहल्लणिम्भर पुरपुरंधीहि ॥ ७५ ।।
तओ कयकित्तिमसंभमेण दीहराइणा महया विभूतीसमुदएण पवेसिया गयरं । तो चलंतचलणणेउररवुच्छलियमुहलणच्चंतविलासिणीयणो जणसम्मरण वारिजमाणो व संचरंतमंदमंदमावासट्ठाणमइगओ जण्णर्यत्तियाजणो । जहारिहं च कओ सयलो वि पायपक्खालणाइओ उवयारो । तओ पहाणसंवच्छरियवयणाओ कयविधिहमंगल-कोउओवयारं जहाविद वत्तं पाणिग्गहणं । विवाहाणंतरं च विसज्जिए सेयले वि जगसमूहे पेसिओ" अहं वासभवणं सह वहूए । दिटं च तर जउहरं सुरविमाणायारमणुगिरंतं । तओ तत्थ पासणिसण्गणबहुसमण्णियस्स विसज्जियासेससेवयलोयस्स वेसम्भणिभरं वरघणुणा सह मन्तयन्तस्स समहियं गयमद्धं जामिणीए । ताव य चिंताणलेणेव दारट्ठियतणुणा समंतओ पलीवियं वासभवणं । उच्छलिओ हाहारवो, "कूइयं पुरजणवएणे, संपलग्गं समंतओ जउभवणं ।।
अइ डन्झइ जलणुद्दामजलणजालाकलाबदुप्पेच्छं । पुरजणकयहाहकारदारुगं जउहरं सहसा ।। ७६ ॥
जाव य किंकायचढमाणसेण पुच्छिओ वरधणू 'किमेयं ? ति, ताव य महामञ्चेण कयपुव्यसंकेया सण्णद्धबद्धकवया भेत्तूण सुरुंगादेवारं समागया 'कहिं कहिं कुमारो ? ति भणमाणा सोलस पच्चइयपुरिसा । तओ तं णिसामिऊण जाहे अविस्संभंतो तेसिं ण पडिसलावं देइ वरधणू ताहे तेहिं भणियं जहा-अम्हे महामञ्चेण धणुणा कयसंकेया पेसिया, इमं च ते साहिण्णाणं, इमं च वइयरमणागयं मुणिऊण सुरंगापओएण अम्हे गियमिया, जा सा कुमारस्स माउलधृया सा लेहपेसणेण णिवारिऊण एसा काइ अण्णा [? आणिया], ता इमाए पडिबंधो ण काययो, लहुं णिग्गच्छह त्ति, सुरंगादुवारम्मि तुरंगर्जुयलं धरियं चिट्ठइ, तत्थज्वलम्गिऊण अँप्पाणं रक्खह त्ति, जाव को वि संपज्जइ अवसरो।
तो एयमायण्णिऊण अकयवियारो वरधणू साहयपरिवायउवइट्ठणाणाविहगुलियाविसेसे गेण्हिऊण भणइकुमार ! ण एस कालो विलम्बियवस्स, सिग्घमागच्छम् । त्ति भणिऊग कुमारेण समयं पुणो वि जणणिउयराओ व्व विणिग्गयो मुरंगोयराओ। दुवे वि पत्ता दौरदेसं । आरूढा मणपवणदच्छेसु तुरंगमेसु । साहियं जहावठियं मम वरघणुणा विवाह-कण्णाइयं सयलं पि दीहराइणो ववसियं । पयट्टा तोरवियतुरंगमा गंतुं । गया य पण्णासजोन्य(य)णमेत्तं भूमिभागं । तओ दीहदाणखेएण णिच्चेट्ठा णिवडिया तुरंगमा ।
तो वेल्लहयाए जीवियस्स 'एस एवोवाओ' त्ति परियप्पिऊण पाएहिं चेव गंतुं पयत्ता। पत्ता य कोहगाहिहाणं गाम । इहावसरम्मि तण्हुण्हैयछुहाकिलंतेण मंया वरधणू भणिओ जहा-सिग्छ मैममण्ण-पाणाइयमण्णेसमुददं परिसंतो" त्ति । तओ तमायण्णिऊण भणियं महामचतणएण-"सुंदरं केणावि भणियं जहा
णत्थि पंथखेयाउ परा वयपरिणई, णेय रुंददारिदसमो विहु परिहयो । मरणयाहि ण हु जायइ अण्णभयं परं, वेयणा वि ण छुहाए समा किर जंतुणो ॥ ७७ ॥ जोवणसिरि सोहम्गय, अहिमाण परकमो" कुलं सीलं । लज्ज बलावलेव नो, खणेण एका पणासेइ" ॥ ७८ ॥
मेष्णा'जे । २ इहडिओ सचेय जे । ३ धम्ममहिउजसु जे हि पंथियपुरिसेहिं दुगा" सू। ५ पुरंध्रीहि.स । “भवेण जे। पारिज जे । यत्तियजणो स्। ९ सयलम्मि जणजे।.'ओ वासभवणं संपलग्गं । उच्छजे। ११कृवियं स । १२ वएणं, भहस। सावदाम जे । 'म्यविमुहियमा जे । १५ कुमारमा सू । १६ जुवलं चिंस । १. अप्पाणयं जे । १८ दुवारदेसं जे। १. बाबहाए । २. हाहाए सू । २१ महम जे । २२ 'तो। तभी सू । २३ मरणभयाहि । २४ "मो सत्तणाई । बज थे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |